2021-22 ఆర్థిక సంవత్సరం లో పండ్ల తోటలు,  పూల  తోటలు  పెంపు తో పాటు గ్రామీణ ప్రాంత్రాలలో అవెన్యూ ప్లాంటేషన్ కు నరేగా నిధులతో  ప్రాధాన్యత కల్పించాలని,  గత అనుభవాలను  దృష్టిలో వుంచుకోని  వంద శాతం  మొక్కలు కాపాడాలని  నరేగా డైరెక్టర్ చినతాతయ్య ఆదేశించారు.   బుధవారం  స్థానిక సి.ఎల్.ఆర్.సి.సమావేశమందిరంలో రాయలసీమ జిల్లాలతో పాటు నెల్లూరుజిల్లా   నరేగా అడిషన్ పి డి లు, ఏ పి ఓ లు, ప్లాంట్ సూపర్వైజర్లతో  ఒక్క రోజు  ప్రాంతీయ సదస్సు రాష్ట్ర నరేగా కౌన్సిల్  మెంబర్  విశ్వనాథ్ ,  డిప్యూటీ కమీషనర్ భవాని లతో కలిసి నరేగా డైరెక్టర్  సమీక్ష నిర్వహించారు.  నరేగా డైరెక్టర్ చినతాతయ్య మాట్లాడుతూ జగనన్న పచ్చతోరణం   2020-21  లో ఆశాజనకంగా లేదని,  రానున్న  2021-22  ఆర్థిక  సంవత్సరం లో  పకడ్బందీ ప్రణాళికలు రూపొందించి  పండ్ల , పూల తోటలు  అభివృద్ది జరగాలని అన్నారు.  గౌ.  రాష్ట్ర ముఖ్య మంత్రి వై ఎస్ జగన్ మోహన్ రెడ్డి గారు , పంచాయతీ రాజ్  శాఖ మంత్రి  పెద్దిరెడ్డి రామచంద్రారెడ్డిగారు   అవెన్యూ ప్లాంటేషన్ తో గ్రామాలలో పచ్చదనం పెంచాలని సూచించినా, ఈ  ఆర్థిక సంవత్సరంలో  10 వేల  కి.మీ లు  నిర్దేశించుకున్నా  సగం కూడా పూర్తి కాలేదని, క్షేత్ర స్థాయిలో ఎందుకు  ఇబ్బందులు వున్నాయని తెలిపి, రానున్న  ఆర్థిక సంవత్సరం లక్ష్య సాధన పూర్తి కావాలని అన్నారు.   అవెన్యూ ప్లాంటేషన్  విషయంలో   గ్రామ స్థాయి లో గతంలో సర్పంచులు లేరు, ఇప్పుడు కొత్తగా  ఎన్నుకోబడ్డారని, వారి సహకారంతో పంచాయతీ నిధులు  ద్వారా  మొక్కలు మాత్రం  కొంటె  నరేగా  నుండి, పిట్స్ , వాటర్ ఛార్జీలు అందించడం  జరుగుతుందని, దీనికి  విస్తృత  ప్రచారం కల్పించాలని సూచించారు. నరేగా  క్షేత్ర స్థాయిలో తలెత్తున్న ఇబ్బందులను జిల్లాల వారీగా సమీక్ష నిర్వహించారు.        రానున్న  సంవత్సరం లో  రోజా  పూల తోటలపెంపు కు రైతులు దరఖాస్తులు చేసుకోవడానికి  అవకాశం వుందని వివరించారు.  మొక్కలు కనీసం  9 నెలల కాల పరిమితి వుండి , నాణ్యత వుండాలని, రహదారులు విస్తరణ వుందా లేదా  తెలుసుకొని  రహదారుల  వెంబడి మొక్కలు నాటే  విధంగా వుండాలని సూచించారు.  రైతులు పండ్ల తోటల విషయం లో 3 సంవత్సారాల  కాలానికి  కనీసం మొక్కకు  రూ. 400 వరకు వస్తుందని,  కాపాడే విధంగా వుండాలని సూచించారు.   ప్రధానంగా ప్రాంతాన్ని బట్టి, వాతావరణాన్ని బట్టి మొక్కల అవసరం  గుర్తించాలని సూచించారు.  నరేగా రాష్ట్ర  కౌన్సిల్ మెంబర్  ముత్తంశెట్టి విశ్వనాథం మాట్లాడుతూ పని దినాల కల్పన, మెటీరీయల్ కాంపొనెంట్ పనులు, ప్రణాళిక మేరకు చేపట్టాలని  రానున్న ఆర్థిక సంవత్సరం లో పెద్ద ఎత్తున పచ్చదనం చేపట్టాలని సూచించారు.  నర్సరీలు,  అందుబాటులోకి తీసుకురానున్నామని , పేదలందరికి ఇళ్ళు లే ఔట్లలో  మొక్కల పెంపకం పూర్తి చేయాలని సూచించారు.      నరేగా  డిప్యూటీ కమిషనర్  5 జిల్లాల నరేగా అధికారులతో 2020-21  సంబంధించిన  సాధించిన  ప్రగతి పై  పవర్ ప్లాంట్ ప్రజెంటేషన్   ద్వారా వివరిస్తూ,  నిర్దేశించుకున్న  టార్గెట్ మార్చి 31 కి  పూర్తి చేయాలని సూచించారు.          ఈ వర్క్ షాపు లో   డ్వామ పి. డి. చంద్ర శేఖర్ , అడిషనల్ పి. డి. లు చిత్తూరు  రామాంజనేయులు రెడ్డి, కర్నూలు బాలకృష్ణా రెడ్డి, నెల్లూరు సతీష్ బాబు, అనంతపురం విజయప్రసాద్   , అంబుడ్స్మన్   రాసరయ్య నాయుడు,   ఏ పి డి లు , అమరనాథ్ రెడ్డి , సుబ్రమణ్యం, నందకుమార్ రెడ్డి, ఐదు జిల్లాల   ఏ. పి. ఓ. లు , సూపర్వైజర్లు పాల్గొన్నారు.