ఇంటిస్థలం కోసం దరఖాస్తు చేసుకున్న వివాహితు వేధిస్తున్నందుకు పాయకరావుపేట మండలం నామవరం విఆర్వో భాస్కరనాయుడుని పోలీసులు అరెస్టు చేశారు. తన దరఖాస్తును పట్టించుకోకుండా తన పట్ల అసభ్యకరంగా ప్రవర్తిస్తున్న వీఆర్వోపై బాధిత మహిళ ఇచ్చిన ఫిర్యాదు మేరకు విచారణ చేపట్టిన డిఎస్పీ ప్రవీణ్ కుమార్ దర్యాప్తులో వాస్తవాలు బయటపడటంతో వెంటనే అరెస్టు చేసి రిమాండ్ కు పంపారు. ఈ సందర్భంగా డిఎస్పీ మాట్లాడుతూ, ప్రభుత్వ ఉద్యోగులు వారి పరిమితికి లోబడి పనిచేయాలి తప్పా, లైంగిక వేధింపులకు పాల్పడితే కఠిన చర్యలు తీసుకుంటామని హెచ్చరించారు. బాధితురాలి నుంచి వివరాలు సేకరించారు.
