అనకాపల్లిజిల్లా పోలీస్ 2వ విడతలో రికవరీ చేసిన 110 ( రూ.23 లక్షల విలువగల) మొబైల్ ఫోన్లను బాధితులకు అందజేసినట్లు జిల్లా ఎస్పీగౌతమి శాలి తెలియజేశారు. మంగళవారం జిల్లా ఎస్పీ కార్యాయంలో “మొబైల్ రికవరీ  మేళా ” కార్యక్రమంలో ఎస్పీ మాట్లాడుతూ, ప్పటివరకు  241 మొబైల్ ఫోన్ల ను (విలువ రూ.48 లక్షలు)  పొగోట్టుకున్న ఇతర  రాష్ట్రాలు, జిల్లాల్లో  రికవరి చేసి భాధితులకు అందజేశామన్నారు. మొబైల్ ఫోన్ పోతే ... జిల్లా పోలీస్ వాట్సాప్ నెంబర్: 95052 00100 కు Hi టైప్ చేయడం ద్వారా (akpmobiletracker.in)లింక్ నొక్కడం ద్వారా పోయిన మొబైల్స్ ఫిర్యాదుల స్వీకరణకు ఎఫ్.ఐ.ఆర్ కట్టకుండా, పోలీస్ స్టేషన్ కు వెళ్లకుండా సులభతరం చేశామన్నారు. మొబైల్ వివరాలను తెలియజేస్తే బాధితులకు త్వరితగతిన అందజేసేందుకు కృషి చేస్తామన్నారు. అదనపు ఎస్పీ (క్రైమ్స్)  పి.సత్యనారాయణరావు,  సిఐలు/నరసింహారావు, లక్ష్మణ్ మూర్తి, చంద్రశేఖర్, అప్పలనాయుడు,  ఐటి కోర్ ఎస్సై రఘు వర్మ పాల్గొన్నారు.