మిల్ మేకర్ మంచూరియా..ఏంటి ఈ రెసిపీ పేరే వెరైటీగా ఉందే అనుకుంటున్నారా.. ఆరోగ్యవంతమైన ఫాస్ట్ ఫుడ్స్ పేర్లు, రుచి ఒక్కోసారి అలానే అపినిస్తాయి. పిల్లలకి రకరకాల జంక్ ఫుడ్ బేకరీల నుంచి తెచ్చి పెట్టి వారి ఆరోగ్యం పాడు చేసేకంటే..చక్కగా ఇంట్లోనే మేము చెప్పిన టిప్స్ పాటించి ఈ మిల్ మేకర్ మంచూరియా చేసుకుంటే రుచికి రుచి, ఆరోగ్యానికి ఆరోగ్యం వస్తాయి. రక రకాల రంగులు వేసి బయట తినే ఫాస్ట్ ఫుడ్ కంటే..సేమ్ టు సేమ్ రెస్టారెంట్ స్టైల్ లోనే, అదే టేస్ట్ తో  మీరు కూడా ఇంట్లోనే చాలా చక్కగా ఈ మిల్ మేకర్ మంచూరియాను చేసుకొని సాయంత్రం సమయంలో నీట్ గా ఎంజాయ్ చేయవచ్చు. అంతేకాదు ఎప్పుడైనా షడెన్ గా అతిథులు ఇంటికి  వచ్చినపుడు కూడా అతి తక్కువ సమయంలో ఈ రెసిపీని చేసి వారికి కూడా రుచి చూపించవచ్చు. ఇంకెందకు ఆలస్యం ఈ మిల్ మేకర్ మంచూరిని ఎలా తయారు చేయాలి..దానికి కావాల్సిన పదార్ధాలేంటి.ఒక్కసారి తెలుసుకుందాం రండి.

మిల్ మేకర్ మంచూరియాకి కావాల్సిన పదార్ధాలు

మిల్ మేకర్ 100 గ్రాములు, ఒక క్యాప్సికమ్, ఒక పెద్ద సైజు ఉల్లిపాయ, కొద్దిగా ఉల్లికాడలు, ఐదు టీ స్పూన్ల కాన్ ఫ్లోర్, సరిపడా ఉప్పు, కొద్దిగా కారం, కొద్దిగా మసాలా,  అల్లం వెల్లుల్లి పేస్ట్, చిటికెడు టేస్టింగ్ సాల్ట్ ఇది పూర్తిగా ఆప్షనల్, కొద్దిగా కొత్తిమీర తరుగు, కరివేపాకు, కొద్దిగా అల్లం తరుగు, మరికొద్దిగా వెల్లుల్లి తరుగు, సోయాసాస్, చిల్లీచాస్, టమాటా సాస్, వెనిగర్ లేదా నిమ్మరసం. కాన్ ఫ్లోర్ వాటర్, మంచూరియా ఫ్రైకి తగ్గట్టుగా నూనె.

తయారుచేసే విధానం తెలుసుకుంటే..

ముందుగా మిల్ మేకర్ ను వేడిగా సలసల లాడే నీటిలో కొద్దిగా ఉప్పువేసి ఒక్క రెండు మూడు నిమిషాలు నానబెట్టాలి. బాగా నానిన మిల్ మేకర్ ను గట్టిగా నీరుపిండి పక్కన పెట్టుకోవాలి. తరువాత ఒక గిన్నెలో కారం, ఉప్పు, అల్లం వెల్లుల్లిపేస్ట్, కొత్తిమీర తరుగు, మసాలా పొడి వేసి బాగా కలుపుకోవాలి. ఆ తరువాత అందులోకి సరిపడ కాన్ ఫ్లోర్ వేసి మిల్ మేకర్ ని కూడా లుపుకోవాలి. ఆపై అన్నింటినీ గట్టిగా పిసికి పిసిక పక్కన పెట్టుకోవాలి. అనంతరం స్టవ్ వెలిగించుకొని బాగా మేరినేట్ అయిన మిల్ మేకర్ ను నూనెలో దోరగా రంగు వచ్చేలా వేయించుకొని పక్కన పెట్టుకోవాలి. ఇక్కడి నుంచే కాస్త జాగ్రత్తగా ఫాలో కావాల్సి వుంటుంది. మళ్లీ కడాయి స్టవ్ పై పెట్టి రెండు టీస్పూన్ల నూనె వేసి అందులో కరివేపాకు, అల్లం తరుగు, వెల్లుల్లి తరుగు వేసి దోరగా వేపాలి. అలా వేగి సమయంలోనే రుచికి తగ్గట్టుగా కొద్దిగా కారం, ఉప్పు, క్యాప్సికమ్ ముక్కలు వేసి మళ్లీ దోరగా వేయించాలి. ఆపై రెండు స్పూన్ల సోయాసాస్, మూడు స్పూన్ల చిల్లీసాస్, నాలుగు టీ స్పూన్ల టమాటా సాస్ వేసుకొని కొద్ది సేపు వేపుకోవాలి. అనంతరం అందులో ఒక గ్లాసుడు నీళ్లుపోసి సల సలా మరగుగుతుండగా ముందుగా వేయించి పెట్టుకున్న మిల్ మేకర్ ను అందులో వేసుకోని అడుగు పట్టకుండా కలుపుతూ ఉండాలి. పోసిన నీరు ఇంకిపోతుందనే లోపు ఒక టీస్పూన్ కాన్ ఫ్లోర్ వాటర్ అందులో వేసుకుంటే కాస్త జ్యూసీగా వస్తుంది. ఆపై కొత్తమీర, స్ప్రింగ్ ఆనియన్స్ చల్లుకొని ఆఖరిగా నిమ్మరసం లేదా వెనిగర్ ను వేసుకొని దించేసుకోవాలి. అందులోకి స్టఫింగ్ గా ఉల్లిపాయ ముక్కలను వేసుకొని వేడి వేడిగా సర్వ్ చేసుకోవాలి. అంతే మిల్ మేకర్ మంచూరియా అయిపోయినట్టే. ఇక్కడ గుర్తించుకోవాల్సిందేమిటంటే..సరైన సమయంలో మనం స్టవ్ పై బాండీ పెట్టి వేపుకునేటపుడు ఏ ఒక్కటీ మాడిపోకుండా చూసుకోవాలి..వేసే మసాలాలు అన్నీ రుచికి తగ్గట్టుగానే వేసుకోవాలి. ఈ మిల్ మేకర్ మంచూరియా రుచికి రుచి, ఆరోగ్యానికి ఆరోగ్యం. మీరూ కూడా ఒక్కసారి ట్రైచేసి మీకు ఎలా కుదిరిందో మీ మా ఈఎన్ఎస్ లైవ్ మొబైల్ న్యూస్ యాప్ లేదా.. www.enslive.net వెబ్ సైట్ లో కామెంట్ చేయండి.. మరిన్ని రెసిపీల కోసం వెంటనే గుగూల్ ప్లే స్టోర్ నుంచి ఈఎన్ఎస్ లైవ్ యాప్ ను వెంటనే డౌన్ లోడ్ చేసుకోవడం మాత్రం మరిచిపోకండి..!

‌

‌ తాటిపండ్లన్నీ ఉచితమే...

‌‌ఇప్పుడు ఉచితంగా దొరికే పండు ఏదైనా ఉందంటే అది తాటిపండే.పల్లెల్లో ఉండే తాటిచెట్లు కింది ఇవి చెట్టుపై నుంచి పడి ఉంటాయి. రైతులు వీటిని ఉచితంగానే ఇస్తారు. అయితే వాటిని ఏరుకుని కొందరు పట్టణాలకు తీసుకెళ్లి ఇరవై నుంచి నలభై రూపాయలకు అమ్ముతారు. మీకు ఈ పండ్లు ఎక్కడైనా కనబడితే కొనకపోయినా ఒక్కసారి పట్టుకుని వాసన చూడండి ఎంత నేచురల్ గా ఉంటుందో మీకే తెలుస్తోంది. ఇక వాటితో వంటకాలు చేస్తే చుట్టుప్రక్కల వాళ్లందరకీ సువాసనలు గుప్ మంటాయి.ఇక ఒక్కసారి రుచి చూస్తే మళ్లీ మళ్లీ తినాలనిపిస్తుంది.

‌

ఆరోగ్యానికి ఎంతో మంచిది..‌

‌తాడిపండులో ఎన్నో ఆరోగ్యకరమైన పోషకాలు ఉంటాయి. ఎ,సి విటమిన్లు ఉంటాయి. బి కాంప్లెక్స్ పుష్కలంగా లభిస్తుంది. ఎక్కువ పీచుపదార్ధాలు ఉండటం వల్ల జీర్ణకోశ వ్యాధులు, మలబద్ధకం దూరమవుతాయి.రక్తశుద్ది చేయడం, మెదడుకు గ్లూకోజ్ అందించడానికి దోహదపడుతుంది. నేటి తరం వారికి ఈ తాటిపండు విలువ తెలియదుకాని ప్రతి ఒక్కరూ రుచి చూడాల్సిన పండు.ఇప్పటికే తాటిచెట్లు కనుమరుగై పోతున్నాయి. భవిష్యత్తులో ఈ చెట్ల ఉనికికే ప్రమాదం ఉంది. అందువల్ల ఈ తాటిసంపదను కాపాడుకోవాల్సిన భాద్యత మనందరిపైనా ఉంది.

ముందుగా మిరపకాయలను పైన పేర్కొన్న సామాన్లు అన్నీ వేసుకొని వాటిని కచ్చా పచ్చాగా దంచి ఒక రాత్రి ఉంచుకోవాలి. అపుడు ఆ మిశ్రమం మెత్తబడుతుంది. మరుసటి రోజు మరల ఈ దంచిన పచ్చడి మిక్సీ వేసి మనకు కావలసినంత మెత్తగా మిక్సీ చేసుకోవాలి. మిక్సీలో కాకుండా పెద్ద రుబ్బురోలుపై రుబ్బుకుంటే పచ్చడి మరింత టేస్టుగా వుంటుందని గమనించాలి అంతా. ముందుగా వేయించుకొని సిద్ధం చేసుకున్న రెండు స్పూన్ల ఆవపిండి మెంతిపిండి  అందులో వేసి కలపాలి. అదే సమయంలో ఫ్లేవర్ కాస్త బాగా రావాలనుకునేవారు వెల్లుల్లి కూడా ఒక వంద గ్రాములు కచ్చాపచ్చాగా దంచి వేసుకోవచ్చు మేకు ఖచ్చితంగా వేస్తాము. తరువాత బెల్లం కూడా బాగా గుండలా తురుముకొని వేసుకోవాలి. అంతా పూర్తయిన తరువాత ముందుగా చెప్పిన పోపు దినుసులు వేసుకొని తాలింపు పెట్టుకుంటే పండు మిరపకాయ్ పచ్చడి రెడి. దీనిని పప్పులోకి, దోసెల్లోకి, రసంలోకి, పెరుగన్నంలోకి వాడుకోవచ్చు చాలా బావుంటుంది..ఈ పండుమిరపకాయ్ పచ్చడి విధానం మీకూ నచ్చితే మీరూ ట్రై చేయండి..ఆ కమ్మనైన రుచి ఆశ్వాదించండి.

 దానికి చిన్న సాంకేతిక కారణం కూడా వుంటుది వెన్న బాగా వున్న మిరప కాయ గాట్లలోకి వెన్న వెళ్లి ఆ మిరపకాయ్ ఎండిన తరువాత చాలా రుచి పెరుగుతంది. అలా ఊరబెట్టిన మిరపకాయలను ఒక ప్లాస్టిక్ షీట్ మీద పలచగా ఎండలో ఆరబెట్టాలి. ఈ మిరపకాలను మరీ గట్టిగా పిండ కూడదు..మరల సాయంత్రం తీసి మజ్జిగలో పోయాలి ఇలా ఒక నాలగైదు రోజులు పోసి గలగల లాడేదాకా ఎండనిచ్చి ఒక డబ్బాలో పోసుకుని నిలవ ఉంచుకొవాలి. ఒక కేజి మిరపకాయలు ఎండిన తరువాత సుమారు పావుకేజి వరకూ వస్తాయ్ అవీ పెద్దవి అయితే లేదంటే 200 గ్రాములు మాత్రమే వస్తాయ్. మనకు కావలసినపుడు తీసుకుని నునెలో వేయించుకుని తింటే ఆరుచి చాలా బాగుంటుంది..

సాయం సంధ్యవేళ అలా చల్లగాలిలో కూర్చుకొని  ఆ ఊసూ..ఈ ఊసూ ఆడుకుంటూ పకోడీలు తింటే అ మజానే వేరుగా వుంటుంది కదా..అదే ఆ పకోడీ చికెన్ పకోడీ అయితే ఆ వర్ణన మాటలకు అందదు. అలాంటి టేస్టీ టేస్టీ చికెన్ పకోడీ చేసుకొని రుచి చూడాలని మీకూ వుందా..అయితే ఈఎన్ఎస్ లైవ్ యాప్ కిచెన్ రెసీపీస్ ద్వారా అందించే ఈ చికెన్ పకోడీ రెసిపీని చూసి మీరూ ఓ సారి ట్రైచేయండి. నోట్లో పెట్టగానే అలా కరిగిపోయి, ఎంతో కమ్మటి రుచిని అందించే చికెన్ పకోడీ తయారు చేయడం ఈ రోజు మీకు అందిస్తున్నాం. మేము చెప్పిన కొలతలతో చేస్తే పెర్ ఫెక్ట్ చికెన్ పకోడీ  వచ్చి తీరుతుందంటే నమ్మండి. ఇంకెందుకు ఆలస్యం ఈ రెసిపీ స్టైల్ ఒకటికి రెండు సార్లు చదువుకొని ఒక్కసారి మీరు ట్రైచేస్తే..మీకే తెలిసిపోతుంది. చికెన్ పకోడీ ఎలా చేయాలో.. అంతకంటే ముందుగా మా యొక్క చిన్న రిక్వెస్ట్ ఏంటేంటే ఈఎన్ఎస్ లైవ్ మొబైల్ యాప్ ని గుగూల్ ప్లే స్టోర్ నుంచి డౌన్ లోడ్ చేసుకోవడం మాత్రం మరిచిపోవద్దు. లెట్స్ స్టార్ట్ టేస్టీ టేస్టీ చికెన్ పకోడి. ఇక్కడ ఒక కేజీ చికెన్ పకోడీకి సరిపడే విధంగా మీకు తెలియజేస్తున్నాం. పకోడీ చేసే ముందు రెసిపీని యాప్ లో చూస్తూ చేస్తే పక్కాగా..ఎంతో టేస్టీ టేస్టీగా వచ్చేస్తుంది.

చికెన్ పకోడీకి కావాల్సిన మసాలాలు...

చికెన్ పకోడీకి కావాల్సినవి ఒక్కసారి చూసుకుంటే.. ఒక కేజీ చికెన్, ఆరు పచ్చిమిరపకాయలు పెద్దవి వాటిని పొడుగ్గా చీలికలుగా కట్ చేసుకోవాలి, ఒక పెద్ద కట్ట కరివేపాకు, ఒక కప్పుడు కొత్తిమీర, రుచికి సరిపడా ఉప్పు, అర చెంచా పసుపు, రెండు చెంచాల కారం, ఒక చెంచా దనియాలపొడి, ఒక చెంచా జీలకర్రపొడి, ఒక చెంచా గరం మసాలా పొడి, మూడు చెంచాల అల్లం వెల్లుల్లి పేస్టు, రెండు కోడిగ్రుడ్లు, ఒక కప్పు కాన్ ఫ్లోర్, పావుకప్పు శనగపిండి(ఇది ఆప్షనల్ ఇష్టం ఉంటే వేసుకోవచ్చు లేదంటే లేదు), టేస్టింగ్ సాల్ట్(ఇది కూడా ఆప్షనల్ ఇష్టం వున్నవారు వేసుకోవచ్చు లేదంటే లేదు.. ఇది లేకపోయినా చాలా టేస్టీగా పకోడీ వస్తుంది) 150 గ్రాముల ఫ్రెష్ పెరుగు, ఒక చెంచా నెయ్యి, ఒక చెంచా చికెన్ మసాలా,  కావాల్సి వుంటుంది.

చికెన్ పకోడీకి తయారీ విధానం..

ముందుగా మనం తీసుకున్న కేజీ చికెన్ ముక్కలకు చాక్ గానీ, ఫోర్కుతో గానీ గంట్లు పెట్టుకొని దానిని ఒక గంటపాటు ఉప్పునీటిలో నానబెట్టుకోవాలి. ఆత తరువాత ఉప్పునీటి నుంచి చికెన్ ను వేరుచేసి అందులో పేన తెలియజేసిన మసాలా సామాన్లు అన్నీ కలుపుకొని చికెన్ కు బాగా పట్టించాలి. ఆ తరువాత దానిని ఒక 3 గంటల పాటు ఫ్రిజ్ లో పెట్టి మేరినేట్ చేయాలి. మసాలాలు కలిపిన చికెన్ ఎంత ఎక్కువ సేపు నానితే చికెన్ పకోడీ అంతబాగా వస్తుందని గుర్తుంచుకోండి. తరువాత ఒక కడాయ్ తీసుకొని స్ట్ వ్ పై పెట్టుకొని నూనె బాగా మరిగిన తరువాత చికెన్ ను పకోడీ గా వేసుకోవాలి..అయితే ఇక్కడ అంతా గుర్తుంచుకోవాల్సిన విషయం ఏంటేంటే పకోడీ నూనెలో వేగుతున్న సమయంలోనే పచ్చిమిర్చి చీలికలు, కరివేపాకు కలిపి వేపాలి. అప్పుడే చికెన్ పకోడీకి కాస్త స్పైసీ నెస్ వచ్చి కరివేపాకు అరోమా మొత్తం పడుతుంది. మనం తినే ప్రతీ చికెన్ ముక్కలోనూ ఆ టేస్టు తెలుస్తుంది. పకోడీలు బాగా వేగాయని తెలియగానే బయటకు తీసేయాలి..అదేలా తెలుస్తుందంటే నూనెలో వేగిటపుడు నురగ రావడం తగ్గిపోతుంది అంటే పకోడీలు బాగా వేగిపోయాయని అర్ధం. మరీ ఎక్కువ సేపు వేపేస్తే ముక్క గట్టిపడిపోతుందని మాత్రం తప్పక గుర్తుంచుకోవాలి. మొత్తం దించేసిన తరువాత టమాటా కచెప్, ఉల్లిపాయతో తింటే ఆహా అంటారు. నచ్చిందా ఈ రెసీపీ..మీరూ ఒక్కసారి ట్రైచేస్తారా.. మీదే ఆలస్యం.. మేము అందజేసిన ఈ రెసిపీ ఎలా వచ్చిందో ఈఎన్ఎస్ లైవ్ యాప్ లో కామెంట్ రాయడం మాత్రం మరిచిపోకండి. ఆల్ ది బెస్ట్.

మాంసాహార ప్రియులకు చికెన్ ధమ్ బిర్యానీ పేరు చెప్పినా..దాని వాసన కమ్మగా తగిలినా నోటిలో లాలా జలం ఇట్టే ఊరిపోతుంది.. కానీ చికెన్ ధమ్ బిర్యానీ అంటే అంతా రెస్టారెంట్ లో మాత్రమే బాగుంటుందని చాలామంది భావిస్తారు. కానీ అది తప్పు..ఈఎన్ఎస్ లైవ్ యాప్, మరియు న్యూస్ వెబ్ సైట్ లో చూపిన విధంగా పక్కా కొలతలతో చేస్తే మీరూ రెస్టారెంట్ ను మించిన టేస్టుతో ఇంట్లోనే చికెన్ ధమ్ బిర్యానీ చేసుకోవచ్చు. చాలా చక్కగా ఆస్వాదిస్తూ..ఆనందం పొందవచ్చు.  అలా ఇంట్లోనే మనం కూడా చికెన్ ధమ్ బిర్యానీ చేసుకోవాలంటే మేము చెప్పే ఈ టిప్స్ ఖచ్చితంగా పాటించి కరెక్టుగా ప్రిపేర్ చేస్తే గుమ గుమలాడే చికెన్ ధమ్ బిర్యానీ రెడీ అయిపోతుంది. ఇంకెందుకు ఆలస్యం. ఇక ఈ చికెన్ ధమ్ బిర్యానీ చేసే విధానం ఒక్క తెలుసుకొని మీరూ ట్రైచేయండి.. ఇక్కడ అరకేజీ బియ్యం, కేజీ చికెన్ తో ధమ్ బిర్యానీకి సరిపడే విధంగా తయారీ విధానం ఈఎన్ఎస్ లైవ్ పాఠకుల కోసం తెలియజేస్తున్నాం. మీరు ఒక్కసారి ట్రై చేసి, మీకు చికెన్ ధమ్ బిర్యానీ ఎలా కుదిరింతో ఈఎన్ఎస్ లైవ్ యాప్ లో కామెంట్ బాక్సు లో రాయండి. అన్నట్టు మీరు మాత్రం ఈ రెసిపీ ఒకటికి రెండు సార్లు చదువుకొని, ఆపై అన్ని రకాల దినుసులు రడీ చేసుకున్న తరువాత స్టెప్ బై స్టెప్ చేస్తే రెస్టారెంట్ స్టైల్ దమ్ బిర్యాని రెడీ అయిపోతుంది. ఇంకెందుకు ఆలస్యం వెంటనే చేసేయండి..

చికెన్ ధమ్ బిర్యానీకి కావాల్సిన పదార్ధాలు.. 

అరకేజి క్వాలిటీ బాసుమతి బియ్యం, కేజి చికెన్, 200 గ్రాముల పెరుగు, 150 గ్రాముల ఉల్లిపాయల బ్రౌన్ ఆనియన్స్, ఒక ఏడు లవంగాలు, ఏడు యాలకులు, రెండు ఇంచిల పొడవున్న మూడు దాల్చిన చెక్క ముక్కలు, 4 మరాటీమొగ్గలు, 5 అనాసపువ్వులు, 5 చెంచాల ఫ్రెష్ అల్లం వెల్లుల్లి పేస్టు, ఒక చెంచా సాహీ జీరీ, ముప్పావు చెంచా జీలకర్రపొడి, రెండు చెంచాల గరం మసాలాపొడి, రెండు చెంచాల బిర్యానీ మసాలా పొడి, ఒక చెంచా కారం, అర చెంచా పసుపు, తగినంత ఉప్పు, రెండు కప్పులు కొత్తీమీర తరుగు, రెండు కప్పులు పుదీనా తరుగు, రెండు పెద్ద మిరపాయ్ చీలికలు, మీకు ఇష్టం ఉండి వేసుకుంటే కొద్దిగా జీడిపప్పు, ఆరు బిర్యానీ ఆకులు, రెండు చెంచాల మంచినూనె,150 గ్రాముల నెయ్యి  అంటే సుమారుగా ఆరు పెద్ద స్పూన్లు నిండా రావాలి. ఒక అరచెక్క నిమ్మకాయ్, మీకు చిన్న ఘాటు కూడా కావాలనుకుంటే..ఒక ఆరు మిరియాలను బరకగా దంచి వేసుకోవచ్చు..

బిర్యానీ తయారు చేసే విధానం..

ముందుగా కేజీ బాసుమతి బియ్యాన్ని ఒక గిన్నెలో బాగా శుభ్రం చేసుకొని ఒక గంటపాటు నీటిలో నానబెట్టి ఉంచుకోవాలి. తరువాత ముందుగా తెచ్చిపెట్టుకున్న చికెన్ ఒకటికి రెండు సార్లు బాగా కడిగి ఒక గంటల పాటు ఉప్పునీటిలో బాగా నానబెట్టాలి. ఇలా నానబెట్టడం వలన చికెన్ మంచి టేస్ట్ గా, మెత్తగా, ఎంతో చక్కగా ఉడుకుతుందని గుర్తుంచుకోండి. ఆ తరువాత చికెన్ ని ఉప్పునీరు నుంచి వేరుచేసి పెరుగు, ఒక చెంచా ఉప్పు, చెంచా కారం, కొద్దిగా సాహీ జీరా, ఒక కప్పు కొత్తిమీర, ఒక కప్పు పుదీనా, రెండు చెంచాల నెయ్యి, అర చెంచా పసుపు, ఒక చెంచా మసాలా పొడి, ఒక చెంచా బిర్యానీ మసాలా పొడి, ఒక చెంచా జీలకర్రపొడి, రెండు చెంచాల ప్రెష్ గా నూరుకున్న అల్లం వెల్లుల్లి పేస్టు వేసి బాగా చికెన్ ముక్కలకు పట్టించాలి.  దానిని ఒక గంటపాటు ఫ్రిజ్ లో పెట్టుకోవాలి. ఇలా పెట్టుకోవడం ద్వారా మేరినేట్ అయ్యి మనం కలిపిన మసాలా దినుసులన్నీ చికెన్ కి బాగా పట్టి ముక్క ఎంతో సాఫ్ట్ గా అవుతుంది. బిర్యానీ ముద్దతో ఎంతో కమ్మగా, రుచిలా మెత్తగా తినడానికి ఎంతో బాగుంటుంది. తరువాత స్టవ్ పై బిర్యానీ ఒక గిన్నె పెట్టుకొని దానికి అడుగున ఒక చెంచా నెయ్యిరాయాలి. మరో స్టవ్ వ్ పై వేడినీరు మరిగించాలి..అందులో ఒక చెంచా అల్లం వెల్లుల్లి ముద్ద, కొద్దిగా కొత్తిమీర తరుగు, కొద్దిగా పుదీనా తరుగు, పచ్చిమిర్చిచీలికలు, కొద్దిగా సాహీజీరా, బిర్యానీ రా మసాలాలు అన్నీ అలాగే వేసుకోవాలి. నీరు బాగా కెర్లిన తరువాత నానబెట్టుకున్న బియ్యాన్ని ఎసరులో వేసి హైఫ్లేమ్ మీద ఉడికించాలి..బియ్యం 75 ఉడికించుకోవాలి అంటే అన్నం పలుకి పట్టుకుని చూస్తే మధ్యలో ఇంకా ఉడకాలి అన్నట్టుగా ఉండాలి. ఈ లోగా రెండో వైపు పెట్టుకున్న బిర్యానీ గిన్నెలో ఫ్రిజ్ లో పెట్టుకున్న చికెన్ తెచ్చి  గిన్నె మొత్తం సర్దుకోవాలి. తరువాతదానిపై ఉడికి బియ్యాన్ని సమానంగా సర్దుకుంటూ లేయర్లు , లేయర్లుగా వేస్తుకోవాలి. మధ్య మధ్యలో కొత్తిమీర, పుదీనా, మసాలా పొడిపొడి చల్లుకొని, రెండు మూడు స్పూన్ల నెయ్యిని కూడా వేస్తుకోవాలి. చివరిగా మైదాపిండిని బిర్యానీ గిన్నెకు అంచుకు అంటించి దానిపై మూత పెట్టు కోవాలి. దానిపై చిన్న బరువుకూడా పెట్టుకోవాలి. తరువాత హై ఫ్లేమ్ పై 8 నిమిషాలు, తరువాత లో ఫ్లేమ్ పై 7 నిమిషాలు ఉడికించుకోవాలి.  అడుగు మాడిపోతుందనే అనుమానం వున్నవారు మనం అట్లు వేసుకునే అట్లడాను పెట్టి దానిపై బిర్యానీని ఉడికించుకుంటే అడుగు పట్టకుండా వుంటుంది. అలా చేసిన తరువాత స్టవ్ ఆఫ్ చేసుకోవాలి.  మరో 15 నిమిషాలు బిర్యానీపై గిన్నె మూత తీయకుండా అలాగే ఉంచేసుకోవాలి. దీని ద్వారా ధమ్.. రైస్, అటు చికెన్ కు పెర్ ఫెక్ట్ గా పడుతుంది. పైన పేర్కొన్నట్టు  చేస్తే..రెస్టారెంట్ స్టైల్ టేస్టీ టేస్టీ చికెన్ ధమ్ బిర్యానీ వచ్చితీరుతుందంటే నమ్మండి. తరువాత సర్వింగ్ బౌల్ లోకి తీసుకొని అందులోకి రైతా కలుపుకుని తింటే ఆహా అదరహో అనాల్సిందే. ఇక వంటింట్లోకి వెళ్లి ఒక్కసారి ఈ చికెన్ ధమ్ బిర్యానీ రెసిపీని ట్రైచేయండి..ఇలాంటి మరిన్ని టేస్టీ టేస్టీ రెసీపీల కోసం ఈఎన్ఎస్ లైవ్ యాప్ ని గుగూల్ ప్లే స్టోర్ నుంచి డౌన్ లోడ్ చేసుకోవడం మాత్రం మరిచిపోకండి..!