ఆంధ్రప్రదేశ్ లో ఏర్పాటైన 13 కొత్తజిల్లాలు, పరిపాలన ప్రజలకు తెలియాలన్నా, పరిపాలన గాడిలోపడి కేంద్రప్రభుత్వ గుర్తింపు రావాలన్నా మీడియా ద్వారానే జరగాల్సి వుంటుంది. కానీ ఇపుడు అదే మీడియా ద్వారా కొత్తజిల్లాలకు, అక్కడి కొత్త కలెక్టర్లకు గుర్తింపు లేకుండా పోయే పరిస్థితి దాపురించింది. కొత్త జిల్లాలు ఏర్పాటై ఇంతకాలం అవుతున్నా నేటికీ కొత్తజిల్లాల్లోని కలెక్టర్లు, జాయింట్ కలెక్టర్లు, ఇతర 75 ప్రభుత్వశాఖల అధికారులకు సరైన గుర్తింపు లేకుండా పోయింది. సగం సమాచారశాఖ గుర్తింపు రానీయకుండా చేస్తే..మరో సగం మిగిలివున్న మీడియా బాహ్య ప్రపంచానికి తెలియనీయకుండా శక్తివంచన లేకుండా కృషిచేస్తున్నది. అసలు సమాచారశాఖలోనే ఉమ్మడి జిల్లాల సమాచారశాఖ అధికారులు అటు రాష్ట్ర కమిషనర్ ను, సమాచారశాఖ మంత్రిని, ప్రభుత్వాన్ని కూడా తప్పుదారి పట్టిస్తున్నారు. వాస్తవానికి కొత్త జిల్లాల్లో జరిగే కార్యక్రమాలు మీడియా ద్వారా దేశవ్యాప్తం కావాలి. కానీ కొత్త జిల్లాల పేర్లు పలకడానికి సమాచారశాఖ ద్వారా విస్త్రుత మీడియా ప్రచారం చేయడానికి సమాచారశాఖలోని అధికారులు ముందుకి రావడం లేదు.

ప్రభుత్వ నిబంధనల కారణంగా ప్రెస్ అక్రిడిటేషన్ల జారీ భారీ మొత్తంలో పడిపోయింది. వచ్చే ఆ కొద్దపాటి ప్రెస్ అక్రిడిటేషన్లు పాత ఉమ్మడి జిల్లాల నుంచి ఇవ్వాలంటూ కొన్ని జర్నలిస్టు సంఘాల నేతలు ఏపీ సమాచారశాఖ కమిషనర్ ను తప్పుదారి పట్టిస్తున్నట్టు వార్తలు హల్ చల్ చేస్తున్నాయి. రాష్ట్ర అభివృద్ధికోసం ప్రభుత్వం 13 జిల్లాలను 26 జిల్లాలుగా మార్చి కొత్త పరిపాలనా విధానాలను అమలు చేసిన తరుణంలో కొందరు జర్నలిస్టులు, మరికొందరు జర్నలిస్టు సంఘాల నేతలు ప్రెస్ అక్రిడిటేషన్ విషయంలో సమాచారశాఖను తప్పుదారి పట్టించడం పట్ల సర్వత్రా విమర్శలు వినిపిస్తున్నాయి. ఇప్పటికే సమాచారశాఖ కారణంగానే కొత్తజిల్లాల్లోని డీపీఆర్వోలు, డీడీలు ప్రభుత్వ సమాచారం ఇవ్వకుండా సోకాల్డ్ మీడియా జర్నలిస్టులతోనే ప్రెస్ గ్రూపులు ఏర్పాటు చేసి ప్రభుత్వ అభివృద్ధిని, సమాచారాన్ని ప్రజలకు తెలియనీయకుండా సాయశక్తులా కృషిచేస్తున్నారు. ఇపుడు మళ్లీ ప్రెస్ అక్రిడిటేషన్ల విషయంలో కూడాకొత్తజిల్లాల్లో కాకుండా.. ఉమ్మడి జిల్లాల్లో ఇస్తే రాష్ట్రంలో కొత్తజిల్లాల కలెక్టర్లు అధికారం లేనట్టుగా తేటతెల్లం అయిపోతుంది. ఇప్పటికైనా సమాచారశాఖ కమిషనర్ కార్యాలయం నుంచి కొత్త అక్రిడిటేషన్ల విషయంలో నూతన జిల్లాల నుంచి మంజూరు చేసే విధంగా చర్యలు తీసుకోవడం ద్వారా కొత్తజిల్లాలకు గుర్తింపు రావడంతోపాటు, మీడియా ద్వారా కొత్త జిల్లాకలెక్టర్లు కూడా ప్రత్యేక గుర్తింపు వస్తుంది. లేదంటే కేంద్రం, రాష్ట్రపతి దృష్టిలో మాదిరిగానే ఇంకా ఏపీలో 13 జిల్లాలనే భావనతోనే అధికారికంగా ఉండాల్సి వస్తుంది..!

75ఏళ్ల స్వాతంత్ర్య భారత దేశంలో అటెండర్ దగ్గర నుంచి ఐఏఎస్ వరకూ బయో మెట్రిక్ వేసి విధులు నిర్వహించేలా చేసిన ప్రభుత్వంగా వైఎస్సార్సీపీ జగన్ ప్రభుత్వం నిలుస్తుందనడంలో ఎలాంటి సందేహమూ లేదు. ప్రభుత్వ కార్యాలయాల్లో అధికారులంటే నచ్చిన సమాయానికి వస్తాం..చిరాకొస్తే ఇంటికి వెళ్లిపోతామనే దోరణిలోనే ఇప్పటి వరకూ ప్రభుత్వ ఉద్యోగులు, అధికారుల వ్యవహారం నడిచింది. కానీ చరిత్రలో మొట్టమొదటి సారిగా..అధికారులు, సిబ్బంది విధి నిర్వహణ, కార్యాలయ సమయంలో ప్రజలకు అందుబాటులో ఉండాలనే లక్ష్యంతో ప్రతీ ఒక్క ప్రభుత్వ ఉద్యోగీ బయో మెట్రిక్ అటెండెన్సు(ఫేస్ రికగ్నైజేషన్ యాప్ బయో మెట్రిక్) వేయాలనే నిబంధన తీసుకురావడం ఇపుడు దేశవ్యాప్తంగా చర్చనీయాంశం అవుతోంది. ఈ విధానం ప్రభుత్వ అధికారులకు, సిబ్బందికి ఇబ్బందిగా ఉన్నా సరైన ప్రభుత్వసేవలు సకాలం అందాలంటే ప్రతీ ఉద్యోగీ, అధికారి ప్రభుత్వ కార్యాలయాల్లో అందుబాటులో ఉండాల్సి అవసరం వుంది. దానికోసం ఏర్పాటు అన్నిశాఖల, అన్ని స్థాయి అధికారులు అటెండెన్సు వేయాలనే నిబంధన ఇపుడు ప్రజల నుంచి విశేషంగా మన్ననలు పొందుతోంది..

ఏపీ ప్రభుత్వం తీసుకున్న ఫేస్ రికగ్నైజేషన్ యాప్ బయో మెట్రిక్ విధానం వలన ప్రతీసారి కల్లబొల్లి మాటలు చెబుతూ విధులకు డుమ్మాకొట్టేవారు, కాకమ్మ కబుర్లు చెప్పి ప్రభుత్వ విధినిర్వహణలో బయటకు వెళ్లిపోయి సొంత పనులు చూసుకునేవారు,నేనొక్కడినే తెగ కష్టపడిపోతున్నాను.. మిగిలిన వారంతా కూర్చొని జీతం తీసేసుకుంటున్నారని తెగఫీలైపోయే ప్రభుత్వ కొలువు వెలగబెడుతున్నమహానుభావులందరూ ఇక చచ్చినట్టు ప్రభుత్వ ఆదేశాలను అమలు చేసి తీరాల్సిందే. అంతేకాకుండా ఎంతసేపు ఆలస్యంగా వస్తే అంతసేపు కార్యాలయంలో విధులు నిర్వహించాలి..లేదంటే జీతంలో కోత వంటి చర్యలు కూడా అమలు చేస్తామంటున్న ప్రభుత్వ చర్యలు మంచి ఫలితాలను ఇస్తాయనే ఆశాభావాన్ని విధినర్వహణే దైవంగా బావించే ఉద్యోగులు, అధికారులు చక్కగా స్వాగతిస్తున్నారు. గతంలో ఆడుతూ, పాడుతూ, విధులకి వచ్చే వారందరికీ ప్రభుత్వం తీసుకున్న నిర్ణయం ఇపుడు గొంతులో పచ్చి వెలక్కాయ్ పడ్డట్టు తయారైంది.

ఆంధ్రప్రదేశ్ ప్రభుత్వం తీసుకున్న సాహసోపేత ప్రజా ఆమోదయోగ్యమైన నిర్ణయం అన్ని స్థాయిల అధికారులు, ఉద్యోగులు బయో మెట్రిక్ వేయాలనే నిబంధన ద్వారా జవాబుదారీ తనాన్ని పెంచనుంది. అదే సమయంలో ప్రతీ ప్రభుత్వ ఉద్యోగినీ సమయానికి కార్యాలయానికి తీసుకొచ్చి పనిచేయించిన ఘనత కూడా ఏపీ సీఎం వైఎస్.జగన్మోహనరెడ్డికి దక్కుతుంది. అదే సమయంలో ప్రభుత్వ అధికారులు, సిబ్బంది నుంచి వ్యతిరేకత వస్తుందని ఈ నిబంధనల్లో సడలింపులు చేస్తే ప్రగతి మాట అలా ఉంచితే..ఉన్న కాస్త ప్రగతి కూడా తిరోగమనంలో పయనించే పరిస్థితి వస్తుందని మేధావులు హెచ్చరిస్తున్నారు. ఎలాంటి ఒత్తిడిలు ఎక్కడ నుంచి వచ్చినా వాటిని పట్టించుకోకుండా ఫేస్ రికగ్నైజేషన్ యాప్ బయో మెట్రిక్ ను అమలు చేయడం ద్వారా మంచి ఫలితాలు పొందవచ్చుననే వాదన సర్వత్రా వినిపిస్తోంది. ఒకప్పుడు ప్రభుత్వ ఉద్యోగమంటే ఎలా పనిచేసినా, వెళ్లినా, వెళ్లకపోయినా నెల అయ్యేసరికి జీతాలు వచ్చేస్తాయన్న ధీమా నుంచి నెల పూర్తయినా జీతాలు వస్తాయో రావో అనే పరిస్థితిని ప్రభుత్వ ఉద్యోగులకు రుచి చూపించిన ప్రభుత్వం, ఇపుడు అన్నిస్థాయిల అధికారుల చేత పనిచేయించాలని తీసుకున్న ఈ 

నిర్ణయం మాత్రం ప్రభుత్వం అమలుచేస్తున్న నవరత్నాల పథకాలంటే వెయ్యిరెట్లు మెరుగ్గా వుందని సాధారణ ప్రజల నుంచి పనిచేసే అధికారులందరూ తమ మద్దతును తెలియజేస్తున్నారు. చూడాలి పెద్దకబుర్లాడే అధికారులతో ఫేస్ రికగ్నైజేషన్ యాప్ బయో మెట్రిక్ అటెండెన్సు ఏ మేరకు ప్రభుత్వ కార్యాలయాల్లో ఉంచి పనిచేయిస్తూ ప్రజలకు సేవలు అందిస్తుందనేది..!

న్యూమరాలజీలో 8వ సంఖ్యలను డెవిల్ నెంబరు అనిపిలుస్తారు. అదే 9వ సంఖ్యను కింగ్ నెంబర్ అని పిలుస్తారు. కింగ్ నెంబరు కావాలని కోరుకునేవారు చాలా మంది వారు తీసుకున్న మొబైల్ నెంబరు గానీ, వాహనాల నెంబర్లు గానీ తొమ్మిది వచ్చేలా తీసుకుంటారు. టోటల్ 8 సంఖ్య వచ్చేలా ఎవరూ తీసుకోరు. 100 మందిలో ఈ 8వ అనే సంఖ్య ఒకటి నుంచి 5 గురు సభ్యులకు కూడా పనిచేయదని..ఇది కంప్లీట్ గా డివిల్ నెంబరు అని నమ్ముతారు. అదే క్రైస్తవులైతే ఈ సంఖ్యను సాతాను(దెయ్యం)గా అభివర్ణిస్తారు. అలాంటిది ఏపీ ప్రభుత్వం జిల్లాల పునర్ వ్యవస్థీకరణలో భాగంగా తీసుకున్న నిర్ణయం ప్రకారం రాష్ట్రంలోని 13 జిల్లాలు 26 జిల్లాలుగా మార్చారు. ఇపుడు ఆ కొత్త జిల్లాలు అభివృద్ధి 26 జిల్లాల సంఖ్య కారణంగానే  నోచుకోలేదని.. అంతేకాకుండా ప్రభుత్వం కోర్టుల్లో వేసిన కేసులను గెలువలేకపోతున్నదని, ఏ విషయంలోనూ గ్రహాలు అనుకూలించక అభివృద్ధి పనులకి ముందడుగు పడటం లేదని, ఆదాయం పెరగడం లేదని, శాస్వత అభివృద్ధి పనులు సైతం చేపట్టలేకపోతున్నదనేది ప్రస్తుతం జరుగుతున్న వాదన. వాదన అనేకంటే ప్రస్తుత రాష్ట్రం యొక్క ఆర్ధిక పరిస్థితి కూడా అలానే వున్నదని చెప్పవచ్చు. ప్రస్తుతం ఉన్న 26 జిల్లాల సంఖ్యను ఒక కొత్తజిల్లా అదనంగా చేర్చి 27 జిల్లాలు చేస్తే ఆ సంఖ్య న్యూమరాలజీ(సంఖ్యాశాస్త్రం) ప్రకారం ఇటు ప్రభుత్వానికి జిల్లాలకు కూడా మంచి జరుగుతుందని న్యూమరాలజిస్టులు చెబుతున్నారు.  

ఏపీలో కొత్తజిల్లాలు ఏర్పాటు చేసిన దగ్గర నుంచి 26 సంఖ్య న్యూమరాలజీ ప్రకారం డెవిల్ నెంబరు అనే ప్రచారాన్ని అటుంచితే..పరిపాలనా పరమైన చిక్కులను తెచ్చిపెడుతున్నది. 26 జిల్లాల్లో అల్లూరి సీతారామరాజు జిల్లాలో ఉమ్మడి తూర్పుగోదావరి జిల్లాలోని రంపచోడవర ఐటీడీఏ ప్రాంతాన్ని కూడా చేర్చారు. దీనితో జిల్లా కేంద్రం పాడేరుకి ఇక్కడి ప్రజలు వెళ్లాంటే ఒకరోజంతా ప్రయాణం సుమారు 485 కిలోమీటర్లు ప్రయాణం చేస్తే తప్ప వెళ్లలేరు. అదేవిధంగా అధికారుల పరిస్థితికూడా అంతే. ఈ ప్రాంతం నుంచి మండల, డివిజన్ అధికారులు పూర్తిస్థాయిలో జిల్లా కేంద్రానికి, జిల్లా కలెక్టర్ ఈ ప్రాంతాలను అనుకున్న సమయంలో రాలేకపోతున్నారంటే పరిస్థితి ఏవిధంగా ఉందో అర్ధం చేసుకోవచ్చు. దానిని దృష్టిలో ఉంచుకొని ఇపుడు ఆంధ్రప్రదేశ్ ప్రభుత్వం సంక్రాంతి తరువాత 27వ జిల్లాగా రంచపచోడవరం రెవిన్యూ డివిజన్ లోని 11 మండలాలు కలుపుతూ ఒక జిల్లాగా చేయాలని భావిస్తున్నట్టు ఒక ఉన్నతాధికారి ఈఎన్ఎస్ తో చెప్పుకొచ్చారు. 

అయితే అది కార్యరూపం దాల్చుతుందా..లేదా అనే విషయంలో ఇంకా క్లారిటీ రావాల్సి వున్నదనే అనుమానాన్ని కూడా వ్యక్తం చేశారు. సంఖ్యాశాస్త్రం ప్రకారం 26 అనే సంఖ్య మొత్తం కలిపితే 8 వస్తుందని..ఈ నెంబరు కీడు,చెడుకి సంకేతమనే విషయం ఇటు ప్రుభుత్వం దృష్టికి కూడా వచ్చిందనే అభిప్రాయాన్ని వ్యక్తం చేశారు. ప్రచారాలు, సంఖ్యాశాస్త్రం తదితర అంశాలను పక్కనపెడితే అల్లూరి జిల్లాలకు ఆ మూలన వున్న రంపచోడవరం ప్రాంతాన్ని జిల్లాగా విడదీయడం ద్వారా పరిపాలన సౌలభ్యం, ప్రజలకు ఇబ్బందులు తగ్గుతాయని విషయం ప్రభుత్వం గుర్తించిందన్నారు. అయితే అల్లూరి సీతారామరాజు బ్రిటీషు సేనలపై పోరాటం చేసిన ప్రాంతాలన్నీ ఒకే జిల్లాల్లో ఉండాలనే లక్ష్యంతో ప్రభుత్వం మొత్తం ప్రాంతాన్ని అల్లూరి జిల్లాగా తయారు చేసిందన్నారు.

ఇపుడు ప్రధానంగా రంపచోడవరం ప్రాంతాన్ని తప్పితే జిల్లాకి పెట్టిన పేరు విషయంలో భావం పోతుందన్నారు..కానీ ఇపుడు అన్ని అంశాల్లోనూ పరిపాలనా ఇబ్బందులు, అధికారులు, ప్రజల నుంచి కూడా ప్రభుత్వంపై ఒత్తిడి వస్తున్నదన్నారు. ప్రస్తుతం ఈ విషయం ప్రభుత్వ పరిశీలనలో ఉన్నదని కొత్తజిల్లా ఏర్పాటు చేయడానికి ప్రభుత్వం సుముఖంగా ఉన్నట్టు చెప్పారు. అయితే అది ఎప్పుడు జరుగుతుందో చెప్పలేమని.. అల్లూరి జిల్లా భావం పోకుండా అల్లూరి పోరాటం చేసిన ప్రాంతాలను విభజించకుండా కొత్తగా జిల్లా ఏర్పాటు చేస్తారా అనే విషయం కూడా పరిశీలనలో ఉందన్నారు. న్యూమరాలజీ చెబుతున్నట్టుగా 26 సంఖ్యను 27 చేయడంతోపాటు ప్రజల ఇబ్బదులను తీర్చడానికి 27వ జిల్లా రాష్ట్రంలో ఏర్పాటవుతుందే సంకేతాలైతే వస్తున్నాయి. చూడాలి రానున్న రోజుల్లో ఏం జరుగుతుందనేది..!

ఇందిరా మైదానం, జీవకోన జిల్లా పరిషత్‌ హైస్కూల్‌, భైరాగిపట్టెడలోని రామానాయుడు మున్సిపల్‌ హైస్కూల్‌, ఎంఆర్‌ పల్లి జడ్‌పి హైస్కూల్‌, రామచంద్ర పుష్కరిణి వద్ద ఏర్పాటు చేస్తున్న కౌంటర్లలో జనవరి ఒకటో తేదీన సర్వదర్శనం టోకెన్ల జారీ  ప్రారంభిస్తామన్నారు. 10 రోజుల కోటా పూర్తయ్యేంత వరకు నిరంతరాయంగా టోకెన్లు ఇచ్చేందుకు ఏర్పాట్లు చేస్తున్నామని చెప్పారు. సర్వదర్శనం టోకెన్లు పొందిన భక్తులు తిరుమలలోని కృష్ణతేజ విశ్రాంతి గృహం వద్ద రిపోర్టు చేయాలని తెలిపారు.

సివిఎస్వో నరసింహ కిషోర్‌,  ఎస్వీబీసీ సిఈవో  షణ్ముఖ్‌ కుమార్‌, చీఫ్‌ ఇంజినీర్‌  నాగేశ్వరరావు, ఎస్‌ఇ-2  జగదీశ్వర్‌రెడ్డి, ఆరోగ్య శాఖాధికారి డాక్టర్ శ్రీదేవి, ట్రాన్స్ పోర్టు జిఎం  శేషారెడ్డి, అన్నప్రసాదం ప్రత్యేకాధికారి  శాస్త్రి తదితరులు ఉన్నారు.

తిరుమల శ్రీ వేంకటేశ్వర స్వామి వారికి అమూల్యమైన సేవలందించిన శ్రీ సాధు సుబ్రమణ్య శాస్త్రి,  వేటూరి ప్రభాకరశాస్త్రి,  రాళ్ళ పల్లి ఆనంతకృష్ణ శర్మ విగ్రహాలు ప్రతిష్టించాలనే ఆలోచన శ్రీ వేంకటేశ్వర స్వామి వారే తనకు కల్పించారన్నారు. ఇలాంటి మహానుభావుల జీవితాల మీద చర్చ జరగాలని, ప్రతి ఒక్కరు తెలుసుకోవాలని ఎమ్మెల్యే కోరారు. సాధు సుబ్రమణ్య శాస్త్రి వెలికి తీసి పరిష్కరించిన శాసనాల పుస్తకాలను ప్రతి ఒక్కరు చదవాలన్నారు. టీటీడీ బోర్డు సభ్యులు  పోకల అశోక్ కుమార్ మాట్లాడుతూ,  సుబ్రమణ్య శాస్త్రి తన జీవితాన్ని స్వామి సేవకు అంకితం చేసిన మహా మనిషి అన్నారు. ఇలాంటి వారి సేవలను టీటీడీ గుర్తు చేసుకోవడం సంతోషమన్నారు. సుబ్రమణ్య శాస్త్రి కూతురు  గిరిజ, మనుమడు, కడప అదనపు జిల్లా సెషన్స్ జడ్జి  సి ఎస్ మూర్తి మాట్లాడుతూ,  భూమన కరుణాకర రెడ్డి టీటీడీ చైర్మన్ గా ఉన్న సమయంలోసుబ్రమణ్య శాస్త్రి విగ్రహం ప్రతిష్టించడం సంతోషమన్నారు.

 శ్వేత డైరెక్టర్  ప్రశాంతి అధ్యక్షత వహించిన ఈ కార్యక్రమంలో శాసన పరిశోధకులు కృష్ణారెడ్డి, టీటీడీ సిఏవో  శేషశైలేంద్ర, 

డిఈవో  భాస్కర రెడ్డి, దూరదర్శన్ విశ్రాంత అదనపు డైరెక్టర్ జనరల్  అనంత పద్మనాభరావు, పుదుచ్చేరి యూనివర్సిటీ ప్రొఫెసర్  చంద్ర మౌళి, ఎస్వీ మ్యూజియం ప్రత్యేకాధికారి  కృష్ణారెడ్డి,  ఎస్వీ ఓరియంటల్ కళాశాల ఆచార్యులు వెంకటేశ్వర్లు పాల్గొన్నారు.

 ఈ సందర్భంగా

 సాధు సుబ్రమణ్య శాస్త్రి జయంతి సందర్బంగా టీటీడీ ముద్రించిన సారస్వత సంవీక్షణం పుస్తకాన్ని ఈ సందర్భంగా ఎమ్మెల్యే  కరుణాకర రెడ్డి ఆవిష్కరించారు.  అంతకుముందు శ్వేత భవనం ఎదురుగాగల శ్రీమాన్ సాధు సుబ్రమణ్య శాస్త్రి విగ్రహానికి అథితులందరూ పూలమాలలు వేసి నివాళులర్పించారు.

గ్రామ, వార్డు సచివాలయాల్లో పేరుకుపోతున్న చెత్తను నియంత్రించడానికి ఈ శాఖకు చెందిన ప్రత్యేక ముఖ్యకార్యదర్శి అజయ్ జైన్ ఈ-ఫైలింగ్ విధానం అమలు చేసే విషయంలో పూనుకుంటే తప్పా..సచివాలయాల్లో ఈ-ఫైలింగ్ అందుబాటులోకి రాదు. అలాగని సదరుశాఖ ముఖ్యకార్యదర్శి సచివాయాల్లోని ఇబ్బందులపై దృష్టి సారించినదీ లేదు. ఇటు జిల్లా కలెక్టర్లు, సచివాలయశాఖతో అనుసంధానంగా వున్న ఇతర ప్రభుత్వశాఖల కమిషనర్లుగానీ, ఇతర ప్రభుత్వశాఖల ముఖ్యకార్యదర్శిలు కూడా ఈ-ఫైలింగ్ విధానంలో నేటికీ నోరు మెదపడం లేదు. ప్రభుత్వ ప్రధాన కార్యదర్శి ముందుకి తీసుకెళ్లనూ లేదు. సచివాలయ వ్యవస్థ ఏర్పాటై మూడేళ్లు దాటిపోతున్నా..నేటికీ ఉద్యోగులకు సంబంధించి విధివిధానాలనే ప్రభుత్వం పూర్తిస్థాయిలో రూపొందించలేదు. ఇక తాము ఎదుర్కొంటున్న సమస్యలు ఏం పట్టించుకుంటారని సచివాలయ సిబ్బంది మీడియా ముందు పెదవి విరుస్తున్నారు. ఏ ప్రభుత్వశాఖలోనైనా ఏ శాఖకు చెందిన ఉద్యోగులు,, సిబ్బంది ఆ ప్రభుత్వశాఖ విధులే నిర్వహిస్తారు. కానీ సచివాలయశాఖలో మాత్రం ప్రభుత్వంలోని అన్నిశాఖల విధులు ఇక్కడి ఉద్యోగులు నిర్వహించాల్సి వుంటుంది. ఆ తీవ్రతను, ఇబ్బందులను దృష్టిలో పెట్టుకొనైనా ప్రభుత్వం ఇక్కడ ఈ-ఫైలింగ్ విధానాన్ని అమలు చేయడం లేదు. ఇప్పటికైనా అధికారులు ప్రత్యేకంగా దృష్టిసారించి గ్రీన్ చానల్ సచివాలయాలుగా మార్చి ప్రజలు సత్వర సేవలు అందించడానికి ఈ-ఫైలింగ్ విధానాన్ని అమలు చేస్తే మరిన్ని ఫలితాలు వస్తాయని సచివాలయ ఉద్యోగులే సూచిస్తున్నారు. చూడాలి ప్రభుత్వం ఈ-ఫైలింగ్ విధానం ఏర్పాటు చేసే విషయంలో ఎలాంటి నిర్ణయం తీసుకుంటుందనేది..!

సచివాలయ ఉద్యోగులకు అప్పగిస్తుందని.. వారినే ఎన్నికల విధులకు వినియోగించనున్నదని ఈఎన్ఎస్ లైవ్ యాప్ ద్వారా ప్రత్యేక కథనాన్ని ఇటీవలే ప్రచురించింది. నేడు అదే విషయాన్ని నిజంచేస్తూ.. రాష్ట్ర సమాచారశాఖ మంత్రి చెల్లుబోయిన వేణుగోపాల క్రిష్ణ అధికారికంగా ప్రకటించారు. 

గ్రామ, వార్డు సచివాలయ ఉద్యోగాలకు ప్రభుత్వం చేసిన ఆర్డినెన్సుతో చట్టబద్దత వచ్చినప్పటికీ.. సచివాలయ ఉద్యోగుల విషయంలో ఏదీ సక్రమంగా జరగలేదు. వీరి సర్వీసులను రెండేళ్లలో క్రమబద్దీకరించాల్సి ఉండగా అదనంగా 9నెలలు పనిచేయాల్సి వచ్చింది. ఆ సమయంలో ఉద్యోగులు ఒక డీఏతోపాటు, పూర్తిస్థాయి పేస్కేలు కోల్పోయారు. పోనీ ఎట్టకేలకు ఉద్యోగాలు రెగ్యులర్ చేశారనుకుంటే.. నేటి వరకూ సచివాలయాల్లో రాష్ట్రవ్యాప్తంగా పనిచేస్తున్న 1.34 లక్షల శాశ్వత ప్రభుత్వ ఉద్యోగాల సర్వీసు రూల్సు, పదోన్నతుల విషయంలో ప్రభుత్వం నేటికీ క్లారిటీ ఇవ్వలేదు. ఏఎన్ఎంలకు ఇన్ సర్వీసు స్టాఫ్ నర్స్ శిక్షణ ఇప్పిస్తున్నప్పటికీ..మిగిలిన శాఖల విషయంలో మాత్రం ప్రభుత్వం ఎలాంటి ప్రకటనా చేయలేదు.  రాష్ట్రవ్యాప్తంగా 15,004 గ్రామ, వార్డు సచివాలయాల్లో ఉద్యోగాలు చేస్తున్నవారు ఏ కేటగిరీలోకి వస్తారో ఆర్డినెన్సుకి ముందే ప్రభుత్వం ప్రకటించి ఉంటే బావుండేదనే వాదన బలంగా వినిపిస్తోంది. ప్రస్తుతం సచివాలయాల్లతో 545 రకాల సేవలను అందుబాటులోకి తీసుకు వచ్చినా కొన్ని సేవలను మాత్రమే అమలు చేస్తున్నారు.. అన్ని సేవలు అమలు చేస్తే ప్రభుత్వానికి ఆదాయంతోపాటు, ప్రభుత్వ లక్ష్యం కూడా నెరవేరేది. కానీ అలా జరగడం లేదు.

గ్రామ, వార్డు సచివాలయాలు వైఎస్సార్సీపీ ప్రభుత్వం ఉన్నప్పుడే ఉంటాయి..ఆ తరువాత ఉద్యోగాలను ఆ వచ్చే ప్రభుత్వం తీసేస్తుందని ప్రతిపక్షాలు పనిగట్టుకొని చేసే ప్రచారానికి ప్రభుత్వం సోమవారం జారీ చేసిన ఆర్డినెన్సుతో తెరపడినట్టు అయ్యింది. రాష్ట్రంలో ప్రస్తుతం అమలులో ఉన్న పంచాయతీ­రాజ్, మునిసిపల్‌ చట్టాలకు అదనంగా గ్రామ/­వార్డు సచివాలయ వ్యవస్థ చట్టం ఉంటుందని ఆర్డినెన్స్‌లో ప్రభుత్వం పేర్కొంది. ఈ ఆర్డినెన్స్‌తో గ్రామ/­వార్డు సచివాలయాల ద్వారా అందజేసే ప్రభుత్వ సేవలు, గ్రామ/వార్డు సచివాలయ శాఖ ద్వారా జారీ చేసే ఉత్తర్వులు శాసనాధికారంతో కూడినవిగా ఉండనున్నాయి. ఈ చట్టం శాసనసభ, శాసన మండలిలో ఆమోదం పొందిన తరువాత ఉద్యోగుల సర్వీసు నిబంధనలు, పదోన్నతుల విషయంలో ఒక క్లారిటీ వచ్చే అవకాశాలున్నాయి. అపుడు గానీ సచివాలయ ఉద్యోగులు ఏ కేటగిరీ ఉద్యోగులో తేలే అవకాశం లేదు. కాకపోతే భారతదేశం మొత్తం తొంగి చూసే విధంగా ఆంధ్రప్రదేశ్ లో ఏర్పాటు చేసిన గ్రామ, వార్డు సచివాలయ వ్యవస్థపై అన్ని రాష్ట్ర ప్రభుత్వాల నుంచి మంచి ప్రశంసలు అందుతున్నప్పటికీ మూడేళ్లు దాటినా ఒక విధి విధానంలో ఈ శాఖను అమలు చేయని విషయంపై విమర్శలు కూడా వినిపిస్తున్నాయి. ఏది ఏమైనా ఒక కొత్త వ్యవస్థ ఏర్పాటైన మూడేళ్ల తరువాత చట్టబద్దత తీసుకొచ్చే విషయంలో ఏపీ ప్రభుత్వం కీలక అడుగు వేసిందనే చెప్పాలి..!

మిగులుస్తున్నాయి.

గ్రామ, వార్డు సచివాలయ ఉద్యోగులను అధికారులు ఏ స్థాయిలో బెదిరిస్తున్నారంటే నిన్ను ఉద్యోగంలో నుంచి తీసిపారేస్తా(ఒక ప్రభుత్వ ఉద్యోగిని విధుల్లో నుంచి  తీసేసే హక్క ఆ ప్రభుత్వానికి కూడా ఉండదు, తప్పిదారి దేశ ద్రోహం చేస్తే తప్పా.. ఆ విషయం తెలిసీ కూడా మండల, జిల్లా అధికారులు ఈ విధమైన బెదిరింపులు 

బలవంతంగా సచివాలయ ఉద్యోగులు ఆత్మహత్యలకు పాల్పడటం వలన ఆ కుటుంబాన్ని అంతటినీ పోషించే పెద్దదిక్కును కోల్పోతున్నారు. ఎంతో కొంత జీతం వచ్చి నాలుగు వేళ్లు నోట్లోకి వెళతాయనుకుంటున్న తరుణంలో సచివాలయ ఉద్యోగులు యుక్త వయస్సులో ఆత్మహత్యలకు పాల్పడటం రాష్ట్రస్థాయిలో 

‘‘ఒప్పుకున్న పెళ్లికి వాయించక తప్పదు’’ అన్నట్టు తయారైంది గ్రామ, వార్డు సచివాలయ ఉద్యోగుల విధినిర్వహణ. సాధారణంగా ఏ ప్రభుత్వ శాఖలో అయినా సదరు ప్రభుత్వ శాఖకి చెందిన పనులు మాత్రమే చేయాల్సి వుంటుంది. కానీ గ్రామ, వార్డు సచివాలయశాఖలో వారి మాతృశాఖతో పాటు అన్నిశాఖల ప్రభుత్వ 

జీవితంలో స్థిరపడిపోవచ్చునని ఎన్నో ఆశలతో గ్రామ, వార్డు సచివాలయ శాఖ ఉద్యోగాలల్లోకి వచ్చిన వారంతా ఇపుడు వేరే ఉద్యోగాలవైపు చూస్తున్నారు. మరికొందరు వేరేశాఖలో ఉద్యోగం వస్తే దీనిని వదిలి వెళ్లిపోతుండగా, మరికొందరు ఉద్యోగాలను శాస్వతంగా వదిలి వెళ్లి పోతున్నారు. గత మూడేళ్లలో 

గత ఎన్నికల్లో సమయంలో ప్రజలకు ప్రభుత్వం ఇచ్చినహామీలన్నీ అమలు చేశాం. అయినా కొందరు ఎమ్మెల్యేలు ప్రజలకు దగ్గరకాలేకపోవడం దారుణం. రాష్ట్రంలో ఏ నియోజకవర్గంలో పరిస్థితి ఎలా వుందో ఎప్పటికప్పుడు సమాచారం మొత్తం అంతా నాకు అందుతుందని నియోజకవర్గ ఇన్చార్జిలకు చెప్పారట జగన్. ప్రస్తుత  నియోజవకర్గాల్లో కో-ఆర్డినేటర్ల పరిస్థితి బాలేకపోవడంతోనే కొత్తవారిని నియమించాం. అయినా మార్పురాలేదని కాస్త గట్టిగానే వార్నింగ్ ఇచ్చినట్టుగా  చెబుతున్నారు. ఇలా అయితే ప్రజల్లో పట్టు కోల్పోతే సీటు ఇచ్చినా వృధా అయిపోతుంది. తీరుమార్చుకొని ఎమ్మెల్యేలు, ఎంపీలు అందరూ ప్రజల్లోనే ఉండాలి. వచ్చే  ఎన్నికలను చాలా ప్రతిష్టాత్మకంగా తీసుకున్నాం చెప్పినట్టుగా 175కి 175 రావాల్సిందేనని దానికోసం మీరు ఏం చేస్తారో..ప్రజలను ఏ విధంగా మచ్చిక  చేసుకుంటారో తెలియదని తేల్చిచెప్పారట. అన్ని విషయాల్లోనూ  ప్రజలకు చేరువగా ఉంటేనే నెగిటివ్ ప్రచారాలకు ఆస్కారం వుండదని.. అదే సమయంలో ప్రభుత్వంపై వచ్చే అసత్య ప్రచారాలను తప్పికొట్టాలని కాస్త గట్టిగానే చెప్పినట్టు సమాచారం.

రాష్ట్రంలోని 175కి 175 స్థానాలు గెలిపించి తీసుకు వచ్చే బాధ్యత తమదని అన్ని నియోజకవర్గాల ఇన్చార్జిలు సీఎం వైఎస్. జగన్మోహనరెడ్డికి భరోసా ఇచ్చారట. తమపై పెట్టిన నమ్మకాన్ని సీట్లు గెలిపించి బహుమతిగా తీసుకు వస్తామని నియోజకర్గాలకు ఇన్చార్జిలుగా నియమింప బడ్డవారంతా ముక్త కంఠంతో చెప్పినట్టు తెలిసింది. నియోజకవర్గాల్లో పరిస్థితిని ఎప్పటికప్పుడు అంచనా వేస్తూ.. అక్కడ ఏమేం కావాలో, ఎలాంటి అభివ్రుద్ధి పనులు చేయాలో, ఏ సామాజిక వర్గం నుంచి వ్యతిరేకత ఉంది.. ఎవరి నుంచి మంచి ప్రోత్సాహం వుంది తదితర అంశాలన్నింటిపైనా దృష్టిపెట్టి నియోజకవర్గాలన్నింటిని మనవైపు తిప్పుకోవాలని జగన్  ఇన్చార్జిలకు సూచించారట. నియోజకవర్గాల్లో అన్నివర్గాల ప్రజలతో సమావేశాలు ఏర్పాటుచేసి అక్కడ సమస్యలను తెలుసుకొని పరిష్కరించేందుకు చొరవ చూపాలని, ముఖ్యంగా గడప గడపకూ ప్రభుత్వం కార్యక్రమంలో సమస్యలు స్వీకరించి పరిష్కరిస్తే ప్రజల్లో మనపై నమ్మకం పెరుగుతుందని సీఎం ఇన్చార్జిలకు క్లాస్ ఇచ్చినట్టు చెబుతున్నారు. కాగా కొత్తగా ఇన్చార్జిలు నియమించిన వారిలో కొన్ని నియోజకవర్గాల్లో వారు వాస్తవ పరిస్థితిని నివేదికల రూపంలో ఇవ్వడం పట్ల జగన్ సంతృప్తి వ్యక్తం చేశారట.

త్వరలో ఎమ్మెల్యేలతో మరోసారి సమీక్ష నిర్వహిస్తాం ఆ నాటికి 175 నియోజకవర్గాల్లోని వాస్తవ పరిస్థితిని నా ముందుంచాలి అపుడు ఎవరెవరకి సీటు వచ్చేది.. ఎవరికి సీటు నిరాకరించేంది తేల్చి చెప్పేస్తా అని సీఎం తెగేసి చెప్పారట. ఇన్ని లక్షల కోట్ల రూపాయలు సంక్షేమ పథకాలు ప్రజలకు అందించాం. ఇంటి ముంగిటే గ్రామ, వార్డు సచివాలయాలు ఏర్పాటు చేసి సేవలు అందిస్తున్నాం. అయినా కొంతమంది ఎమ్మెల్యేల్లో ప్రజల నుంచి తిరుగుబాటు వస్తుందంటే వారు ప్రజల్లో లేరని..వారికి ప్రజాభిమానం లేదని అర్ధమవుతుంది. అలాంటి వారి వలన పార్టీకి ప్రభుత్వానికి నష్టం రాకూడదు. ఈ విషయంలో ఇన్చార్జిలు చాలా ఖచ్చితత్వంగా వ్యవహరించాలని ఇన్చార్జిలతో ప్రత్యేకంగా మాట్లాడిన క్రమంలో జగన్ సూచించారట. సిట్టింగ్ ఎమ్మెల్యే విషయంలో అక్కడి ప్రజల నుంచి వస్తున్న స్పందన అక్కడ ప్రజల నుంచి ఎలాంటి మద్దతు ఉందనే విషయం తెలిస్తేనే మనం దైర్యంగా ముందుకి వెళ్లడానికి ఆస్కారం వుంటుందని..ఆ విషయాలను కనుక్కోవడానికే మిమ్మల్ని అక్కడ నియమించామనే విషయాన్ని ఎట్టి పరిస్థితుల్లోనూ మరిచిపోవద్దని చెప్పారట. మీతోపాటు ఎమ్మెల్యేలకు సమావేశం నిర్వహిస్తాం. అప్పటికి అంతా ప్రజాభిమానంతో, వారి పట్ల నూశాతం నమ్మకంతో రావాలి..లేదంటే నా పనినేను చేస్తానని చెప్పినట్టు విశ్వసనీయంగా తెలిసింది. కాగా ఇన్చార్జిలతో ఏర్పాటు  చేసిన సమావేశంలో ఒక బలమైన సందేశాన్ని సీఎం జగన్ పంపినట్టు చెబుతున్నారు. దీనిని బట్టి ఈరోజు నుంచే రాష్ట్రవ్యాప్తంగా ఎమ్మెల్యే తీరులో మార్పు కనిపించే అవకాశం వుంది.. చూడాలి రాజకీయ ముఖ చిత్రం ఆ 40% మందిలో ఎలాంటి మార్పు తీసుకు వస్తుందనేది..!