ప్రత్తిపాడు మండలం పెదశంకర్లపూడి, బొవురువాక గ్రామాల్లో నిర్వహించిన దాడుల్లో 10 లీటర్ల నాటు సారా స్వాధీనం చేసుకొని, ఇద్దరు వ్యక్తులను అరెస్టు చేసినట్టు స్పెషల్ ఎన్ఫోర్స్ మెంట్ సిఐ పి.అశోక్ తెలియజేశారు. ఈ సందర్భంగా ప్రత్తిపాడులో ఆయన మీడియాతో మాట్లాడుతూ, ఇద్దరు వ్యక్తుల నుంచి ఐదేసి లీటర్ల చొప్పున నాటుసారా అమ్మకాలు చేస్తుండగా స్వాధీనం చేసుకున్నామన్నారు. ముందుగా వచ్చిన సమాచారం మేరకు ఈ దాడులు జరిపినట్టు చెప్పారు. కాళ్లబుచ్చిరాజు, జల్మూరి దుర్గాభవానీ అనే వ్యక్తులను అరెస్టు చేసినట్టు చెప్పారు. వీరి వద్ద నుంచి సారాప్యాకెట్ ను స్వాధీనం చేసుకొని ధ్వంసం చేసినట్టు తెలియజేశారు.
