ఈశిక్షణా కోర్సులో చేరేందుకు ఆసక్తి చూపే అభ్యర్ధులు విధిగా ఇంటర్మీడియెట్ ఉత్తీర్ణత కలిగి ఉండాలని లేదా యుజిసి గుర్తింపు కలిగిన ఏదైనా విద్యాసంస్థలో తత్సమాన కోర్సులో ఉత్తీర్ణత సాధించి ఉండాలని డా.ప్రసన్న కుమార్ స్పష్టం చేశారు.అభ్యర్దులను వారు సాధించిన మార్కుల శాతం మెరిట్ ప్రకారం ఎంపిక చేయడం జరుగుతుందన్నారు.ఇంటర్మీడియెట్ ఒకేషనల్ కోర్సు చేసిన అభ్యర్ధులు ఈ CLISc సర్టిఫికెట్ శిక్షణా కోర్సులో చేరేందుకు అర్హులు కాదని స్పష్టం చేశారు.ఈకోర్సులో చేరే అభ్యర్ధులకు వారి కనీస విద్యార్హతైన ఇంటర్మీడియెట్ లో సాధించిన మార్కులకు అదనంగా డిగ్రీ ఉత్తీర్ణత సాధిస్తే 5మార్కులు,పిజి ఉత్తీర్ణులైతే 10 మార్కులు కలిపి ఎంపిక చేయడం జరుగుతుందని ఆయన పేర్కొన్నారు.

అదే విధంగా ఈకోర్సులో చేరే అభ్యర్ధులను రూల్ ఆఫ్ రిజర్వేషన్ ప్రకారం ఎంపిక చేయడం జరుగుతుందని,అంతేగాక మహిళలకు 33/3 శాతం సీట్లు రిజర్వు చేయడం జరుగుతుందని రాష్ట్ర పౌర గ్రంధాలయాల శాఖ సంచాలకులు డా.ఎం.ఆర్.ప్రసన్న కుమార్ తెలియజేశారు.అంతేగాక ఈకోర్సులు నిర్వహించే మూడు సంస్థల్లోను తెలుగు,ఆంగ్ల మాద్యమాల్లో 10శాతం సీట్లను రాష్ట్ర పౌర గ్రంధాలయాల సంస్థ సంచాలకుల వారి పరిధిలోని జిల్లా గ్రంధాలయ సంస్థలు,ప్రభుత్వ లైబ్రరీల్లో పనిచేసే సిబ్బందికి రిజర్వు చేయడం జరుగుతుందని ఆయన స్పష్టం చేశారు.

ఈసర్టిఫికెట్ శిక్షణా కోర్సులో చేరేందుకు గుర్తింపు పొందిన పై మూడు సంస్థల ప్రిన్సిపాళ్ల నుండి నవంబరు 1వ తేదీ నుండి 15వ తేదీ వరకూ ధరఖాస్తులు పొందవచ్చని డా.ప్రసన్న కుమార్ తెలియజేశారు.పోస్టు ద్వారా అయితే సంబంధిత సంస్థ ప్రిన్సిపాల్ పేరిట 2రూ.లు ఇండియన్ పోస్టల్ ఆర్డర్ తీసి 10X24 సైజు ఎన్వలప్ కవర్ పై 5రూ.ల స్టాంపు అతికించి పంపి పొంద వచ్చన్నారు.పూర్తి చేసిన ధరఖాస్తులను నవంబరు 18వ తేదీ సాయంత్రం 5గం.ల లోగా పైన పేర్కొన్న సంబంధిత సంస్థల ప్రిన్సిపాళ్ళకు అందేలా పంపాల్సి ఉంటుందని చెప్పారు. ఒకవేళ సకాలంలో ధరఖాస్తులు ఆయా సంస్థలకు అందకుంటే అందుకు ఆయా సంస్థల ప్రిన్సిపాళ్ళకు ఏవిధమైన సంబంధం ఉండదని రాష్ట్ర పౌర గ్రంధాలయాల శాఖ సంచాలకులు డా.ఎం.ఆర్.ప్రసన్న కుమార్ తెలియజేశారు.