విజయనగరం కలెక్టరేట్ ఆడిటోరియంలో సోమవారం నిర్వహించిన స్పందన కార్యక్రమానికి 206 వినతులు అందాయి. ఈ వినతులను సంయుక్త కలెక్టర్ డా.జి.సి. కిషోర్ కుమార్, జిల్లారెవెన్యూ అధికారి గణపతిరావు, సహాయ కలెక్టర్ సింహాచలం, విపత్తుల ప్రోజెక్టు డైరెక్టర్ పద్మావతి స్వీకరించారు.  అమ్మవడి, రైతు భరోసా, సదరం, వసతిదీవెన, పింఛన్లు, పౌరసరఫరాలు, బియ్యంకార్డులు, ఉపాధి పనులు తదితర శాఖలకు అర్జీదారుల నుండి దరఖాస్తులు అందాయి.   ఆయా శాఖల ఉన్నతాధికారులకు దరఖాస్తులను అందజేస్తూ వినతులు సత్వరమే పరిష్కారం చేయాలని సూచించారు. ఈ స్పందనలో వివిధ శాఖలకు చెందిన జిల్లా అధికారులు హాజరయ్యారు.