కాకినాడ జిల్లాలో ఎస్పీ రవీంధ్రనాద్ బాబు ఆదేశాల మేరకు నకిలీ ప్రెస్, పోలీస్, రెవిన్యూ, మిలట్రీ తదితర శాఖలకు చెందిన నకిలీ స్టిక్కరింగ్ వాహనాలపై ప్రత్యేక డ్రైవ్ నిర్వహించినట్టు డిఎస్పీ ఎం.వెంకటేశ్వర్రావు తెలియజేశారు. బుధవారం ఆయన మీడియాతో మాట్లాడుతూ, ఈరోజు నిర్వహించిన ప్రత్యేక తనిఖీల్లో 15 నకిలీ స్టిక్కర్ వాహనాలు పట్టుబడ్డాయని తెలియజేశారు. ఆ వాహనాలను సీజ్ చేసి, వారికి కౌన్సిలింగ్ ఇచ్చామని వివరించారు. ఇకపై అధికారిక సిబ్బంది, అధికారిక జర్నలిస్టులు తప్పా మరెవరైనా నకిలీ స్టిక్కర్లు వాహనాలపై అతికిస్తే కఠిన చర్యలు తీసుకుంటామని ఆయన హెచ్చరించారు.
