ప్రత్తిపాడు సెబ్ సర్కిల్ పరిధిలోని శృంగధార వద్ద నాటుసారా సామాగ్రి తరలిస్తున్న ఇద్దరు వ్యక్తులను అరెస్టు చేసినట్టు స్పెషల్ ఎన్ఫోర్స్ మెంట్ సిఐ పి.అశోక్ తెలియజేశారు. ఈ మేరకు ఆయన శంఖవరంలో మీడియాతో మాట్లాడారు. శృంగధార నుంచి శంఖవరానికి బజాజ్ ఆటోలో తరలిస్తున్న 150కేజిల్ల నల్లబెల్లం పొడి, 3కేజిల అమ్మోనియా, 200 లీటర్ల బెల్లం పులుపును రూట్ వాచ్ దాడుల్లో పట్టుకున్నట్టు చెప్పారు. బెల్లం పులుపుని ధ్వంసంచేసినట్టు తెలియజేశారు. పెదమల్లాపురానికి చెందిన కంచె హరిబాబు, మేకల చిన్నబ్బాయిలను అరెస్టు చేసి రిమాండ్ కు తరలించి, వాహనాన్ని సీజ్ చేసిట్టు పేర్కొన్నారు. ఎవరైనా నాటుసారా తయారీకి పాల్పడితే కఠిన చర్యలు తీసుకుంటామని హెచ్చరించారు. ఈ దాడుల్లో స్పెషల్ ఎన్ఫోర్స్ మెంట్ సిబ్బంది పాల్గొన్నారు.
