పోలీసోడు ఖాకీ దుస్తుల్లో ఉండి ఎలాంటి తప్పులు చేసినా అది రైటే..చట్టం వారి చుట్టం.. కాదూ కూడదని మీడియా ఆ తప్పుని ఆధారాలతో బయటపెడితే మాత్రం వారికి బదిలీ లాంటి చిన్న పనిష్మెంట్ వేసి చేతులు దులుపు కుంటారనడానికి అనకాపల్లి డిఎస్పీ సునీల్ ఉదంతమే ఒక ప్రత్యేక ఉదాహరణ. గంజాయి రవాణాలో పట్టుబడ్డ వాహ నాన్ని తన సొంత అవసరాలకు వాడుకోవడమే కాకుండా..ఆ కారు గంజాయి కేసులో కారని తెలియకుండా ఉండేందుకు మరో కేసులో పట్టుబడ్డ కారు నెంబరు ప్లేటు తగి లించి వాడేసుకున్న డిఎస్పీకి పోలీసుశాఖ చాలాచిన్న పనిష్మెంట్ మాత్రమే ఇచ్చింది. అదే ప్లేస్ లో మరో సాధారణ వ్యక్తులు ఇలాంటి తప్పులుచేస్తే..ఐపీసీ, సీఆర్పీసీ సెక్ష న్నీ కలిపి కేసుకట్టి ఊచలు లెక్కించి కోర్టుమెట్లు ఎక్కించి ఉండేవారు. కానీ పాపం పోలీసుశాఖలో డిఎస్పీకదా.. ఏపనిష్మెంట్ ఇవ్వకపోతే బాగోదని జస్ట్ బదిలీ చేసి మమ అనిపించేశారు. ఈ లెక్కన పోలీసుశాఖలో పెద్ద అధికారి తప్పుచేసినా కేసులుగానీ, శిక్షలుగానీ ఉండవనిచెప్పకనే చెప్పారు.