కూటమి ప్రభుత్వంలో అక్రమాలకు తావుండదంటారు.. అదేంటో విశాఖలోని ఏపీటీడీసి హోటళ్ల మరమ్మతుల విషయంలో కోట్లాది రూపాయలు పక్కదారి పడుతున్నా.. జిల్లాలో కలెక్టర్ తో సహా.. రాష్ట్ర అధికారులు కూడా కన్నెత్తి చూడటం లేదు. వాస్తవాలను మీడియా ప్రభుత్వం ముందుకి తీసుకెళ్లినా.. మరింతగా రెచ్చిపోతున్న ఏపీటీడీసి రాష్ట్ర అధికారులు వారి బినామీల ద్వారా చేపడుతున్న అడ్డగోలు వ్యవహారాన్ని అంతే తేడాగా కప్పిపుచ్చుకునేందు అన్ని దారులూ వెతుకుతున్నారు. కార్పోరేషన్ రాష్ట్ర అధికారుల చర్య వలన ప్రభుత్వానికి కోట్ల రూపాయలు నష్టం వాటిల్లుతున్నా.. ఇక్కడ పనిచేసే అధికారులను గానీ, కాంట్రాక్టర్ ని గానీ పల్లెత్తు మాట అనడం లేదంటే అసలు ఏం జరుగుతుందో మీరే అర్ధం చేసుకోవాలి. ఎక్కడైనా కొత్తవి కట్టకుండా మరమ్మతులు చేసుకుంటే కొత్తగా కనిపిస్తాయని  మొత్తం ఖర్చులో కొంత భాగాన్ని ఖర్చుచేస్తారు. విచిత్రంగా ఏకంగా ఒక స్టార్ హోటల్ కట్టేంత సొమ్ముతో కేవలం మరమ్మతులు మాత్రమే చేసి.. వాటికి ఇంకా డబ్బులు చాల లేదని ప్రభుత్వానికి మరో రూ.5 కోట్లు టెండరు వేసేద్దామని అధికారులు ప్లాన్ చేసినా ప్రభుత్వం పల్లెత్తు మాట అనడం లేదు.

విశాఖలోని ఏపీటీడీసికి చెందిన హరిత యాత్రీ నివాస్ లో అత్యధిక మొత్తం వెచ్చించి మరమ్మతులు చేస్తున్నారు. ఆ విషయంలో చాలా డబ్బు చేతులు మారుతోంది. డబ్బుకి తగ్గ మరమ్మతులు, వస్తువులు ఇక్కడ కనిపించడం లేదు. వాస్తవానికి ఇలా జరిగితే జిల్లా కలెక్టర్ రంగంలోకి దిగాలి.. కానీ అలా జరగలేదు. పైగా ఇదేశాఖకు చెందిన అధికారులను ఇక్కడ నియమిస్తే.. ఎక్కడ వాస్తవాలు బయటకి వచ్చేస్తాయోనని లుక లుకలు పడుతున్న ఆంధ్రప్రదేశ్ టూరిజం డెవలప్ మెంట్ కార్పోరేషన్ అధికారులు ఒక అవినీతి అధికారి శ్రీనివాసరావు అనే వ్యక్తిని ఆర్డీగా నియమించారు. ఆయనే జిల్లా మేనేజర్ పోస్టుకూడా అప్పగించారు. దీనితో రెండేళ్లు ఈయన ఆడిందే ఆట.. పాడిందే పాట. ఆ విషయం కాస్త మీడియాలో గుప్పు మనడంతో.. ఆయనను తప్పించి.. అసలు టూరిజంశాఖకు సంబంధం లేని వ్యక్తిని ఇరిగేషన్ లో ఇఇ గా పనిచేస్తున్న వ్యక్తిని తీసుకొచ్చి మళ్లీ ఆర్డీ స్థానంలో కూర్చో బెట్టారు. 

తరువాత కూడా మీడియా కథనాలు వరుసగా వస్తుండటంతో తనకు రెండు ఉద్యోగాలు భారంగా ఉన్నాయని చెప్పడంతో రాష్ట్ర అధికారులు మళ్లీ శ్రీకాకుళం జిల్లా నుంచి మరో అధికారి జిల్లా మేనేజరుగా నియమించారు. ఇదంతా ఎందుకు చేస్తున్నారంటే.. ఇదే శాఖలో ఉన్న అధికారులకి ఇన్చార్జిగా నియమిస్తే ఇక్కడ జరుగుతున్న తేడా పనులన్నీ ఆధారాలతో సహాయ బయటకు వచ్చేస్తాయ్ అలా రాకుండా ఉండేందుకు.. ఏకంగా టూరిజం కార్పోరేషన్ ఎండీ అనుమతి లేకుండా..సదరు రిఫరెన్స్ కూడా లేకుండా ఈడీ పద్మావతి నేరుగా ఇతర శాఖల్లోని అధికారులకు డిప్యూటేషన్ ఆర్డర్లు ఇచ్చేస్తున్నారు. ఇపుడు ఆ ఆర్డర్ పైనే చర్చ జరుగుతున్నది. ప్రస్తుతం ఏటీడీసీ ఎండీ ఆమ్రపాలి సెలవులో ఉన్నారు. దానిని రాచమార్గంగా తీసుకొని అక్కడి ఈడి నచ్చినవారికి విశాఖలో పోస్టింగులు ఇచ్చేస్తున్నారు. 

అయితే వచ్చే అధికారులందరికీ ఒక లక్ష్మణ రేఖ గీసి మరీ ఏపీటీడీసీకి అధికారులుగా పంపిస్తున్నారట. అక్కడికి అధికారిగా వెళ్లినా.. మేము చెప్పినట్టే చేయాలి.. ప్రస్తుతం జరుగుతున్న మరమ్మతుల పనులకు సంబంధించి ఏం మాట్లాడకూడదు.. లెక్కలు బయటకు తీయకూడదు.. నాణ్యతను పరిశీలించకూడదు.. బిల్లుల విషయంలో తలదూర్చకూడదు.. జిల్లా కలెక్టర్ కి దొంగచాటుగా నివేదికలు పంపకూడదు.. కాంట్రాక్టర్ పై ఒత్తిడి తేకూడదు.. కేవలం జిల్లా మేనేజర్  ఉన్నామంటే ఉన్నామన్నట్టుగా ఉండాలి అనే నిబంధనలతో పంపుతున్నారట. అలా అయినా విశాఖలో హరితర యాత్రీనివాస్ విషయంలో కాంట్రాక్టర్ అధికారులు కలిసి పెంచేసిన బిల్లు మొత్తాన్ని.. అక్కడ పనుల నాణ్యతను, ఇటీవలే ఆర్డీ పోస్టులోకి ఇన్చార్జిగా వచ్చిన ఇరిగేషన్ ఇఇ కలిసి జిల్లా కలెక్టర్ కి నివేదించాల్సి వుంటుంది. చూడాలి ఎండీ కి రిఫరెన్సు లేకుండా డైరెక్టుగా ఏపీటీడీసి జిల్లా మేనేజర్ అయినా ఇక్కడ జరుగుతున్న వ్యవహారాలు పేపర్ పై పెడతారా..లేదంటా రాష్ట్ర అధికారులు గీసిన లక్ష్మణ రేక దాట కుండా.. అంటీ ముట్టనట్టుగా వ్యవహరిస్తారా అనేది...?!

అలాగే ఉర్జవీర్ అనే పథకములో  సభ్యులందరూ నమోదు కావాలని కోరారు. ఈ పథకంలో ప్రతి ఎలక్ట్రికల్ టెక్నీషియన్ పాల్గొని  బ్యాంక్ అకౌంటు, మీ ఆధార్ కార్డు ,పాన్ కార్డు, మీరు మీ సెల్ నుండి నమోదు చేసుకోవాలని తెలియజేశారు. గౌరవ అధ్యక్షులుగా ఎడ్ల సూర్య చంద్రరావు, ఎంవిజివి ప్రసాద్, గౌరవ సలహాదారు కాకి రవిబాబు,  బోరా వెంకట గోపాలకృష్ణారెడ్డి ఎన్నిక అనంతరం యూనియన్ చేపట్టే కార్యక్రమాలను సభ్యులకు వివరించారు. వీరి సమక్షంలోనే ఏకగ్రీవంగా స్టీరింగ్ కమిటినీ కూడా ప్రకటించారు.  అంతకు ముందు కమిటీ మెయిన్ కోర్ ఎన్నిక ఏకగ్రీవంగా జరిగింది. కమిటీలో గౌరవ సలహాదారులు గంట సతీష్, అధ్యక్షులుగా బొజ్జ రామకృష్ణ , ఉపాధ్యక్షులు వీరవల్లి గంగాచార్యులు, సెక్రెటరీ ఆసపు శ్రీనివాస్ బుజ్జి, జాయింట్ సెక్రెటరీ సీమల వీరభద్రరావు, కోశాధికారి సుదర్శన్ షణ్ముఖం, ఉప కోశాధికారి సారవకోట లక్ష్మణరావు, స్టాండింగ్ కమిటీ చైర్మన్, స్క్వాడ్ కమిటీ చైర్మన్  గోవాడ కొండబాబు, ఆర్గనైజింగ్ సెక్రటరీ ఆముదాలపల్లి కామేశ్వరరావు, యూనియన్ కన్వీనర్ చల్ల వరప్రసాద్,  కమిటీ సభ్యులుగా ఊర్ల శ్రీరాములు, అల్లంకి వీరభద్ర స్వామి, గొల్ల రవి, గడ్డం ప్రసన్న కుమార్, ఉత్తరాల సోమేశ్వరావు, ఎడ్ల శేఖర్, నిమ్మలపూడి రవి వర్మ, జనిపే పూర్ణచంద్రరావు, గొల్లగాని విజయభాస్కర్, సొరసాని వెంకట గంగా చందు పాలపర్తి అప్పారావులు నియమితులయ్యారు. ఈ కార్యక్రమంలో యూనియన్ సభ్యులు పాల్గొన్నారు.

 ఒక పోలీసు కుటుంబానికి కూడా ఆయన అండగా నిలిచారని.. కొవిడ్ సమయంలో కూడా  ఎన్నో సేవలు చేశారని కొనియాడారు. యువత దేశానికి భవిత అన్నారు. క్రీడాకారులు దేశానికి మంచి పేరు తేవాలన్నారు. నేటి యువత గంజాయి, మద్య పానం కి బానిసలు అవుతున్నారని ఆందోళన వ్యక్తం చేశారు. ప్రజలు ఏ సమస్యా వచ్చినా తనకు 7995095799 నంబర్ లో సంప్రదించాలని కోరారు. మార్పు కార్యక్రమం కింద డి ఎడిక్షన్ ద్వారా మత్తు నుంచి విముక్తి కల్పిస్తున్నామన్నారు. యువకులు గంజాయి సేవనం ద్వారా మెదడు దెబ్బ తిని విచక్షణ కోల్పోయి మానసిక రోగులుగా తయారవుతారన్నారు. తద్వారా  తల్లి దండ్రులకి మానసిక క్షోభమిగులుతుందన్నారు. యువతలో ప్రేమ సహజమే కానీ, ప్రేమ విఫలమయ్యి ఆత్మహత్యే శరణ్యం అనుకోవడం సరికాదు అన్నారు. స్వామి వివేకానంద చెప్పినట్టు ఆత్మ విశ్వాసం పెంచుకోవాలని సూచించారు. సమస్యలను ధైర్యంగా ఎదుర్కోవాలని చైతన్య పరిచారు.

 తనకు కూడా అడ్వంచర్ స్పోర్ట్స్ అంటే ఎంతో ఇష్టమని.. పర్వతారోహణ హాబి అని గుర్తు చేశారు. క్రీడలతో ఆరోగ్యం పెరుగుతుందన్నారు. క్రికెట్ టోర్నమెంట్ నిర్వహించిన కంచర్ల అచ్యుత రావు ను సీపీ ప్రత్యేకంగా అభినందించడంతోపాటు.. రానున్న కార్యక్రమాలకు పోలీసు శాఖ సహకారం అందిస్తామని భరోసా ఇచ్చారు. జాతీయ క్రికెట్ జట్టుకు విశాఖ నుంచి, ఆరిలోవ నుంచి క్రీడాకారులు ఎంపిక అవుతారని ఆశాభావం వ్యక్తం చేశారు.  సినీనిర్మాత డా.కంచర్ల అచ్యుత రావు మాట్లాడుతూ, నగర పోలీసు కమిషనర్ శంఖ బ్రత బాగ్చి వచ్చిన తర్వాత నగరంలో శాంతి భద్రతలు మెరుగుపడ్డాయని కొనియాడారు. యువత అభివృద్ధి చెందితేనే దేశం అభివృద్ధి చెందుతుందన్నారు. ఈ విధానం నమ్మిన ఏకైన పోలీసు అధికారి విశాఖ సీపీ మాత్రమేనన్నారు.  ఐపిఎల్ తరహాలో ఫ్రాంచైజీ ద్వారా క్రికెట్ జట్లను కొనుగోలు చేసి క్రికెట్ మ్యాచ్ లు నిర్వహించామన్నారు. గత ఏడాది 12, ఈ ఏడాది 24 జట్లు పాల్గొన్నాయని గుర్తు చేశారు. ఈ టోర్నమెంట్ ప్రత్యక్ష ప్రసారం చేశామన్నారు. దీంతో ఇతర క్రీడాకారులకు ప్రోత్సాహం పెరుగుతుందని చెప్పుకొచ్చారు.

క్రీడల వలన యువతకు మానసిక ఆరోగ్యం పెరుగుతుందన్నారు.  బాక్సింగ్, వాలీబాల్, ఫుట్ బాల్ టోర్నమెంట్లు,  త్వరలో రెండో సారి టార్గెట్ బాల్ టోర్నమెంట్ కూడా ఏర్పాటు చేస్తామన్నారు.  యశ్వంత్ బాబు 27 వ జయంతి వేడుకలలో భాగంగా బహుమతి ప్రదానోత్సవం నిర్వహించామని గుర్తుచేశారు. ప్రముఖ సినీ హీరో కంచర్ల ఉపేంద్ర బాబు మాట్లాడుతూ, క్రికెట్ టోర్నమెంట్ దిగ్విజయంగా జరగడం అన్నయ్య కూడా పైలోకం నుంచి శంతోషపడతారన్నారు. తన తండ్రి, సీపీ భావాలు కలవడం వల్లనే ఆయనను ముఖ్య అతిథిగా ఆహ్వానించామన్నారు. క్రీడాకారులకి ఇటువంటి టోర్నమెంట్లు ప్రోత్సాహం ఇస్తాయన్నారు. ఇరు జట్ల క్రీడాకారులను ఈస్ట్ ఏసిపి లక్ష్మణ మూర్తి పరిచయం చేసు కున్నారు. 

 కాగా క్రాంతి లెవెన్ జట్టు మొదట్ బ్యాటింగ్ చేసి 62 పరుగులు చేసింది. తరువాత బ్యాటింగ్ చేసిన వాల్తేరు లెవెన్ జట్టు వికెట్లు ఏమి నష్టపోకుండా 63 పరుగులు చేసి విజేతగా నిలిచింది. విజేతలకు నగదు బహుమతి ప్రధానోత్సవ కార్యక్రమంతో పాటు కిరణ్మయి నృత్య అకాడమీ విద్యార్థులచే వివిధ సంస్కృతిక కార్యక్రమాలు నిర్వహించారు. ఈ కార్యక్రమానికి కంచర్ల అచ్యుతరావు సమక్షంలో  ముఖ్యఅతిధిగా పాల్గొన్న సీపీ విజేతలకు, టీం సభ్యులకు బహుమతులు అందజేశారు. విజేత జట్టు వాల్తేరు జట్టుకు రూ.1.20 లక్షలు ప్రైజ్ మనీ, ట్రోఫీ అందజేశారు. రన్నర్ జట్టు క్రాంతి లెవెన్ జట్టుకు రు.60 వేలు, తృతీయ బహుమతి గెలుచుకున్న కాశిం లెవెన్ జట్టుకు రూ. 30 వేలు అందజేశారు. డ్రీమ్ జట్టు ఆటగాడు నాగ రాజు, పవన్ బెస్ట్ బ్యాట్స్మన్,  బెస్ట్ బౌలర్ రమేష్,  బెస్ట్  ఫీల్దర్ గోపి , ఇంకా సాయి అవార్డులు అందుకున్నారు. విశాఖ సౌండ్స్ అండ్ లైట్స్ టీమ్ కి ద్వితీయ బహుమతి కింద రూ.10వేలు, డూ ఆర్ డై జట్టు కి ప్రథమ బహుమతి కింద రూ.20 వేలు అందజేశారు. 

 ఈ నెల 25 వ తేదీన జరగనున్న వైజాగ్ స్టీట్ ప్రీమియర్ లీగ్ లోగో ను సీపీ ఆవిష్కరించారు. ప్రైజ్ మనీ కింద రూ.5లక్షలు వుంటుందని, పోటీలు అక్కయ్యపాలెం పోర్టు స్టేడియం లో జరుగుతుంది అని నిర్వాహకులు పేర్కొన్నారు. అలాగే, ఏపీ వాలి బాల్ టోర్నమెంట్ కూడా జరుగుతుంది అన్నారు. అతిథులు, టోర్నమెంట్ కి సహకరించిన వారిని శాలువ, జ్ఞాపికలతో ఘనంగా సత్కరించారు.ఈ కార్యక్రమంలో ఉపకార్ ట్రస్ట్ మేనేజర్ సుధీర్ కుమార్, సభ్యులు అరుణ, అనిత, పద్మ, ఎస్ ఎస్ ఎల్ వి క్రియేషన్స్ మేనేజర్ నాగ,  తదితరులు పాల్గొన్నారు.

ప్రభుత్వ అధికారిక కార్యక్రమాల్లో హడావిడి చేస్తున్న సోషల్ మీడియా, యూట్యూబ్ ఛానళ్లను నియంత్రించాలంటూ యలమంచిలిలోని అక్రిడేటెడ్ వర్కింగ్ జర్నలిస్టులు అనకాపల్లి జిల్లా కలెక్టర్ విజయక్రిష్ణణ్ ను కలిసి వినతి పత్రం సమర్పించారు. దానితో స్పందించిన కలెక్టర్  తహశీల్దార్ కి జిల్లా సమాచారశాఖ పౌర సంబంధాలశాఖ అధికారి ద్వారా వర్తమానం పంపారు. ప్రస్తుతం ఈ లేఖ రాష్ట్రంలో బాగా వైరల్ అవుతుంది. యలమంచిలిలో యూట్యూబ్ ఛానల్స్ అధికం అవడం, ప్రతీ ప్రభుత్వ, అధికారిక కార్యక్రమాలకి మీడియా కంటే ఐదు రెట్ల మంది యూట్యూబ్ ఛానల్స్ రావడంతో చేసేది లేక అక్రిడేటెడ్ జర్నలిస్టులు సోషల్ మీడియా వారిని దూరం పెట్టాలని జర్నలిస్టులు నిర్క్షయించి కలెక్టర్ ను కలిసి ఫిర్యాదులు చేశారు. అక్రిడేటెడ్ జర్నలిస్టుల ఫిర్యాదుపై స్పందించిన కలెక్టర్ జిల్లా సమాచార పౌర సంబంధాలశాఖ ద్వారా మీడియాకి ప్రాధాన్యత కల్పించాలని యలమంచిలి తహశీల్దార్ కి లేఖరాశారు. 

జిల్లాలో సోషల్ మీడియా యూట్యూబ్ ఛానల్స్ అధికం కావడంతో జర్నలిస్టులకంటే అత్యధికంగా యూట్యూబ్ ఛానల్స్ వాళ్లే ప్రభుత్వ కార్యక్రమాల్లో హడావిడీ చేస్తున్నారని, టివి రంగానికి గానీ, పత్రికా రంగానికి గానీ సంబంధం లేని వారే అధికంగా వస్తున్నారని జర్నలిస్టులు కలెక్టర్ కి చేసిన ఫిర్యాదులో  పేర్కొన్నారు. దీనితో జిల్లా కలెక్టర్ ఆదేశాలతో అనకాపల్లి డిఐపీఓఆర్వో ఇంద్రావతి యలమంచిలి తహశీల్దార్ కి అధికారిక మీడియాకి మాత్రమే ప్రభుత్వ కార్యక్రమాలు, కవరేజిలో ప్రాధాన్యత ఇవ్వాలని లేఖ రాశారు. సామాజిక మాద్యమాల్లో విపరీతంగా ట్రోల్ అవుతున్న ఈ లేఖపై భిన్న స్వరాలు వినిపిస్తున్నాయి. రాష్ట్రంలో ఎక్కడా లేనివిధంగా  అనకాపల్లి జిల్లాలోని యలమంచిలిలో అక్రిడేటెడ్ జర్నలిస్టులు నేరుగా జిల్లా కలెక్టర్ కి ఫిర్యాదు చేయడంతో ఇపుడు అన్ని ప్రాంతాల్లోనూ వర్కింగ్ జర్నలిస్టులు సోషల్ మీడియాని దూరం పెట్టేందుకు ప్రయత్నాలు మొదలు పెట్టారట. 

అనకాపల్లి జిల్లా కలెక్టర్ మాదిరిగా ఇతర జిల్లాల్లోనూ మీడియాకి కాకుండా సోషల్ మీడియాని అధికారులు, ప్రజాప్రతినిధులు నియంత్రించగలిగితే మళ్లీ మీడియాకి జవసత్వాలు వస్తాయనే అభిప్రాయం వ్యక్తం అవుతున్నది. అటు జర్నలిస్టులు ఈ రకంగా ఫిర్యాదులు చేయడంపై యూట్యూబ్ ఛానల్స్ నిర్వాహకులు మండి పడుతున్నారు. మేమూ జర్నలిస్టులమే నంటున్నారు. అయితే సోషల్ మీడియాకి మీడియాగా గుర్తింపు లేదు. దానితో అన్నిచోట్లా మీడియాకంటే సోషల్ మీడియాకి చెందిన యూట్యూబ్ ఛానల్స్ అత్యధకంగా కనిపిస్తున్నాయి. చాలా చోట్ల యూట్యూబ్ సంఘాలు కూడా ప్రారంభం కావడం విశేషం. ఎక్కడా లేనివిధంగా అనకాపల్లి జిల్లాలో సోషల్ మీడియాపై మొదలైన తిరుగుబాటు ఇంకా ఎన్ని జిల్లాలకు పాకుతుందనే చర్చ మీడియాలోని వర్కింగ్ జర్నలిస్టులు మధ్య బలంగా సాగుతున్నది.

అనంతరం ఆంధ్రప్రదేశ్ ఫిల్మ్ ఇండస్ట్రీస్ ఎంప్లాయిస్ ఫెడరేషన్ చైర్మన్, ఉపకార చార్టిబుల్ ట్రస్ట్ అధినేత, సినీ నిర్మాత కంచర్ల అచ్యుతరావు మాట్లాడుతూ, తన చిత్రాల్లో విశాఖ కళాకారులకు పెద్ద పీట వేసినట్టు చెప్పారు. అంతేకాకుండా విశాఖను, ఇక్కడి పర్యాటక ప్రదేశాలను పెద్ద ఎత్తున తన సినిమాల్లో ప్రమోట్ చేస్తున్నట్టు పేర్కొన్నారు. తద్వారా ఈ ప్రాంతానికి మరింత మంది రావడానికి ఆస్కారం ఏర్పడుతుందన్నారు. యంగ్ హీరో ఉపేంద్రబాబు మాట్లాడుతూ ప్రేక్షకులు తన చిత్రాలను ఆదరించాలన్నారు. మంచి కథ కధనంతో ఎంతో శ్రమ, వ్యవయం చేసి సినిమాలు తీస్తున్నామన్నారు. ఈ సందర్బంగా నిర్వహించిన సాంస్కృతిక కార్యక్రమాలు ఆహుతులను సమ్మోహ నపరిచాయి. ఈ కార్యక్రమంలో కంచర్ల సుబ్బలక్ష్మి, కంచర్ల సునీత, జాతీయ జర్నలిస్టుల సంఘం కార్యదర్శి గంట్ల శ్రీనుబాబు, యాద కుమార్, ఉపకార్ ట్రస్ట్ మేనేజర్ సుధీర్, నాగు, అరుణ, జె ఎం నెహ్రు, రాజేంద్ర ప్రసాద్, జనార్దన్, గెంబలి జగదీష్, కళాకారులు,  కళాసంస్థల అధినేతలు, కంచర్ల కుటుంబ అభిమానులు పెద్ద ఎత్తున పాల్గొన్నారు.

 ఆంధ్రప్రదేశ్ లో సినిమా రంగానికి అపార వనరులు, అవకాశాలు ఉన్నాయని ప్రముఖ సినిమా నిర్మాత, ఉపకార్ చారిటబుల్ ట్రస్ట్ అధినేత, ఆంధ్ర ప్రదేశ్ రాష్ట్ర ఫిలిం ఎంప్లాయిస్ ఫెడరేషన్ చైర్మన్, కళా భోజ డా. కంచర్ల అచ్యుత రావు పేర్కొన్నారు. శనివారం ఆయన వివాహ వార్షికోత్సవం సందర్భంగా  డాబా గార్డెన్స్  అల్లూరి సీతారామరాజు విజ్ఞాన కేంద్రం లో  కంచర్ల యువసేన ఆధ్వర్యంలో వేడుకలు జరిగాయి.  ఈ సందర్భంగా ఏర్పాటు చేసిన కార్యక్రమంలో ఆయన మాట్లాడుతూ, విశాఖ పర్యాటకంతోపాటు, రాష్ట్ర పర్యాటక ప్రదేశాలను రాష్ట్రంలో నిర్మించే సినిమాల్లో ప్రమోట్ చేయడం ద్వారా ఈ ప్రాంత కళాకారులుకు, పర్యాటక ప్రదేశాలకు సినిమా రంగం కూడా ఆదాయాన్ని సమకూర్చినట్టు అవుతుందన్నారు. అనంతరం దంపతులిద్దరూ కట్ చేశారు. వారి కుమారుడు, ప్రముఖ హీరో ఉపేంద్ర తల్లిదండ్రులకు కేక్ తినిపించి వివాహ వార్షికోత్సవం శుభాకాంక్షలు తెలిపారు. 

 అభిమానులు, సన్నిహితులు మద్య వివాహ వార్షికోత్సవం వేడుకలు నిర్వహించడం చాలా సంతోషంగా ఉందన్నారు. ఎస్ఎస్ఎల్ఎస్ క్రియేషన్స్ పతాకంపై తన కుమారుడు ఉపేంద్ర హీరోగా 8 సినిమాల్లో నటిస్తున్నాడని తెలియజేశారు. ఒక సినిమా ఇప్పటికే విడుదల చేశామని తెలిపారు. మరో సినిమా నవంబర్ తొలి వారంలో విడుదల అవుతుందన్నారు.  ఈ సినిమా బడ్జెట్ ఐదు కోట్లు నుంచి 30 కోట్లకు పెరిగిందని గుర్తు చేశారు. తెలుగు, హిందీ, తమిళం, మళయాలం, కన్నడం ఐదు భాషల్లో విడుదల చేస్తున్నట్టు చెప్పారు. ఆంధ్ర ప్రదేశ్ లో డైరెక్టర్లు పెద్ద సినిమాలు తీయలేరు, నిర్మించలేరనే అపవాదు హైదరాబాద్ లో వుందని.. తాను ఏపి ఫిల్మ్ ఇండస్ట్రీ ఎంప్లాయిస్ ఫెడరేషన్ చైర్మన్ గా ఏకగ్రీవంగా ఎన్నికైన తరువాత సినీ రంగ అభివృద్ధికి ప్రత్యేక చర్యలు తీసుకుంటున్నట్టు చెప్పారు. రాష్ట్రానికి తెలుగు చిత్ర పరిశ్రమ రావడానికి కృషి చేస్తున్న మంత్రి దుర్గేశ్ కి ధన్య వాదాలు తెలిపారు. 

ఈ సమస్యను డిప్యూటీ సీఎం పవన్ కల్యాణ్ దృష్టికి తీసుకు వెళ్ళగా, ఆయన కూడా సానుకూలంగా స్పందించారని తెలిపారు. విశాఖ పట్నం లో ఎందరో కళాకారులు వున్నారని.. విశాఖ షూటింగ్ హబ్ గా అభివృద్ధి చెందుతోందన్నారు. అరకు వెలి సినిమా షూటింగ్ లకు ఎంతో అనుకూలంగా ఉంటుందన్నారు.  నూతన సంస్థ కలాభోజ డాక్టర్ కంచర్ల కల్చరల్ అసోసియేషన్ ను లోగోను అభిమాను కరతాల ధ్వనుల మధ్య  ఆవిష్కరించారు. ఈ సంస్థ ద్వారా శిక్షణ పొందిన వారికి తన సినిమాలు, ఇతర సినిమాల్లో కూడా అవకాశాలు కల్పిస్తామన్ని చెప్పారు. ఈ సంస్థ ద్వారా ప్రతి నెల ఒక పెద్ద కార్య క్రమం నిర్వహించనున్నట్టు ప్రకటించారు. బాలభాను అర్చక సంఘం నిర్వాహకులు కంచర్ల దంపతులకు ఆశీర్వచనం అందజేశారు. ఈ కార్యక్రమంలో సింహా చలం దేవస్థానం ధర్మ కర్తల మండలి మాజీ ధర్మ కర్త, జాతీయ జర్నలిస్ట్ ల సంఘం కార్యదర్శి గంట్ల శ్రీను బాబు, దర్శకుడు యాద్ కుమార్, మా అధ్యక్షుడు భయ్యా శ్రీనివాస్, లోకేష్, నెహ్రూ, జగదీష్, రాజేంద్ర ప్రసాద్, ఉపకార్ చారిటబుల్ ట్రస్ట్ మేనేజర్ సుధీర్, సభ్యులు అరుణ తదితరులు పాల్గొన్నారు. అంతకు ముందు ఏర్పాటు చేసిన సాంస్క్రుతిక కార్యక్రమాలు విశేషంగా ఆకట్టుకున్నాయి.

ఏజెన్సీలో ఆశ్రమ పాఠశాల విద్యార్ధులకు పౌష్టికాహారం మాట ఎలా ఉన్నా.. అయ్యవార్లకు మాత్రం చక్కటి పౌష్టికాహారం విద్యార్ధులకి ప్రభు త్వం ఇచ్చే మెనూలో నుంచే తయారు చేసి పెడుతున్నారు.. విద్యార్ధులకు బంగాళా దుంపల కూర.. రసం పెడితే.. అయ్యవార్లకు మాత్రం ఎక్కడ నీరసం వస్తుందోనని ఎంచెక్కా కోడిగ్రుడ్ల ఫ్రై చేసి పెడుతున్న ఆశ్రమ పాఠశాల యాజమాన్యాలు.. ఇదేమీ ఏజెన్సీలో క్రొత్త కాదు.. కానీ డుంబ్రీగూడ మండంలోని సొవ్వా గిరిజన ఆశ్రమ పాఠశాలలో ఈరోజు చిత్రం యూనిట్ పాఠశాల సందర్శించినపుడు మాత్రం విద్యార్ధులకు బంగాళా దుంపల నీరు కూరా.. ఉపాధ్యాయులకి చిక్కటి చక్కని కోడి గ్రుడ్ల ఫ్రై వడ్డించడం కనిపించింది.. ఏంటి ఆశ్రమపాఠశాలల్లోని ఉపా ధ్యా యులు ఇంటి నుంచి క్యారేజీలు తెచ్చుకోరా అంటే మాత్రం.. అదేమీ లేదంటే.. పిల్లలకిచ్చే మెనూ లో నుంచి వారికి కాస్త రుచిగా.. సుచిగా వండి పెడతాం.. విద్యార్ధులకు మాత్రం యధాప్రకారం నీరు చారు.. పలచటి కూరలు వండి పెడతాం..ఇవేమీ మీకు తెలియకుండానే అడుగు తున్నారా అని సిబ్బంది మీడియానే తిరిగి ప్రశ్నించారు. సొవ్వ ఆశ్రమపాఠశాలలోని భోజన సందర్భాన్ని చిత్రీకరించినపుడు కనిపించిన దృశ్యాలివే.. ఇప్పటికైనా పాడేరు ఐటిడిఏ అధికారులు, జిల్లా కలెక్టర్లు ఆశ్రమ పాఠశాలల్లోని విద్యార్ధుల భోజనంలో కక్కుర్తిపడి కోడిగ్రుడ్ల కూరను తయారుచేయించుకొని తిన్న ఉపాధ్యాయుల విషయంలో ఏ విధంగా స్పందిస్తారో చూడాలి..

గిరిజన ఆశ్రమ పాఠశాల వసతి గృహంలో చదివే విద్యార్థులకు సంపూర్ణ పౌష్టికాహారం అందించేందుకుగాను ప్రభుత్వం అందిస్తున్న పోషకాహారాన్ని అమలు చేయడంలో పాఠశాల యాజమాన్యం నిర్లక్ష్యం చేస్తుండటంతో విద్యార్థులకు పౌష్టికాహారం సక్రమంగా అందడం లేదు. విద్యార్థులకు పెట్టాల్సిన పౌష్టికాహారాన్ని సక్రమంగా పెట్టడం లేదు. మండలంలోని సొవ్వా గిరిజన ఆశ్రమ బాలుర పాఠశాలలో విద్యార్థులకు పెట్టాల్సిన భోజన మెనునూ సక్రమంగా పెట్టకుండా గురువారం మధ్యాహ్నం ఉపాధ్యాయులు గుడ్ ఫ్రై కూర వండుకుని , విద్యార్థులకు బంగాళదుంప కూరతో పాటు రుచి, పచి లేని సాంబార్ తో భోజనాలు పెట్టడమే ఇందుకు నిదర్శనం. ఆ పాఠశాలలో ఉపాధ్యాయులు గుడ్లును నాణ్యతగా ఫ్రై చేసి వంట చేసుకుని చేసుకుని తింటున్నారు. కానీ విద్యార్థులకు మంగళవారం పాలకూర పప్పుతో పాటు సాంబార్ తో పెట్టాల్సి ఉండగా బంగాళదుంప బటానితో పాటు నాసిరకమైన నీల లాంటి సాంబార్ తో భోజనాలు పెట్టారు. మెనూ అమలుతీరుపై  అధికారులు దృష్టి సారించకపోవడంతో  నాసిరకంగా భోజన మెనూ పెడుతున్నట్లు పలువురు స్థానిక ప్రజాప్రతినిధులు, విద్యార్థుల తల్లిదండ్రులు  ఆరోపిస్తు న్నారు. తక్షణమే సంబంధిత ఉన్నత అధికారులు స్పందించి సొవ్వ ఆశ్రమ పాఠశాలలో భోజన మెనూ సక్రమంగా అందించే విధంగా చర్యలు తీసుకోవాలని విద్యార్థుల తల్లిదండ్రులు కోరుతున్నారు.

 పల్లె పండుగలో భాగంగా గ్రామాల్లో చేపట్టాల్సిన పనులకు సంబంధించిన భూమి పూజ కార్యక్రమాలు చేయాలని సూచించారు. పల్లె పండుగలో సీసీ రోడ్లు, తారు రోడ్లు, వ్యవసాయ కుంటలు, పశువుల శాలలు, ఇంకుడు గుంతల నిర్మాణాలు చేపట్టాలని ఆదేశించారు.  అదేవిధంగా సిటిజన్ నాలెడ్జ్ బోర్డులు అందరికీ తెలిసేవిధంగా ఏర్పాటు చేయాలన్నారు.  సోమవారం 138 గ్రామపంచాయతీలలో  రూ. 12.4 కోట్లతో  చేపట్టనున్న 211 పనులకు  శంకుస్థాపన జరుగుతుందన్నారు.  ఈ 211 పనులలో 28 సీసీ రోడ్లకు 3.98 కోట్లు, మూడు బీటీ రోడ్లకు 1.63 కోట్లు, నాలుగు wbm రోడ్డులకు 5.05 కోట్లు,   4 సీసీ డ్రైన్లకు 0.17 కోట్లు, 66 పెరక్యలేషన్ ట్యాంకులకు  రూ. 5.51 కోట్లు,  ఏడు ఫిష్ పాండ్లకు 3.50 కోట్లు, 35 కమ్యూనిటీ సోక్ ఫిట్స్ కు 13 లక్షలు, 64 రూప్ టాప్ వాటర్ హార్వెస్టింగ్ పథకాలకు 47 లక్షలు తో పనులు ప్రారంభం కానున్నాయని కలెక్టర్ వివరించారు.

 "సాధన చేయుమురా నరుడా సాధ్యము కానిది లేదురా" అన్నాడో సినీ కవి.. ఆయన మాటలు పాటకు బాగున్నా.. పాటలోని భావాన్ని మాత్రం ఆచరణలో చూపిస్తున్నాడీయువకుడు. ఎవరివద్ద ఎటువంటి శిక్షణ పొందకుండానే స్వీయసాధనతో జల కళలో పట్టు సాధించి.. జలాసనంలో అబ్బురపరుస్తున్నాడు. నీటిలో వెల్లకిలా నాలుగు గంటలపాటు తేలియాడుతూ ఔరా..! అనిపిస్తున్నాడు. అతనే విజయనగరం జిల్లా గుర్ల మండ లం గూడెం గ్రామానికి చెందిన శనపతి సంతోష్. జలాసనంలో తనదైన శైలిలో ప్రతిభ కరబరుస్తున్నాడు. సంతోష్ జలాననానికి ముగ్దు లవుతున్నారు. చూపరులు. ప్రస్తుతం ఈయన టాలెంట్ జిల్లానే కాదు రాష్ట్రం దాటి  దేశం మొత్తం చక్కర్లు కొడుతున్నది. 

 పుట్టుకతో వికలాంగుడైన సంతోష్ కు చిన్నప్పటి నుంచి ఈత అంటే మహా సరదా. ఊర్లో చెరువులు, బావుల్లో స్నేహితులతో కలిసి గంటలకొద్దీ ఈత కొట్టేవాడు. క్రమంగా జలాసనం గురించి తెలుసుకున్న సంతోష్ దానిపై ఆసక్తి పెంచుకున్నాడు. పాటించాల్సిన మెళకువలపై కూడా ఎవరినీ సంప్రదించకుండా తనకుతానుగానే బావుల్లో జలాసనం వేయడం మొదలుపెట్టాడు. ఐదు నిమిషాలతో మొదలైన జలాసనం ఇప్పుడు ఏకబిగిన నాలుగు గంటలు  క్షణకాలం కూడా విరామం ఇవ్వకుండా,  నిరంతరాయంగా కొనసాగించే స్థాయికి చేరుకునే ప్రావీణ్యం సంపాదిం చాడు. ఈయ జన కళా ప్రావీణ్యం చూసిన వారు ఎవరైనా  ఆశ్చర్యపోవాల్సిందే. ఇంతటి పట్టు ఎలా సాధ్యమైందని అడిగితే, చిరునవ్వే సమా ధానమవుతుంది. నాలో అసక్తే నాతో ఇలా జలక్రీడకు ఊతమిచ్చే జలాసనం చేయిస్తోందని చెబుతుంటాడు. 

 జలాసనానికి ముందుగా కొన్ని నిమిషాల పాటు ఈతకొట్టి, ఆ తర్వాత ఊపిరి బిగబట్టి నీటిలో వెల్లకిలా తేలియాడి జలాసనానికి ఉపక్రమించాక, తిరిగి విరమించేవరకు అచేతనంగా అలాగే ఉంటాడు. ఏ ఒక్క ఆవయవం లోనూ చలనం కనిపించదు. ఆ స్థితిలో చూసేవారెవరైనా మృతదేహంగా భావించి భయపడిన సందర్భాలు కూడా ఎన్నో ఉన్నాయి..! అంతేకాదు.. ఈ జల క్రీడా నేర్చుకునే సమయంలో ఆయన కుటుంబ సభ్యులు కూడా ఆందోళన చెందిన ఉదంతాలూ ఉన్నాయి. రహదారి అంచునున్న బావిలో సంతోష్ జలాసనంలో ఉన్న సమయంలో, ఆ రహదారి మీదుగా రాకపోకలు సాగించేవారు బావిలో మృతదేహం ఉందంటూ కేకలు పెట్టిన సందర్భాలు కోకొల్లలు. తీరా అసలు విషయం తెలిసాక నోళ్లు వెళ్ళబెట్టకునేవారు అంతా.  ఈ కళను హాబీగా చేసుకున్న సంతోష్, చూపరుల కోరిక మేరకు తరచూ ప్రదర్శిస్తూనే ఉంటాడు.  

మారుమూల గ్రామంలో పుట్టి, అందునా వికలాంగుడు ఎవరివద్ద తర్ఫీదు లేకుండా స్వీయసాధనతో ఇంతటి ఘనతను పొందడం నిజంగా ఆశ్చర్యకరమే! ఇప్పటికే సామాజిక మాధ్యమాల ద్వారా ఎనలేని గుర్తింపు పొందిన సంతోష్ నాలుగు గంటల తన రికార్డును తానే తిరగరాసేందుకు సిద్ధమవుతున్నాడు. ఆ సమయం ఐదు గంటలా.. ఇంకా ఎక్కువా అనేది మాత్రం ఇప్పుడప్పుడే తెలీదు. కానీ నిత్యం జలాసనంలో సమయాన్ని పెంచుకుంటూ.. కఠోర సాధన చేస్తున్నాడు సంతోష్.  శిక్షణ ద్వారా జలాసనంలో ప్రావీణ్యం సంపాదించినవారందరికీ తాను ఏకలవ్య శిష్యుడినని వినమ్రంగా చెప్పే సంతోష్, ఈ కళలో మరింతగా రాణించాలని కోరుతున్నారు గూడెం గ్రామస్తులు. ఇలాంటి జల క్రీడ, జలాసనంలో నైపుణ్యం ఉన్నవారిని ప్రభుత్వం గుర్తించి ఆర్దికంగా చేయూ అందిస్తే మరిన్ని రికార్డులు నమోదు చేస్తాడనడంలో ఎలాంటి సందేహం లేదు. జలాసన వీరుడికి అందరూ అభినందలు చెప్పాల్సిందే..!

జలాసనం నేర్చుకోవడంలో నేనే స్వయంగా నేర్చుకున్నాను. ఈత కొట్టడం అందరికీ వస్తుంది. అలాకాకుండా అంతకు మించి నేర్చుకోవాలని అనుకున్నప్పుడు ఈ జలాసనంపై ఆశక్తి ఏర్పడింది. దీనితో స్వయంగా సాధన చేస్తూ ఈ జలాసనం వేయడం నేర్చుకున్నాను జలాసనం నేర్చుకునే ఆవక్తి ఉన్నవారికి ఈ ఆసనం వేయడం నేర్పిస్తాను. అయిదే దానికి ముందుగా వారికి ఈత కొట్టడం వచ్చి ఉండాలి. తద్వారా ఈ జలాసనం నేర్చుకోవడం సులవవుతుంది. ఇలాంటి ఆసనాలు వేసే సమయంలో నిపుణుల పర్యవేక్షణలో మాత్రమే వేయాలని ప్రతీ ఒక్కరూ గుర్తుంచుకోవాలి. ఎందుకంటే ఇది కదలకుండా ఉండే నీటిలో.. అంటే నేల భావులు, స్విమ్మింగ్ ఫూల్స్ లో మాత్రమే వేయడానికి వీలుపడుతుంది. ఈ ఆసనం నేర్చుకోవడం ద్వారా వాయుబంధనం కూడా అలవాటు అవుతుంది. ఎవరికైనా నేర్చుకోవాలని అనిపిస్తే నేరుగా నన్ను సంప్రదించవచ్చు అంటున్నారు సంతోష్.

జర్నలిస్టులు నిత్యవం సమాజ శ్రేయస్సు కోరి పనిచేస్తారని అలాంటి జర్నలిస్టులు నిర్వహించుకునే కార్యక్రమంలో తాను పాలుపంచుకోవడం, ఉపకార్ ఛారిటబుల్ ట్రస్ట్ చేయూత అందించడం ఆనందంగా ఉందన్నారు. జర్నలిస్టులు వాస్తవాలను వెలికి తీయడంలో కీలకం గా వ్యవహ రించాలన్నారు. అదేవిధంగా విశాఖ టూరిజంను బాగా ప్రమోట్ చేయడం ద్వారా ఈ ప్రాంతంలో సినిమాలు ఎక్కువగా తీయడానికి కూడా అవ కాశం వుంటుందని చెప్పారు. ఏం చేయాలన్నా అది కేవలం మీడియా చేతుల్లోనే వుంటుందని.. మీడియా తలచకుంటే సినీ పరిశ్రమ మొత్తం విశాఖ తరలివస్తుందన్నారు. అనంతరం టిజెఎఫ్ నిర్వాహకులు ఘనంగా హీరో ఉపేంద్రబాబుని సత్కరించారు. ఈ కార్యక్రమంలో విజయ నగరం ఎంపీ కలిశెట్టి అప్పలనాయుడు, జనసేన పార్టీ స్టేట్ డాక్టర్స్ సెల్ చైర్మన్ బొడ్డేపల్లి రఘు, నిర్వాహకులు పి.ఈశ్వర్, యూనియన్ ప్రతి నిధులు జార్జిఫెర్నాండేస్, ఎం.శ్రీనివాసరావు,  నందా, తదితరులు పాల్గొన్నారు.

అల్లూరి సీతారామరాజు జిల్లాలో ప్రాధమిక ఆరోగ్య కేంద్రాల పరిస్థితి  చాలా దారుణంగా ఉంది.. ఇటు ప్రభుత్వం గానీ.. గిరిజనాభివృద్ధి కోసం ఏర్పాటైన ఐటిడిఏలు కానీ వీటిని పట్టించుకున్న దాఖలాలు కనిపించడం లేదు.. గిరిపుత్రులకు వైద్య సేవలు చేయడానికి కనీసం ప్రభు త్వాలకి అవకాశం లేదో.. ఇక్కడ ఎందుకులే వసతులు అనుకున్నారో తెలీదు గానీ.. జెర్రిల ప్రాధామిక ఆరోగ్య కేంద్రంలోని మౌళిక వసతులను గాలికి వదిలేశారు. లక్షల రూపాయాలు జీతాలు ఇచ్చి ఉద్యోగులను, వైద్యుల పెట్టిన ప్రభుత్వం వేల రూపాయాలు ఖర్చు చేసి ఇక్కడ రోగుల సౌకర్యార్ధం కనీసం మంచాలు కూడా ఏర్పాటు చేయలేకపోయింది.. కాదు కాదు.. ఉన్నవి పాడైపోయినా పూర్తిగా పట్టనట్టు వదిలేసింది. ఏజెన్సీలోని నేతలు కూడా ఈ దీన పరిస్థితిపై కన్నెత్తి చూడలేదు. ఆ దారుణమైన పరిస్థితి కాస్తా అఖిల భారత గిరిజన ఉద్యోగుల సంఘం రాష్ట్ర ఉపాధ్యక్షులు లోచల రామక్రిష్ణ వరకూ వెళ్లింది. దీనితో స్పందించిన ఆయన మంచి మనసుతో ముందుకొచ్చారు. జీకే వీధి మండలం జర్రెల  ప్రభుత్వ ప్రాథమిక ఆరోగ్య కేంద్రంలో రోగుల కోసం ఏర్పాటు చేసిన మంచాలు పూర్తిగా పాడై పోవడంతో తనవంతు సహా యంగా ఆరు మంచాల ఏర్పాటు చేయడానికి రూ.20వేలు సహాయం చేశారు. 

ఆ మొత్తాన్ని ఆసుపత్రి సిబ్బంది.. గ్రామ పెద్దల సమక్షంలో వాటిని అందజేశారు. ఈ సందర్భంగా ఆయన లోచల రామక్రిష్ణ మాట్లాడుతూ, ప్రభుత్వం గిరిజనులకు ప్రాధమిక వైద్యం అందించాలని.. ఈ ఏజెన్సీ ప్రాంతంలో కనీసం వసతులు లేని పీహెచ్సీల్లో సదుపాయాలు కల్పించాలని కోరారు. ప్రభుత్వం గిరిజనులకు వైద్యసేవలు చేయడానికి రావాలనీ.. కనీసం ఆసుపత్రిలో రోగుల కోసం మంచాలు కూడా లేకపోతే గిరిజనులు వైద్యానికి వచ్చినా ఎక్కడు ఉండాలని ప్రశ్నించారు. ఇక్కడికి వచ్చే రోగులకు కనీసం వైద్య సేవలు అందే సమయంలో సేద తీరడానికి కూడా అవకాశం లేకపోవడం శోచనీయామని ఆవేదన వ్యక్తం చేశారు. వెంటనే ప్రభుత్వం, ఐటిడిఏ అధికారులు స్పందించి ప్రాధమిక ఆరోగ్య కేంద్రంలో మౌళిక సదుపాయాలతోపాటు ఖాళీగా ఉన్న సిబ్బందిని కూడా నియమించాలని ఆయన ప్రభుత్వాన్ని కోరారు. గిరిపుత్రులు ఆసుపత్రికి వచ్చే సమయంలో ఇబ్బందులు పడకూడదనే మంచి ఆలోచనతో మంచాల ఏర్పాటు కోసం లోచల రామక్రిష్ణ ముం దుకి రావడం పట్ల గిరిజన ఉద్యోగుల సంఘం సభ్యులు, సహచర ఉద్యోగులు హర్షం వ్యక్తం చేశారు.

ఎవరైనా ఆపదలో ఉన్నప్పుడు ఆదుకుంటే దేవుడంటారు.. ఈ లెక్కన ఆ జర్నలిస్టు ఎన్నిసార్లు దేవుడవ్వాలి..మరెన్నిసార్లు మంచోడవ్వాలి.. అంటే ఇప్పటి వరకూ ఆ జర్నలిస్టు 74 సార్లు దేవుడు.. 7 సార్లు ఆపద్భాంధవుడు అయ్యాడు.. ఇంతకీ అన్ని సార్లు దేవుడవడానికి కారణం మాత్రం ఒక్కటే.. అదే రక్తదానం.  ఒకటి కాదు రెండు కాదు ఏకంగా 74 సార్లు రక్తం దానం చేసిన అపర రక్తదాన కర్ణుడు..అతనే జర్నలిస్టు కాళ్ల సూర్యప్రకాష్(కిరణ్). విశాఖలో వర్కింగ్ జర్నలిస్టుగా పనిచేస్తూ.. సామాజిక బాధ్యతగా ఏడాదికి నాలుగు సార్లు రక్తం దానం చేస్తూ ఎందరికో ఆపద సమయంలో అండగా నిలిచాడు.. నిలుస్తున్నాడు కూడా. ఒక్క రక్తం దానమే కాదు. ఎవరికైనా కష్టం వచ్చిందని తెలిసినా వెంటనే నేనున్నాంటూ ముందుకెళ్లిపోతాడు. తనకు తోచిన రీతిలో అభాగ్యులకు అన్నదానం కూడా చేస్తుంటాడు. జర్నలిస్టులకు ఏ అవసరం వచ్చినా.. తన పని ఉందని తెలిసినా.. ఎవరైనా తనను గుర్తించి పని పురమాయించినా నిండు మనసుతో ఆ పనులు చక్కబెట్టి అందరివాడిగా మారిపోయాడు.

ఐదు రూపాయలు సహాయం చేసి రూ.500 పైగా పబ్లిసిటీ చేయించుకుంటున్న ఈ రోజుల్లో జర్నలిస్ట్ కిరణ్ చేసే రక్తదానం ఆయనకి..దానం తీసుకున్న వారికి తప్పా మరెవరికీ తెలియదు.. ఇపుడు మాత్రం ఈరోజు-ఈఎన్ఎస్ ద్వారా బాహ్య ప్రపంచానికి కూడా తెలియజేసే అవసరం వచ్చింది. చెడ్డవారికోసం లోకానికి తెలియడం ఎంత అవసరమో.. అదేవిధగా మంచి వారి కోసం కూడా అంతకంటే ఎక్కువగా బాహ్య ప్రపంచానికి తెలియజేయడం చాలా అవసరం. అలా చేయడం వలన జర్నలిస్ట్ కిరణ్ లాంటి వారిని స్పూర్తిగా తీసుకొని మరింత మంది రక్తదానం చేయడానికి ముందుకి వచ్చే అవకావం వుంటుంది. మీడియా అంటే సమాజంలో జరిగే అన్ని విషయాలను ప్రజలకు తెలియజేయాల్సిన బాధ్యత వుంటుంది. ఒకరకంగా అదికూడా ప్రజాసేవే. ఎందరికో ఆపద సమయంలో రక్తం చేసే కిరణ్ కోసం కొందరికే ఈ విషయం తెలిస్తే.. ఈయన దగ్గర రక్తం దానం తీసుకున్నవారు.. ఈయనకోసం తెలుసుకున్నవారు.. తెలియనివారి కోసం తెలియజేసిన వారమవుతామని ఈ విషయాన్ని ప్రత్యేక కథనంగా మీ ముందుకి తీసుకువస్తున్నాం. 

డబ్బు దానం చేస్తే అది ఖర్చు అయిపోతే మరిచిపోతారు.. అన్నం దానం చేస్తే అది అరిగిపోతే ఆకలి తీరుతుంది.. కానీ రక్తం దానం చేస్తే మాత్రం ఒక నిండు ప్రాణం నిలబడుతుంది. అందుకోసమే తాను ఈ సేవను ఎంచుకున్నానని చెబుతాడు కిరణ్. ఒక్కోసారి చాలా మంది రక్తం దానం చేసినందుకు డబ్బులిచ్చే ప్రయత్నం చేస్తారని.. కానీ అలా చేయడం తనకి ఇష్టం లేకనే చేసిన దానాన్ని కూడా తెలియకుండా ఉంచుతానని చెబుతాడు. ఇటీవల కాలంలో సోషల్ మీడియాలో మాత్రం రక్తం దానం చేసినపుడుల్లా ఫోటోలు పెడుతున్నానని.. అదీకూడా పబ్లిసిటీ కోసం కాదని.. ఎపుడైనా ఎవరికైనా రక్తం కావాల్సి వస్తే.. వెంటనే తనను సంప్రదిస్తారనే సామాజిక కారణంతోనే పెడుతున్నానని చెబున్నాడ జర్నలిస్టు కిరణ్. ఎన్నోసార్లు ఎన్నో వార్తలు రాసిన తాను. రక్తం కోసం.. అత్యవసర సమయంలో దాని విలువ తెలిసిన వాడిని కనుకే అర్ధరాత్రి లేపి రక్తం కావాలని వచ్చినా నిశ్శంకోచంగా దానం చేస్తానని ఈఎన్ఎస్-ఈరోజుకి  చెప్పుకొచ్చాడు.  

-రక్తం దానం చేయండి ప్రాణదాతలు కండి

అత్యవసర సమయంలో మీరు చిందించిన రక్తపు బొట్టు ఒక నిండు ప్రాణాన్ని బ్రతికిస్తుంది.. ఈరోజుల్లో అవసరానికి రక్తం దొరక్క ఎందరో మృత్యువాత పడుతున్నారు. అలాంటివారిని ఆదుకోవాలంటే మంచి మనసునున్నవారంతా రక్తం దానం చేయడానికి ముందుకి రావాలి. రక్తం దానం చేయడం వలన ఆరోగ్యం పెరుగుతుంది. అయితే శరీరంలోని 12 గ్రాములకు మించి రక్తం ఉన్న వారు ఏడాదికి నాలుగు సార్లు రక్తం దానం చేయవచ్చు. అలా రక్తం దానం చేయడం ద్వారా దానిని విభజించి ప్లేట్ లెట్స్ గా కూడా రోగులకు ఎక్కిస్తున్నారు. రక్తం దానం చేసి ప్రాణ దాతలు కండి. రక్తం దానం చేసిన తరువాత మళ్లీ శరీరంలో రక్తం పెరగడానికి క్యారెట్, బీట్ రూట్ జ్యూస్ తోపాటు, బలవర్ధక ఆహారం తీసుకుంటే అతి తక్కువ సమయంలోనే దానం చేసిన రక్తం మళ్లీ శరీరంలోకి చేరుతుంది. ఇప్పటికీ ఒక్కవిశాఖలో రోజుకి 50 యూనిట్లు రక్తం ఆసుపత్రులకి అవసరమే విషయాన్ని ప్రతీ ఒక్కరూ గుర్తుంచుకోవాలి.

ప్రజలకు చేసే నిశ్వార్ధ సేవైనా.. దేవుడు మెచ్చేలా చేసే నిండుగా ఉండే పూజలైనా.. భక్తుల మనుసుకి నచ్చే అన్నదానమైనా.. ఉపకార్ ఛారి టబుల్ ట్రస్టు చైర్మన్, ఆంధ్రప్రదేశ్ ఫిల్మ్ ఇండస్ట్రీ ఎంప్లాయిస్ ఫెడరేషన్ చైర్మన్, ప్రముఖ సేవకులు, విద్యాదాత డా.కంచర్ల అచ్యు తరావు మార్కు ఉండాల్సిందే.  ఒకటి కాదు రెండు కాదు ఏకంగా 24 రకాలతో భారీ ఎత్తున చేపట్టిన మహా అన్నదానం విశాఖలో రికార్డు సృష్టిం చింది. మహావిశాఖ పరిధిలోని ఆరిలోవ చినగదిలో వినాయకచవితి సందర్భంగా ఏర్పాటు చేసిన గణేషుడి మండపంలో 24 అడుగుల ఎత్తులో  స్వామి విగ్రహాన్ని ఏర్పాటు చేశారు. అంతేకాదు 24 రోజుల పాటు దూపదీప నైవేద్యాలతో సాక్షాత్తూ ఆ గణపయ్యే మెచ్చేవిధంగా పూజలు చేశారు.. 24 రోజుల పాటు 24 రకాల ప్రసాదాలు పంచిపెట్టారు..24వ తేదీనే స్వామిని అనుపుచేశారు.. అదే 24 రకాలతోనే 5వేల మందికి పైగా మహా అన్న దానం చేపట్టారు. మహా భోజ ఏర్పాటు చేసిన మహా అన్నదానం ప్రసాదంగా స్వీకరించిన వారంతా ఇపుడు నిండైన మనసుతో నిర్వాహకులను ఆశీర్వదిస్తున్నారు. ఏన్నో ఏళ్ల నుంచి ఆరిలోవ చినగదిలి ప్రాంతంలో వినాయక మండపాలను ఏర్పాడు చేస్తున్న ఉపకార్ ఛారిటబుల్ ట్రస్టు ఈ ఏడాది కూడా ఘనంగానే మండపాలు ఏర్పాటు చేసింది. అన్నింటా పెద్ద ఎత్తు కార్యక్రమాలను నిర్వహించింది. 

ఆఖరుగా 24 అడుగుల మహా గణపతి అనుపు మహోత్సవం రోజున చేసిన కూడా 24 సంఖ్య విశాఖలోని ఆరిలోవ వాసులకు గుర్తిండిపోయేలా భారీ అన్నసంతర్పణ కూడా చేపట్టింది. స్వయంగా డా.కంచర్ల అచ్యుతరావు ఈ మహా అన్నదానంలో పాల్గొని భక్తులకు అన్నప్రసాదాలను వితరణ చేశారు. ఈ సందర్భంగా ఆయన మాట్లాడుతూ, ఆ మహాగణపతి ఆశీస్సులతో విశాఖ ప్రజలు శుభిక్షంగా ఉండాలని కోరుకుంటున్నానని అన్నారు. ఉపకార్ ఛారిటబుల్ ట్రస్టు ద్వారా ప్రతీఏటా మాదిరిగానే ఈ ఏడాది కూడా పెద్ద ఎత్తున గణేష్ మండపాలు ఏర్పాటుచేసి ఆ గణపతికి పూజలు చేసుకునే భాగ్యం దక్కిందన్నారు. ఈ ప్రాంత వాసులు తనపై చూపిస్తున్న అభిమానం.. ఆ దేవ దేవుడు ఇచ్చిన శక్తిమేరకు రానున్న రోజుల్లో కూడా మరింతగా కార్యక్రమాలు ట్రస్టు ద్వారా చేపడతామని చెప్పారు. పెద్దఎత్తున చేపట్టిన కార్యక్రమాల్లో ఈ ప్రాంతవాసులు భారీగా పాల్గొని విజయవంతం చేయడం పట్ల ఆయన ఆనందం వ్యక్తం చేశారు. అంతకుముందు స్వామివారి అనుపు సందర్భంగా కంచర్ల ఆ మహాగణపతికి ప్రత్యేక పూజలు చేసి హారతులిచ్చారు. ఈ కార్యక్రమంలో ట్రస్టు ప్రతినిధులు సుధీర్, నాగు, తదితరులు పాల్గొన్నారు.