లారీ అదుపుతప్పి డివైడర్ ఎక్కిన ఘటన అచ్యుతాపురం జంక్షన్ లో బుధవారం చోటుచేసుకుంది. వివరాల్లోకి వెళితే గుజరాత్ రిజిస్ట్రేషన్ కి చెందిన జిజె03బివై8522లాకీ గాజువాక నుండి ఎలమంచిలి వైపు వెళ్తుండగా.. ఒక్కసారి అదుపు తప్పి డివైడర్ ఎక్కేసింది. అయితే డ్రైవర్ నిద్ర మత్తులో లారీని నడపడం వలనే డివైడర్ వైపు వచ్చిం వెళ్లిందని స్థానికులు అంటున్నారు. కాగా డీవైడర్‌ మొదలయ్యే ప్రదేశంలో సూచికలు లేకపోవడం వల్ల కూడా ఈ ప్రమాదం జరిగినట్లు తెలుస్తోంది. ఈ జంక్షన్లో తరచూ ప్రమాదాలు చోటు చేసుకుంటున్నాయని స్థానికులు ఆందోళన చెందుతున్నారు. ఘటనలో ఘటనలో ఎవరికీ ఎటువంటి ప్రమాదం జరగకపోవడంతో స్థానికులు, లారీ నిర్వాహకులు ఊపిరి పీల్చుకున్నారు. సమాచారం అందుకున్న పోలీసులు ఘటన స్థలానికి చేరుకుని పరిస్థితిని సమీక్షిస్తున్నారు. లారి డ్రైవర్, క్లీనర్ లను ప్రశ్నించారు.
