ఆంధ్రప్రదేశ్‌ లోని అమరావతిలో ఉన్న స్టేట్‌ హైకోర్టు కోర్టు మాస్టర్, పర్సనల్‌ సెక్రెటరీ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతోంది. మొత్తం ఖాళీల సంఖ్య 10, విద్యార్హతలు పోస్టులను బట్టి ఆర్ట్స్‌/సైన్స్‌/కామర్స్‌/లా స్పెషలైజేషన్‌లో డిగ్రీలో ఉత్తీర్ణత సాధించి ఉండాలి. అలాగే స్పీడ్‌ టైపింగ్‌, కంప్యూటర్‌ స్కిల్స్‌ కూడా ఉండాలి. అభ్యర్ధుల వయోపరిమితి విషయానికి వస్తే వయసు జనవరి 1, 2022 నాటికి 18 ఏళ్లు నిండి ఉండాలి. ఇక పే స్కేల్‌: నెలకు రూ.57,100ల నుంచి రూ.1,47,760ల వరకు జీతంగా చెల్లిస్తారు. ఎంపిక విధానం చూసుకుంటే టైపింగ్‌ స్పీడ్‌ టెస్ట్‌, ఇంటర్వ్యూలో సాధించిన మార్కుల ఆధారంగా అభ్యర్ధులను ఎంపిక చేస్తారు. ఆసక్తి కలిగిన అభ్యర్ధులు ఆఫ్‌లైన్‌లో అడ్రస్‌: రిజిస్ట్రార్‌ (అడ్మినిస్ట్రేషన్‌), ఏపీ హైకోర్ట్‌, నేలపాడు, అమరావతి, గుంటూరు జిల్లా- 522237 అనే అడ్రసుకి దరఖాస్తు చేసుకోవాలి. దరఖాస్తు రుసుము ఈడబ్ల్యూఎస్ అభ్యర్ధులకు రూ.1000 కాగా ఎస్సీ/ఎస్టీ/వికలాంగ అభ్యర్ధులకు: రూ.500 గా నిర్ణయించారు. దరఖాస్తుకు చివరితేదీ: జులై 25, 2022 గా పేర్కొన్నారు.