సాంకేతిక ఇబ్బందులు మోకాలడ్డు..

గ్రామ, వార్డు సచివాయాల్లో 19శాఖల సిబ్బంది అందుబాటులో ఉన్నా ఒక్కో సచివాలయానికి కేవలం రెండు మాత్రమే కంప్యూటర్లు ఉండటం, అందులో ఒకటి రెగ్యులర్ గా డిజిటల్ అసిస్టెంటే వినియోగించడం, మరొకటి సెక్రటరీ లేదా వెల్ఫేర్ అసిస్టెంట్లు వినియోగిస్తుండటంతో ఇతర ప్రభుత్వ సేవలు అందించడానికి కంప్యూటర్లు లేకుండా పోతున్నాయి. ఇపుడు ఏ దృవీకరణ కావాలన్నా ఆన్ లైన్ లోనే వివరాలు నమోదు చేయాల్సి ఉండటం, దానికి కంప్యూటర్లు లేకపోవడం వలన క్రమ సంఖ్యలో ఉన్న డిజిటల్ అసిస్టెంట్లే ఒక రోజుకి ఎన్ని చేయగలరో అన్నే చేస్తున్నారు. దానికితోడూ ఆధార్ కేంద్రాలు కూడా సచివాలయాలకే ఇవ్వడంతో అధిక ఆదాయం వచ్చే ప్రధాన సేవలు అందించే వీలు లేకుండా పోతున్నది. గ్రామీణ ప్రాంతాల్లో కొన్ని సచివాలయాల్లో ఒక్కో కంప్యూటర్ ఉన్నచోట మరీ ఇబ్బందులు తలెత్తుతున్నాయి. గత్యంతరం లేనివారంతా చచ్చినట్టు మీ-సేవా కేంద్రాలను ఆశ్రయిస్తున్నారు. అందులోనూ సచివాయాల్లో తీసుకునే ధరకంటే మీ సేవా కేంద్రాల్లో రెండింతలు అధికంగా ఉండటంతో ప్రజలకు ఆర్ఢిక ఇబ్బందులు కూడా తప్పడం లేదు. ఒక్కోసారి రెవిన్యూ ఆధారిత దృవీకరణ పత్రాలకు ఆమ్యామ్యాలు కూడా చెల్లించుకోవాల్సి వస్తున్నది.

సచివాలయాల్లో సరిపడినన్ని కంప్యూటర్లు లేకపోవడం, ఉన్నచోట స్టేషనరీలు సక్రమంగా లేకపోవడం, అన్నీ ఉన్నచోట సిబ్బంది లేకపోవడం తదితర కారణాల వలన ప్రధాన సేవలు గ్రామ స్థాయిలో అందకుండా పోతున్నాయి. గతంలో కంటే మిన్నగా సచివాలయాల్లో సేవలు అందుతున్నా..ఆదాయం మాత్రం రావడం లేదు. ప్రభుత్వానికి ఆదాయం కూడా సచివాలయాల ద్వారా వస్తే మరిన్ని సేవలు ప్రజల ముందుకి తీసుకురావడానికి వీలుపడుతుంది. సాంకేతి పరమైన ఇబ్బందులున్న చోట మిగిలిన సిబ్బంది రికార్డుల పనికే పరిమితం కావాల్సి వస్తున్నది. వాస్తవాని ఈ విషయాలన్నీ జిల్లా స్థాయిలో కలెక్టర్లు, మండలస్థాయి అధికారులకు తెలిసినప్పటికీ ప్రభుత్వం దృష్టికి అసలు విషయాన్ని తీసుకెళ్డం లేదు. దీనితో ప్రభుత్వం అందించాలనుకున్న సేవలు ప్రజలకు చేరడం లేదు. అటు ప్రభుత్వానికి కూడా ఆదాయం సమకూరడం లేదు.

రాష్ట్రంలోని కొన్ని జిల్లాల్లోని గ్రామ, వార్డు సచివాలయాల్లో సిబ్బంది కొరత వేధిస్తున్నది. ప్రభుత్వలు అందించడానికే ప్రత్యేకంగా ఏర్పాటు చేసిన డిజిటల్ అసిస్టెంట్ పోస్టులు చాలా చోట్ల ఖాళీగా ఉండిపోయాయి. ప్రభుత్వం కొన్ని చోట్ల కారుణ్య నియామకాల ద్వారా ఖాళీలు భర్తీచేసినప్పటికీ అత్యంత అవసరం ఉన్న డిజిటల్ అసిస్టెంట్, పంచాయతీ సెక్రటరీ లాంటి పోస్టులు భర్తీ కావడంలేదు. దీనితో ఉన్న సిబ్బందే పక్క సచివాయాలకు వెళ్లి అత్యవసర సేవలు ఏ విధంగా ఆన్ లైన్ ద్వారా చేయాలో తెలుసుకొని వాటిని చేస్తున్నారు. చాలా మంది పంచాయతీ కార్యదర్శిలకు ఒక్కొక్కరికి రెండు మూడు పంచాయతీలు ఇన్చార్జిలు అప్పగించడంతో ప్రధాన అవసరాలు గ్రామపరిధిలో తీరడం లేదు. అలాగని కొన్నిచోట్ల సిబ్బంది ఉన్నా పనులు జరగడం లేదు. దీనింతటికీ పర్యవేక్షణ లోపమే ప్రధానంగా కనిపిస్తున్నది. జిల్లా స్థాయిలో కలెక్టర్, జాయింట్ కలెక్టర్, డివిజన్ స్థాయిలో డిఎల్డీఓలు, మండల స్థాయిలో ఎంపీడిఓలు పూర్తిస్థాయిలో దృష్టి సారిస్తే ఉన్న కొద్దిపాటి సిబ్బందితోనైనా పూర్తిస్థాయిలో సవలు అందించడం ద్వారా ప్రభుత్వానికి ఆదాయాన్ని కూడా పెంచే ఏర్పాటు చేయవచ్చు. కానీ ఆదిశగా ఎక్కడా చర్యలు తీసుకుంటన్న దాఖలాలు కనిపించడం లేదు. దానికితోడు సిబ్బందికి ఎన్నికల విధులు అదనంగా వచ్చి చేరడం కూడా సేవల విధులకు ఆటంకం ఏర్పడుతుంది. ఈ మొత్తం వ్యవహారం రాష్ట్ర అధికారులు దృష్టి సారిస్తే తప్పా పరిపాలన, తద్వారా సేవలు.. ఆపై ప్రభుత్వానికి ఆదాయం సమకూరే అవకాశం లేదు..!

 రాష్ట్రవ్యాప్తంగా వీఆర్వో ఖాళీలు చాలా ఉండటంతో ఆ ఖాళీలను విఆర్ఏలుగా పనిచేస్తున్నవారికి పదోన్నతి కల్పించి విఆర్ఏలుగా మార్చింది. ఇక పదోన్నతుల కోసం ఎదురు చూస్తున్నవారిలో గ్రేడ్-6 పంచాయతీ కార్యదర్శిలు అనగా ప్రస్తుతం డిజిటల్ అసిస్టెంట్లు, తరువాత ప్రస్తుత గ్రేడ్ గ్రేడ్-5 పంచాయతీకార్యదర్శిలు, సర్వేయర్లు, వీఆర్వోలు, నగర పరిధిలో వార్డు సెక్రటరీలు, శానిటేషన్ అసిస్టెంట్లు, మహిళా పోలీసులు, సెరీ కల్చర్ అసిస్టెంట్లు ఉన్నారు. వీరంతా తమ పదోన్నతుల మాట ఏమిటని ప్రశ్నిస్తున్నారు. ప్రస్తుతం రెండు మూడుశాఖల ఉద్యోగులకే పదోన్నతులు కల్పించడం ద్వారా తమకు ఎప్పుడు పదోన్నతులు ఇస్తారని అంతా ఆశగా ఎదురు చూస్తున్నారు. వ్యవసాయశాఖ, ఉద్యానవన శాఖ, పట్టుపరిశ్రమశాఖ, పశుసంవర్ధకశాఖ ఉద్యోగులు కనీసం ఇన్ సర్వీస్ ఛానల్ ఏర్పాటు చేస్తే దానితోనైనా పొందడానికి ఆస్కారం వుంటుందని వాపోతున్నారు. ప్రస్తుతం గ్రామ, వార్డు సచివాలయశాఖలో ఒక్క ఏఎన్ఎంలకు మాత్రమే ఇన్ సర్వీసులో స్టాఫ్ నర్స్ ట్రైనింగ్ ఇచ్చి మళ్లీ వారి విధులను సచివాలయాల పరిధిలోనే పనిచేసే విధంగా వెనక్కి పంపారు. రానున్న రోజుల్లో వీరికి పదోన్నతులు వస్తే వీరు పీహెచ్సీల్లోని స్టాఫ్ నర్సులుగా వెళ్లే అవకాశాలుంటాయని, వీరి స్థానంలో కొత్త ఏఎన్ఎంల భర్తీ జరగవచ్చునని చెబుతున్నారు. 

ప్రస్తుతం 22460 పేస్కేలు తీసుకునే సచివాలయ ఉద్యోగులకు పదోన్నతి లభించిన తరువాత ఏకంగా రూ.34 వేలు దాటి పేస్కేలు తీసుంటున్నారు. దీనితో పదోన్నతులు రాని ఉద్యోగులంతా తామంతా సచివాలయ శాఖలో శాపగ్రస్తులం అంటూ తీవ్ర ఆవేదన వ్యక్తం చేస్తున్నారు. అసలు పదోన్నతుల వ్యవస్థకే నోచుకోని డిజిటల్ అసిస్టెంట్లు, ఇంజనీరింగ్ అసిస్టెంట్ల బాధలైతే వర్ణణాతీతంగా ఉన్నాయి. కనీసం కొన్ని శాఖలకు ప్రమోషనల్ ఛానల్ ఏర్పాటు చేశారు..మేము దానికి కూడా నోచుకోకుండా అన్ని రకాల ఇంజనీరింగ్ పనులనూ చేయాల్సి వస్తుందని కన్నీటి పర్యంతం అవుతున్నారు. ఎన్నో వేల రూపాయల జీతాలు వచ్చే ప్రైవేటు ఉద్యోగాలను వదులుకొని ఈ శాఖలోకి రెగ్యులర్ ఉద్యోగమనే ఆశతో వచ్చిన మాకు తీవ్ర నిరాస మిగిలిందని వాపోతున్నారు. ఇప్పటికే రెండేళ్లలో రెగ్యులర్ కావాల్సిన తమ సర్వీసులు అదనంగా 9 నెలలు పనిచేసినపుడు అపుడు పేస్కేలు, సుమారు రెండు డిఏలు కోల్పోయామని, పీఆర్సీ వర్తించినట్టు పేస్కేలు పెంచినా..అందరు రెగ్యులర్ ఉద్యోగులు మాదిరిగా తమకు పేస్కేలు అరియర్స్ కూడా అందుకోలేకపోయామని చెబుతున్నారు. అసలు పీఆర్సీ అరియర్స్ విషయంలో ప్రభుత్వం నుంచి ఎలాంటి ప్రకటనా రాకపోవడం తమను తీవ్ర నిరాశకు గురిచేసిందని వాపోతున్నారు.

 గ్రామ, వార్డు సచివాలయశాఖలో చేరిన దగ్గర నుంచి ఇప్పటి వరకూ ఒక్కో ఉద్యోగి సుమారు రూ.2.50లక్షల నుంచి రూ.3 లక్షల వరకూ ప్రయోజనాలు కోల్పోయామని, ఇపుడు పదోన్నతుల విషయంలో కూడా తీవ్ర అన్యాయం జరుగుతోందని అంటున్నారు. మొత్తం 19శాఖల ఉద్యోగుల్లో రెండు శాఖల ఉద్యోగులకు పదోన్నతుల ప్రక్రియ ప్రారంభం కాగా, ఒక శాఖ ఉద్యోగులకు ఇన్ సర్వీస్ వ్యవస్థ ప్రారంభమై వారి శిక్షణ కూడా పూర్తిచేసుకున్నారు. మిగిలిన శాఖల్లో కూడా అవకాశం ఉన్నమేర ఇన్ సర్వీస్, ప్రమోషన్ ఛానల్ వర్తిపంజేస్తే ఇతర శాఖల ఉద్యోగులకు కూడా ప్రయోజనం చేకూరే అవకాశం వుంది. లేదంటే అంతర్ జిల్లాల బదిలీల్లో జిల్లాలు మారిన వారికి, అసలు పదోన్నతుల ప్రక్రియే ప్రారంభం కాని శాఖల ఉద్యోగులకు తీవ్ర నష్టం జరిగే అవకాశం వుంది. ఈ విషయంలో ప్రభుత్వం ఏం నిర్ణయం తీసుకుంటుందనేది వేచి చూడాలి..!

అంతేకాదు సిపిఎస్ రద్దు చేసి ఓపిఎస్ అమలు చేస్తారనే విషయానికి సంబంధించిన వీడియో క్లిప్పింగులు, పేపర్ కటింగ్ లు, మొబైల్ యాప్ న్యూస్ కార్డ్ లు ఉద్యోగుల సోషల్ మీడియా మాద్యమాల్లో విపరీతంగా ట్రోల్ అయ్యాయి. అదే సందర్భంలో ఉపాధ్యాయులు, ఇతర ప్రభుత్వశాఖల ఉద్యోగులు కూడా వారి వారి జిల్లాల్లో అంతర్గతంగా సమావేశాలు కూడా పెట్టుకొని సిపిఎస్ రద్దు చేసే పార్టీలకే తమ మద్దతు ఇవ్వాలని నిర్ణయించినట్టు కూడా నిఘా వర్గాలకు సమాచారం అందిందని చెబుతున్నారు. సీఎం జగన్ అధికారంలోకి వచ్చిన తరువాత రివర్స్ పీఆర్సీ ఇవ్వడాన్ని ఉద్యోగులు ప్రధాన నష్టంగా భావిస్తున్నారు. కనీసం గ్రామ, వార్డు సచివాలయ శాఖలోని ఉద్యోగుల మద్దతు అయినా లభిస్తుందా అంటే వారి సర్వీసులు కూడా రెండేళ్లకు రెగ్యులర్ చేయాల్సింది తొమ్మిది నెలలు అదనంగా పనిచేయించుకున్న తరువాత రెగ్యులర్ చేశారు. దీనితో వారికి రెండు డిఏలు, తొమ్మిది నెలల పుల్ పేస్కేలు కోల్పోయారు. పైగా ఉద్యోగాలు రెగ్యులర్ అయిన తరువాత ఇవ్వాల్సిన రెండు ఇంక్రిమెంట్ల విషయంలో కూడా ప్రభుత్వం నేటికీ ఎలాంటి ప్రకటనా చేయలేదు. అంతేకాకుండా వీరికి పీఆర్సీ అమలు చేస్తున్నామని చెప్పిన ప్రభుత్వం అరియర్స్ మాట ఎత్తకుండా స్థబ్దుగా ఉండిపోయింది. 

ఈ విషయాన్ని కూడా ఉద్యోగ సంఘాల సమావేశాల్లో తీవ్రంగా చర్చించి జనసేన పవన్ కళ్యాణ్ దృష్టికి తీసుకెళ్లడంతో ఈ ప్రభుత్వ శాఖను కూడా అభివద్ధి చేయడంతోపాటు, మరికొన్నిశాఖల ఉద్యోగాలను ఈ శాఖకు అనుసంధానం చేసి ఉద్యోగాల సంఖ్య పెంచాలని కూడా వారి సమావేశంలో చర్చకు వచ్చినట్టు చెబుతున్నారు. మొన్నటి వరకూ టిడిపి అధికారంలోకి వస్తే గ్రామ, వార్డు సచివాలయశాఖ ఉంటుందా..? ఊడుతుందా..? అని ప్రచారం చేశారంటూ అపవాదు మూటగట్టుకున్న టిడిపీయే ఇపుడు ప్రస్తుతం ఉన్న 19విభాగాలను, 23 విభాగాల సిబ్బందికి పెంచాలని నిర్ణయించే దిశగా చర్యలు తీసుకుంటారనే ప్రచారం ఆదివారం పెద్ద ఎత్తున ఉద్యోగులకు చేరింది. ప్రస్తుతం ప్రభుత్వం సచివాలయ ఉద్యోగులకు పదోన్నతుల విషయంలో ఒక విధి విధానం లేకుండా ఇస్తున్న అంశాన్ని కూడా పవన్ కళ్యాణ్ చంద్రబాబు వద్ద ప్రత్యేకంగా చర్చించగా, ప్రభుత్వ పరిపాలనా విధానాలపై మంచి పట్టు సాధించారని  చాలా ముఖ్యమైన సూచనలు, సలహాలు ఇచ్చారని చంద్రబాబు పవన్ ను మెచ్చుకున్నారట. గతంలోనే పవన్ కళ్యాణ్ ప్రభుత్వ ఉద్యోగులు, ఉద్యోగ సంఘాలు వారి సమస్యలు మాకు చెప్పినా చెప్పకపోయినా మా ప్రభుత్వం ఏర్పాటైతే ఖచ్చితంగా వాటిని నెరవేస్తామని ప్రకటించారు. 

ఆ క్రమంలో ఇపుడు చంద్రబాబుతో మేనిఫెస్టో విషయమై చర్చించినపుడు ముఖ్యంగా ఉద్యోగుల సిపిఎస్ రద్దు, ప్రతీ ఏటా జాబ్ కేలండర్ లో ఉపాధ్యాయ డిఎస్సీ, ఏపిపిఎస్సీకి విశేష అధికారాలు ఇస్తూ నోటిఫికేషన్లు, అన్ని ప్రభుత్వ శాఖల్లోనూ ఉద్యోగులకు పదోన్నతులు, ఔట్ సోర్సింగ్, కాంట్రాక్టు ఉద్యోగాల విధానం రద్దు, అధికారంలోకి వచ్చిన వెంటనే పిఆర్సీ తదితర అంశాలు చర్చించారనే విషయాన్ని తెలుసుకున్న ఉద్యోగులు పెద్ద ఎత్తున ఆనందం వ్యక్తం చేస్తూ ఆలోచనకు, చర్చకు తెరలేపారని తెలిసింది. వీరిద్దరి కలయికలో వచ్చిన చర్చ ఇంత పెద్దగా రాష్ట్రవ్యాప్తంగా దావానంలా వ్యాపించడం విశేషం. అయితే వీరి ఉమ్మడి మేనిఫస్టో వచ్చేంత వరకూ ప్రస్తుతానికి ఈ ట్రోలింగ్స్ ఆగేటట్టుగా  కనిపించడం లేదు. పైగా నవంబరు నెల కావడం పిక్నిక్ లు జరిగే సమయం కావడంతో ఉద్యోగులంతా ఒకే చోటకు చేరి ఈ విషయంలో పెద్ద ఎత్తున నిర్ణయం తీసుకునే అవకాశం కూడా లేకపోలేదు. చూడాలి ఏం జరుగుతుందనేది..!

ఇప్పటికే ఉద్యోగాల్లోకి చేరిన తరువాత రెండేళ్లకి సర్వీసు రెగ్యులర్ చేస్తామన్న ప్రభుత్వం అదనంగా 9నెలలు పనిచేయించుకున్న తరువాత ప్రత్యేకంగా టెస్టులు పెట్టి అవి పాసైన వారికి మాత్రమే సర్వీసు రెగ్యులర్ చేసింది. అక్కడ 9నెలలో పేస్కేలు, 2 డిఏలు కోల్పోయిన ఉద్యోగులు సర్వీసు రెగ్యులర్ అయిన తరువాత రావాల్సిన 2 ఇంక్రి మెంట్లు కూడా కోల్పోయారు. పీఆర్సీ అమలు చేస్తున్నామంటూ చెప్పిన ప్రభుత్వం వీరికి పేస్కేలు రివైజ్ చేసి అమలు చేసినా..రావాల్సిన అరియర్స్ విషయంలో ఏలాంటి ప్రకటన చేయలేదు. దానితో అవి వస్తాయో రావో కూడా తెలియనని పరిస్థితి. అదీ కూడా సచివాలయ ఉద్యోగులకు పిఆర్సీ అమలు చేసే సమయంలోనే హెచ్ఆర్ఏ, డిఏలను కుదించిన తరువాతన పిఆర్సీ అమలు చేసింది. ఇలా ఒక్కో సచివాలయ ఉద్యోగి సుమారు రూ.2 లక్షల వరకూ ప్రయోజనాలు కోల్పోవాల్సి వచ్చింది. అయినా కూడా సచివాలయ ఉద్యోగులందరికీ ఒకే విధానం అమలు చేయకుండా కొన్నిశాఖల ఉద్యోగులకే పదోన్నతులు కల్పించి మిగిలిన శాఖల ఉద్యోగుల విషయంలో ఎలాంటి ప్రకటనా చేయకపోవడం పట్ల ఉద్యోగులల్లో తీవ్ర నిరసన వ్యక్తం అవుతున్నది. ఇప్పటికే పలు ప్రయోజనాలు కోల్పోయిన ఉద్యోగులు ఇపుడు పదోన్నతులు కూడా  దూరం అవుతున్నామని తీవ్ర ఆవేదన వ్యక్తం చేస్తున్నారు. ఈ విషయమై రాష్ట్రవ్యాప్తంగా 26 జిల్లాల్లోని ఉద్యోగుల సామాజిక మాద్యమాల్లో పెద్ద ఎత్తున చర్చకు తెరతీస్తున్నారు. పదోన్నతులు వచ్చిన వారి ఆర్డర్లు చూస్తూ, వారికి పెరిగిన జీత భత్యాలు చూసి ఒకింత ఆనంద పడుతూ, తాము ఇంకా దానికి నోచుకోలేదంటూ తీవ్ర మనోవేదనకు గురవుతున్నారు. సర్వీసు రెగ్యులర్ అయ్యే సమయంలో మెటర్నటీ లీవ్ లు పెట్టిన వారికి ఆ సెలవుల సమయం పూర్తయిన తరువాత మాత్రమే ప్రభుత్వం నిబంధనల ప్రకారం రెగ్యులర్ చేసింది. కానీ నిబంధనల ప్రకారం ఉద్యోగుల సర్వీసు మాత్రం రెండేళ్లకే రెగ్యులర్ చేయలేదు. ప్రభుత్వానికి ఆర్ధిక పరమైన అంశాల విషయంలో నింబంధనలు పాటిస్తున్న ప్రభుత్వం ఉద్యగులకు ప్రయోజనాలు చేకూర్చే విషయంలో ఎలాంటి అధికారిక ప్రకటన, నిబంధనలు పాటించకపోవడం విశేషం.

పదోన్నతులు వ్యవహారం ఎన్నికలపై ప్రభావం..

గ్రామ, వార్డు సచివాలయ శాఖలోని కొన్నిశాఖల ఉద్యోగులకే పదోన్నతులు కల్పించి మిగిలినశాఖ ఉద్యోగులకు పదోన్నతులు కల్పించని వైనం 2024 ఎన్నికల్లో తీవ్ర ప్రభావం చూపే అవకాశం గట్గిగా వుంటుందంటున్నారు. అదే సమయంలో అగ్రికల్చర్, హార్టికల్చర్, షిషరీష్, పశుసంవర్ధకశాఖల్లోని రెగ్యులర్ ఉద్యోగులకు పదోన్నతులు కల్పించకుండా కేవలం సచివాలయ ఉద్యోగులను తమతో సమానంగా పదోన్నతులు ఇవ్వడాన్ని మిగిలిన శాఖల ఉద్యోగులు తప్పు పడుతున్నారు. ప్రస్తుతం ఖాళీలు ఉన్నచోట కొత్త ఉద్యోగాలు భర్తీచేయకుండా ప్రభుత్వం ఏఈఓ, హెచ్ఈఓ, షిషరీష్ పీల్డు అసిస్టెంట్లను గ్రామ, వార్డు సచివాలయాలకు అనుసంధానం చేసేస్తూ ఖాళీలు ఉన్న ప్రదేశాలకు ఉద్యోగులను బదిలీలు చేస్తున్నది. గతంలో రెవిన్యూ శాఖలో విఆర్ఏలుగా ఉన్నవారికి వీఆర్వోగా పదోన్నతి ఇచ్చి సచివాలయాలకు పంపేసింది. దానితో ఇప్పటి వరకూ కార్యాలయాలకే పరిమితం అయిన ఉద్యోగులు సచివాలయాల్లో ఖాళీగా ఉన్న పోస్టులకు బదిలీ కావాల్సి వస్తున్నది. అలాగని వారికి రావాల్సిన పదోన్నతులు మాత్రం రావడం లేదు. మరోవైపు గ్రామసచివాలయ మహిళా పోలీసుల పరిస్థితి గాల్లో దీపంలా ఉంది. హైకోర్టుకి సమర్పించిన అఫడవిట్ తో వీరు పోలీసుశాఖ సిబ్బందిగానే ఉన్నా, వీరి విధులు మాత్రం బిఎల్వో, ఐసిడిఎస్, ఇతర సచివాలయ ఉద్యోగుల పనులే ఉన్నాయి. పలు కోర్టు కేసులు కూడా ఉన్నందున మహిళా పోలీసులకు సీనియర్ మహిళా పోలీసుల పదోన్నతులు వచ్చే అవకాశాలు కనింపించడం లేదు. మరికొన్ని శాఖల ఉద్యోగులకు ప్రమోషన్ ఛానలే ఏర్పాటు కానుందున వారికి పదోన్నతులు వస్తాయో లేదో కూడా తెలియని పరిస్థితి నెలకొంది. ఈ క్రమంలో సచివాలయ ఉద్యోగుల తోపాటు, ఇతర ప్రభుత్వశాఖల ఉద్యోగులు కూడా ప్రభుత్వం చేసే చర్యలకు తగ్గట్టుగా పనిచేయాల్సి వస్తున్నది. ప్రస్తుతం గ్రామ, వార్డు సచివాలయశాఖలో రాజుకున్న పదోన్నతుల రడగ ఏ స్థాయికి చేరుతుంది..ప్రభుత్వం మిగిలిన శాఖల సిబ్బందికి ఎలాంటి న్యాయం చేస్తుందనేది వేచి చూడాలి..!

అయితే గత పదీ పదిహేను రోజుల క్రితం రిమాండ్ ఖైదీ చంద్రబాబుతో ములాఖత్ తీసుకుని ఆయన సతీమణి భువనేశ్వరి, లోకేష్, బ్రాహ్మణి పరామర్శించారు. ఆ సమయంలో చంద్రబాబు శరీరంపై ఉన్న దద్దుర్లను కుటుంబ సభ్యులు గమనించారు. ‌ఈ విషయాన్ని కోర్టుకు న్యాయవాదుల ద్వారా తెలియజేయగా ఏసీ సమకూర్చడంతో పాటు రాజమండ్రి నగర ప్రభుత్వ ఆసుపత్రి వైద్యులను ఒక బృందంగా ఏర్పాటు చేసి..నిత్యం చంద్రబాబు ఆరోగ్యాన్ని పరిశీలించాల్సిందిగా విజయవాడ కోర్టు ఆదేశించింది. ఆనాటి నుంచి వైద్య బృందం చంద్రబాబు ఆరోగ్యాన్ని పరీక్షించి హెల్త్ బులెటిన్ ను జైళ్ళ శాఖ అధికారుల‌ ద్వారా విడుదల చేస్తున్నారు. అయితే వైద్య పరీక్షలలో కొన్ని అంశాలను ప్రస్తావించకుండా హెల్త్ బులెటిన్ ను విడుదల చేయడాన్ని చంద్రబాబు కుటుంబ సభ్యులు, ఆయన తరపు న్యాయవాదులు తప్పుబడుతున్నారు. తమకు కూడా వైద్య పరీక్ష నివేదికలు అందజేయాలని కోరడంతో కోర్టు ఆ మేరకు ఆదేశాలు జారీ చేసింది. ఈ నేపథ్యంలోనే ఈ నెల 25వ తేదీ బుధవారం చంద్రబాబును పరీక్షించిన ప్రభుత్వ వైద్యుల బృందం జైళ్ళ శాఖ అధికారులకు ఒక నివేదిక అందజేసింది. అయితే ఆ మేరకు జైలు అధికారులు బులెటిన్ విడుదల చేయకపోవడం గమనార్హం. చంద్రబాబు ఆరోగ్య విషయంలో ప్రభుత్వం తీవ్ర నిర్లక్ష్యం కనబరుస్తోందని, ఆయన ఆరోగ్య సమస్యలను కావాలనే దాచి పెడుతోందని‌ టీడీపీ నాయకులు ఆగ్రహం వ్యక్తం చేస్తున్నారు.

 చంద్రబాబును పరీక్షించిన ప్రభుత్వ ఆసుపత్రి నేత్ర వైద్యులు కంటి సమస్యతో‌ ఆయన బాధపడుతున్నారని, చికిత్స అవసరమని జైలు అధికారులకు నివేదిక ఇచ్చినట్లు తెలిపారు. అయితే ఇప్పట్లో ఎలాంటి చికిత్సా అవసరం లేదని ఆ నివేదికలో మార్చి ఇవ్వాలని‌ ప్రభుత్వ వైద్యులపై జైలు శాఖ అధికారులు వత్తిడి తెస్తున్నట్టు టీడీపీ నాయకులు చెబుతున్నారు. ఇదే వార్త సామాజిక మాధ్యమాలలో వైరల్ అవుతోంది. ఇదిలా ఉండగా.. బుధవారం జైలు అధికారులు విడుదల చేసిన చంద్రబాబు హెల్త్ బులెటిన్లో‌ కంటి సమస్యను ప్రస్తావించకపోవడంతో పలు అనుమానాలు వ్యక్తం చేస్తున్నారు. 

చంద్రబాబుకు దద్దుర్లు వల్ల మంట వస్తోందని, తీవ్ర ఇబ్బందులు పడుతున్నారని‌ కోర్టు దృష్టికి తీసుకు రావడంతో టవర్ ఏసీ‌ ఏర్పాటు చేశారు. అయితే పలు అనారోగ్య సమస్యలతో సతమతం అవుతున్న చంద్రబాబుకు మెరుగైన వైద్యం అత్యవసరమని వైద్యులు సూచిస్తున్నారు. పూర్తి పరీక్షలు చేయిస్తే ఏయే లోపాల కారణంగా అనారోగ్యానికి గురవుతున్నారో స్పష్టమవుతుందని వైద్య నిపుణులు తెలుపుతున్నారు.‌ కేవలం రెగ్యులర్ చెకప్ వల్ల ఫలితం ఉండదని, అశ్రద్ధ చేస్తే మొత్తం శరీరానికే ఇబ్బంది కలుగుతుందని చెబుతున్నారు. ఇటువంటి పరిస్థితుల్లో జైలు అధికారులు చంద్రబాబు అనారోగ్య సమస్యలను దాచాల్సింది ఎందుకనే అనుమానాలు సర్వత్రా వ్యక్తం అవుతున్నాయి. పైపెచ్చు కంటి సమస్యను హెల్త్ బులెటిన్ లో చూపించవద్దని‌ జైలు అధికారులు ప్రభుత్వ వైద్య బృందాన్ని ఎందుకు కోరిందో తెలియడం లేదు.

 అంటే కావాలనే ప్రభుత్వం వెనుక ఉండి జైలు అధికారులతో‌ ఇటువంటి చర్యలకు పాల్పడుతోందని‌ టీడీపీ శ్రేణులు చేస్తున్న అనుమానాల్లో ఎంతో కొంత వాస్తవం లేకపోలేదు. ప్రస్తుతం చంద్రబాబు ఆరోగ్య విషయంలో ప్రభుత్వ వైద్యుల బృందం, జైలు అధికారుల మధ్య విభేదాలు పొడచూపే అవకాశం కనిపిస్తోంది. వైద్యులు వారి విధులు వారు సక్రమంగా నిర్వర్తిస్తున్నా..జైలు అధికారులు కూడా వారి విధులను ఎవరి ఆదేశాలకు అనుగుణంగా నిర్వర్తిస్తున్నారనే అనుమానాలు ఇప్పుడు రాష్ట్ర వ్యాప్తంగా వ్యక్తమవుతున్నాయి. ఒక మాజీ ముఖ్యమంత్రికి జైలులో అందుతున్న వసతులు, అతని వయస్సు, ఆరోగ్యం, ప్రస్తుతం వస్తున్న చర్మవ్యాధులు, కంటి సమస్యలు ఇవన్నీ చంద్రబాబుపై ఆరోగ్యం తీవ్ర ప్రభావం చూపిస్తున్నాయి. మరో వైపు వాయిదాలు పడుతున్న కోర్టుకేసులతో చంద్రబాబు సార్వత్రిక ఎన్నికలకు బయటకు వచ్చే అవకావాలు కనపించడంలేదు. ఈ పరిస్థితి ముందు ముందు ఎలాంటి పరిణామాలకు దారితీస్తుందో వేచి చూడాలి..!

ఇలా ఒకరోజు కార్యక్రమం చేసి, వచ్చినవారికి సీమంతాలు చేయాలన్నా ఒక్కో అంగన్ వాడీకి రూ.3 నుంచి 5వేల వరకూ ఖర్చు అవుతుంది. ఇదంతా ప్రభుత్వం మంజూరు చేస్తుందా అంటే అదీలేదు. అంగన్ వాడీ కేంద్రాల్లో కేవలం, బియ్యం, గ్రుడ్లు, కందిపప్పు, పాలు, బెల్లపు చక్కీలు, కర్జూరం ప్యాకెట్లు, మంచినూనె మాత్రమే ఉంటాయి. ఇతర వస్తువలన్నీ వీళ్లు సొంత డబ్బులు వెచ్చించి కొనుగోలు చేసుకోవాల్సిందే. పోనీ ప్రభుత్వం సరఫరా చేసే వస్తువులతో ప్రదర్శన పెట్టాలని చూస్తే మాత్రం వారికి హెచ్చరికలు వచ్చేస్తున్నాయి. ప్రభుత్వం సరఫరా చేసే వస్తువులతోపాటు, రకరకాల పిండివంటలు, ఆకు కూరలు, పౌష్టికాహారానికి సంబంధించిన మొత్తం వంటకాలు తేవాలంటూ హుకం జారీ చేస్తున్నారు. ఏం చేయాలతో పాలపోని పరిస్థితిలో అప్పలు చేసి మరీ గ్రామాల్లో ఆరోగ్య శిభిరాలు ఏర్పాటు చేస్తే ఇద్దరు ముగ్గు అంగన్ వాడీలు కలిపి వారి చేతి డబ్బులు పెట్టుకొని కార్యక్రమాలు చేయాల్సి వస్తున్నది. ఈ విషయం జిల్లా ఐసిడిఎస్ ప్రాజెక్టు డైరెక్టర్లకు తెలిసినప్పటికీ జిల్లా కలెక్టర్ దృష్టికి తీసుకెళ్లడం లేదు. కార్యక్రమానికి మంత్రులు, ఎమ్మెల్యేలు, ఎంపీలు, ఇతర ప్రజాప్రతినిధులు వస్తున్నందున భారీగా కార్యక్రమాల్లో ప్రదర్శనలు చేయాలని మాత్రం హుకుం జారీచేస్తున్నారు.

 వచ్చే జీతాలే సక్రమంగా రాక అప్పులు చేసి మరీ అంగన్ వాడీ కేంద్రాలు నిర్వహిస్తున్న వర్కర్లు జగనన్న ఆరోగ్య సురక్ష కార్యక్రమం ద్వారా మరింతగా అప్పులు చేయాల్సి వస్తున్నది. మండల కేంద్రాల్లో నిర్వహించే కార్యక్రమాలు కాస్త భారీగా చేపడుతుండటంతో మండలంలోని అందరు అంగన్ వాడీలకు చేతి చమురు వదిలిపో తున్నది. ఇది ఏ ఒక్క ప్రాంతానికో అనుకుంటే కాదు..రాష్ట్రంలోని 26 జిల్లాల్లోనూ ఇదే పరిస్థితి కొనసాగుతోంది. అందులోనూ ఐసిడిఎస్ జిల్లా అధికారులు, ప్రాజెక్టు ఆఫీ సర్లు, సూపర్ వైజర్లు కూడా కార్యక్రమాలకు హాజరవుతుండటంతో వారికి మళ్లీ ప్రత్యేకంగా మధ్యాహ్నాం భోజనాలు కూడా వీరే ఏర్పాటు చేసుకోవాల్సి వస్తున్నది. తమ అధికారులకు తాము ఏ విధంగానైనా భోజనాలు పెట్టుకోగలం కానీ, ప్రభుత్వ కార్యక్రమానికి తమతో ఖర్చులు పెట్టించి మరీ కార్యక్రమాలు చేయమంటే తాము ఎక్కడి నుంచి తేవాలంటూ అంగన్వాడీలు వాపోతున్నారు. విషయం ఎమ్మెల్యేలకు, ఎంపీలకు, మంత్రులకు తెలిసినా వీళ్లు కూడా ప్రభుత్వానికి ఈ సమస్యను నేరుగా చెప్పే పరిస్థితి లేదు. దీనితో జగనన్న ఆరోగ్య సురక్ష కార్యక్రమాలు మాత్రం ఐసిడిఎస్ సిబ్బందికి ఆర్ధిక శిక్షగానే మారుతున్నాయి. ఇప్పటికై ప్రభుత్వం స్పందించి అధికారిక కార్యక్రమాలకు ప్రభుత్వం నిధులు మంజూరు చేయాలని అంగన్వాడీలు ముక్త కంఠంతో కోరుతున్నారు.

 కేంద్రప్రభుత్వం ప్రవేశపెట్టిన సర్వశిక్షా అభియాన్ లోని అందరూ చదవాలి..అందరూ ఎదగాలి..అనే సంకల్పంతో ప్రారంభమైన ఈస్కీములో పనిచేస్తున్న మాకు ఇచ్చే అరకొరజీతాలుకూడాసమాయానికి ఇవ్వడం లేదని విద్యాశాఖ అనుబంధంగాపనిచేస్తున్న వీరంతా తీవ్ర మనోవేదనకు గురవుతున్నారు. తాముపనిచేసవన్నీ ఫీల్లుతరహా పనులని..ఎక్కడికి వెళ్లాలన్నా పైసాలేనిదే పనిజరగడంలేదని ఉద్యోగులు కన్నీటి పర్యంతం అవుతున్నారు. జీతంతక్కువే అయినా జీవితానికి భరోసా ఉంటుందని భావించి విధులునిర్వహిస్తున్నామని, అయినా ప్రభుత్వం తమపై కనీసం జాలి చూపించడంలేదని వాపోతున్నారు.తమకు రావాల్సిన జీతాల బకాయిలను ప్రభుత్వం వెంటనే మంజూరు చేస్తే తప్పా తమకు ఏడాది దసరాపండుగ  చేసుకునే భాగ్యం కూడా కలగదని చెబుతున్నారు. సమగ్ర శిక్ష లో పనిచేసే ఉద్యోగులంతా రాష్ట్ర వ్యాప్తంగా తమ సమస్యలు,బకాయిజీతాల విషయమై మండల విద్యాశాఖ అధికారి నుంచి విద్యాశాఖ ప్రిన్సిపల్ సెక్రటరీ వరకూ అర్జీలు పెట్టుకున్నారు. తొలుత నాలుగు నెలలు జీతాలు బకాయిలు ఉంటే ఒక నెల జీతం ఇచ్చారు. ఇంకా పూర్తిగా రెండు నెలలు బకాయిఉంది. ఈపదిరోజులు  పూర్తయితే(ప్రభుత్వ శాఖల్లో 25వ తేది నుంచి 25వతేదికి నెలగాపరిగణిస్తారు,ప్రతీ నెలా 20 నుంచి 25వ తేదీలోగా సాలరీ బిల్లులు పెడతారు) పూర్తిగా మూడు నెలలు జీతాలు ఉద్యోగులకు అందాల్సి వుంటుంది.

 ప్రతీసారి ఉద్యోగులు జీతాల కోసంప్రభుత్వం చుట్టూ, విద్యాశాఖలోని ఉన్నతాధికారుల చుట్టూ కాళ్లరిగేలా తిరగాల్సి వస్తోంది. వచ్చే అరకొర జీతాలు కూడా సమయానికి ఇవ్వకపోతే తాము ఎలాబ్రతకగలమని,  పెరిగిపోతున్న నిత్యవసర సరుకుల ధరలు కూడా తమ ఆర్ధిక ఇబ్బందులకు తోడవుతున్నాయని వీరంతా గగ్గోలుపెడుతున్నారు. పండుగ వేళ పస్తులుంటున్న ఆంధ్రప్రదేశ్ సమగ్ర శిక్ష లో పనిచేసే కాంట్రాక్ట్ అండ్ ఔట్సోర్సింగ్ ఉద్యోగస్తుల ఆర్ధిక ఇబ్బందులు,కుటుంబ పోషణలను ద్రుష్టిలో ఉంచుకొని విద్యాశాఖ అధికారులు ప్రభుత్వం ప్రభుత్వం ద్రుష్టికి ఈసమస్యనుతీసుకెళ్లి కు జీతాల సమస్యను పరిష్కరించాలని ఉద్యోగులంతా ముక్తకంఠంతో  సమగ్ర శిక్ష ఉద్యోగుల జీతాలు ప్రభుత్వం విడుదల చేయాల్సి ఉంది.

ఇదే సమయంలో రాష్ట్ర జనాభా సంఖ్య కూడా ఖచ్చితంగా ప్రభుత్వానికి తెలిసే అవకాశం ఏర్పడుతుంది. అనధికారికంగా రాష్ట్రంలో కుల గణన 2023 మార్చినాటి కే పూర్తయి పోయి నట్టు సమాచారం. వాటిని ఆయా కుల సంఘాలు చేపట్టేశాయి. కానీ ఇపుడు అధికారికంగా సేకరించే సమాచారంలో రాష్ట్రంలో ఎంతమంది ప్రజలున్నారు..? ఎన్ని కులాలు ఉన్నాయి..? ఏఏ కులంలో ఎంతమంది జనాభా ఉన్నారనే విషయం అధికారికంగా తెలియనుంది. ఈ కుల గణన వలన అన్ని రాజకీయపార్టీలకు మేలు, కీడు రెండూ జరగనున్నాయని చెబుతున్నారు. కులంలో జనాభా ప్రాతిపధికన కూడా రాబోయే ఎన్నికల్లో ఎమ్మెల్యే, ఎంపీ, ఎమ్మెల్సీ, రాజ్యసభ, జెడ్పీ చైర్మన్లు, కుల కార్పోరేషన్ చైర్మన్లు, డైరెక్టర్లు ఇలా ఇతర నామినేటెడ్ పోస్టులు కూడా ప్రభుత్వాలు కుల బలాన్ని బట్టి భర్తీ చేసే అవకాశాలున్నాయి. ఆంధ్రప్రదేశ్ లో ఇప్పటి వరకూ రెడ్డి, కమ్మ రెండు సామాజిక వర్గాలు మాత్రమే ప్రభుత్వాలను నడుపుతూ వచ్చాయి. ప్రభుత్వం చేపట్టే కులగణనతో ఏ కులం బలం ఎంతుందో తేలిపోయి..వారి వారి కుల బలాన్ని బట్టి పదవులు దక్కే అవకాశాలున్నాయి. ఇప్పటి వరకూ రాష్ట్రంలో మాకులంలో అత్యధిక జనాభా, ఓట్లు, ఉద్యోగులు, వ్యాపారులు ఉన్నారని ఏ కులానికి ఆ కులం బల ప్రదర్శన చేసేది.

 అయితే ఇపుడు ప్రభుత్వం చేపట్టే అధికారిక కుల గణనతో ఏ కులంలో ఎంత మంది ఉన్నారనే విషయం ప్రభుత్వమే అన్నికులాల వారికీ తెలియజేయనున్నది. ఇది ఒక రకంగా శుభపరిణామం అనే చెప్పాలి. తద్వారా ఉద్యోగులు, వ్యాపారులు, కార్మికులు, వర్గాలు వారీగా జాబితా మొత్తం రాష్ట్ర ప్రజలందరికీ తెలియనున్నది. తద్వారా ఇకపై రాజకీయాలు కూడా రసవత్తరంగా మారే అవకాశాలు బలపడనున్నాయి. ప్రస్తుతం ప్రభుత్వ అధికారులకు గానీ, రాజకీయనాయకులకు గానీ ఏ ఏ కులాల్లో ఎంతమంది జనాభా ఉన్నారనే విషయం తెలీదు. ఇపడు అనకాపల్లి నుంచి అమెరికా వరకూ ఆంధ్రప్రదేశ్ కి చెందిన వారు ఎక్కడున్నారో కూడా తేలిపోతుంది. ప్రస్తుతం రాజకీయాల్లోకి సివిల్ సర్వీస్ ఆఫీసర్లు, ఇతర జిల్లా శాఖల అధికారులు, రిటైర్డ్ ఉన్నతాధికారులు వస్తుండం వలన వారికి ఈ కుల గణన జాబితా ఎంతో చక్కగా ఉపయోగపడనున్నది. ఇప్పటి వరకూ కులాభిమానం చూపించేవారికి, చూపించలేని వారికి, చూపించాలనుకునేవారికి కూడా ఈ జాబితా ఒక వేదిక కానున్నది. ఒక రకంగా కులగణన అనేది కత్తిమీద సాములాంటి వ్యవహారం అయినప్పటికీ ఆంధ్రప్రదేశ్ ప్రభుత్వం సాహసం ప్రదర్శించి చేపట్టనున్న కులగణనపై భారీ అంచనాలు అపుడే నమోదు అవుతున్నాయి. అదేస్థాయిలో అన్ని వర్గాల్లోనూ చర్చలు కూడా ప్రారంభం అయ్యాయి. చూడాలి రాష్ట్రప్రభుత్వం తీసుకున్న నిర్ణయం ఎలాంటి ఫలితాలు కులగణన విషయంలో నమోదు చేస్తుందనేది..!

దీనితో కొత్తజిల్లాల్లోని సివిల్ సర్వీస్ అధికారుల కేడర్ జిల్లా రాష్ట్రం వరకూ మాత్రమే పరిగణలోకి వస్తున్నది. కేంద్రం దృష్టిలో మాత్రం వీరంతా దిగువస్థాయి అధికారులుగానే లెక్క. ఇలాంటి సందర్భంలో ఉద్యోగాలు చేస్తున్నా..ఎందుకనో లోలోన అధికారులంతా మనసులో తీవ్రవమైన ఇబ్బందులను ఎదుర్కొంటున్నట్టుగా వార్తలొస్తున్నాయి. కొత్తజిల్లాల్లోని సివిల్ సర్వీస్ అధికారులు ఇటీవల కాలంలో అత్యంత ఎక్కువగా వారి సమస్యలను వారే సహచరులతో చెప్పుకొని బాధపడుతున్నట్టు తెలిసింది. ఒకప్పుడు జిల్లా కలెక్టర్ అన్నా, జిల్లా ఎస్పీ అన్నా, జిల్లా ఫారెస్టు అధికారి అన్నా ఒక గుర్తింపు ఉండేదని, ఇపుడు సాధారణ ఉద్యోగులు మాదిరిగా అధికారులంతా ప్రతినిత్యం ప్రజల్లోనే ఉండాల్సి వస్తుందన్న ఇబ్బందిని వ్యక్తపరచుకుంటున్నట్టుగా చెబుతున్నారు. ప్రభుత్వం పరిపాలనా విధానాన్ని మార్పులు చేసిన క్రమం తొలుత దాని ప్రభావం జిల్లా కలెక్టర్లపైనే పడినట్టు కనిపిస్తున్నది. జిల్లాలు అయితే పెంచిన ప్రభుత్వం దానికి తగ్గట్టు గ్రూప్-1, గ్రూప్-2, గ్రూప్-4 ఇతర కేడర్ పోస్టులను పూర్తిస్థాయిలో భర్తీ మాత్రం చేయలేదు. దీనితో ఉన్నతాధికారులు సైతం అధికారుల లేమితో ఇబ్బందులు పడాల్సి వస్తున్నది. 2024 మార్చి దాటితో ఉద్యోగులు, మినిస్టీరియల్ సిబ్బంది కొరత మరీ తీవ్రతరం కానుంది. వేల సంఖ్యల ఉద్యోగులు ఉద్యోగ విరమణలు చేయబోతున్నారు. ప్రస్తుతం ఒక్కో జిల్లా అధికారి ఉమ్మడి జిల్లాతోపాటు, విభజన జిల్లాలను కూడా పర్యవేక్షించాల్సి వస్తున్నది.