విజ‌య‌న‌గ‌రం జిల్లాలోని అంగ‌న్‌వాడీ కేంద్రాల్లో వ‌ర్క‌ర్లు, హెల్ప‌ర్ ఖాళీ పోస్టుల భ‌ర్తీకి నోటిఫికేషన్ విడుద‌ల చేసిన‌ట్లు జిల్లా మ‌హిళా శిశు సంక్షేమ సాధికారిత అధికారిణి బి.శాంత‌కుమారి తెలిపారు. జిల్లా వ్యాప్తంగా 10 అంగ‌న్‌వాడీ కార్య‌క‌ర్త‌లు, 88 హెల్ప‌ర్ పోస్టుల ఖాళీలు వున్నాయ‌ని, మినీ అంగ‌న్‌వాడీల్లో రెండు వ‌ర్క‌ర్ల పోస్టులు ఖాళీగా వున్నాయ‌ని పేర్కొన్నారు. జిల్లాలో వ‌ర్క‌ర్లు, హెల్ప‌ర్ పోస్టులు వంద ఖాళీలు వున్న‌ట్టు వెల్ల‌డించారు. వంగ‌ర‌లో 3, రాజాం, భోగాపురంలో 2 చొప్పున, విజ‌య‌న‌గ‌రం, గంట్యాడ, చీపురుప‌ల్లిలో ఒక్కొక్క‌టి చొప్పున అంగ‌న్ వాడీ వ‌ర్క‌ర్ ఖాళీలు భ‌ర్తీ చేయ‌నున్న‌ట్టు తెలిపారు. హెల్ప‌ర్ పోస్టులు బాడంగిలో 5, బొబ్బిలిలో 1, బొబ్బిలి 1, చీపురుప‌ల్లి 10, ఎస్‌.కోట 2, వియ్యంపేట 4, గ‌జ‌ప‌తిన‌గ‌రం 10, బొబ్బిలి రూర‌ల్ 3, గంట్యాడ 15, భోగాపురం 2, నెల్లిమ‌ర్ల 5, విజ‌య‌న‌గ‌రం అర్బ‌న్ 15, రాజాం 6, వంగ‌ర 7, రామ‌భ‌ద్ర‌పురం 3 ఖాళీల‌ను భ‌ర్తీ చేసేందుకు నోటిఫికేషన్ ఇచ్చామ‌న్నారు. అర్హులైన ఆస‌క్తిగ‌ల అభ్య‌ర్ధులు సెప్టెంబ‌రు 7వ తేదీలోగా త‌మ ద‌ర‌ఖాస్తుల‌ను సంబంధిత ప్రాజెక్టు అధికారిణి, మ‌హిళా శిశు సంక్షేమ సంస్థ వారికి అంద‌జేయాల‌ని కోరారు. ద‌ర‌ఖాస్తుతోపాటు అభ్య‌ర్ధులు త‌మ కుల, ఆదాయ నివాస త‌దిత‌ర ధృవ‌ప‌త్రాల న‌క‌ళ్ల‌ను గెజిటెడ్ అధికారితో సంత‌కం చేయించి అంద‌జేయాల‌న్నారు.
