ఆంధ్ర ప్రదేశ్ ప్రభుత్వం ఆదేశాల మేరకు డైరెక్టర్ ఆఫ్ మెడికల్ ఎడ్యుకేషన్ సూచనలతో విశాఖ ఇన్స్టిట్యూట్ ఆఫ్ మెడికల్ సైన్స్ లో 32 వైద్యుల భర్తీకి నోటిఫికేషన్ విడుదల చేసినట్లు డైరెక్టర్ డాక్టర్ కె రాంబాబు ఒక ప్రకటనలో తెలిపారు.  సూపర్ స్పెషాలిటీ విభాగలు  న్యూరో సర్జరీ -03, న్యూరాలజీ -02, పల్మనాలజీ 02, ఆర్థోపెడిక్స్-02 , జనరల్ మెడిసిన్-04, ప్లాస్టిక్ సర్జరీ-02, సర్జికల్ గ్యాస్ట్రాలజీ-01, మెడికల్ గ్యాస్ట్రాలజీ-02, సర్జికల్ ఆంకాలజీ-02, మెడికల్ ఆంకాలజీ-02, ఎండోక్రినాలజీ-02 కార్డియాలజీ-03, అనస్తీసియా-03, హాస్పిటల్ అడ్మినిస్ట్రేటర్ మెడికల్-02  విభాగాలలో పోస్టులను భర్తీ చేయనున్నట్లు పేర్కొన్నారు. ఈ 32 అసిస్టెంట్ ప్రొఫెసర్స్ పోస్టులు భర్తీ రూల్ ఆఫ్ రిజర్వేషన్లు కి సంబంధం లేకుండా అన్ని పోస్టులు ఓపెన్ కేటగిరీలో భర్తీ చేయనున్నట్లు పేర్కొన్నారు. అభ్యర్థుల నుంచి ఈ నెల 30 వ తేదీ వరకు విమ్స్ ఆస్పత్రిలో అడ్మినిస్ట్రేషన్ బ్లాక్ లో దరఖాస్తులను స్వీకరిస్తామని పేర్కొన్నారు.  దరఖాస్తులను పరిశీలించి జూలై 2వ తేదీ న మెరిట్ లిస్టు, 3వ తేదీన ఫిర్యాదుల స్వీకరణ, 4వ తేదీన ఎంపికైన వారికి నియామక పత్రాలు అందజేయడం జరుగుతుందన్నారు.మరిన్ని వివరాల కోసం www.vimsvskp.com వెబ్ సైట్ నందు సందర్శించాలని కోరారు.