పుష్ఫ సినిమాలో సీన్లు ఎర్రచందనం రవాణాలో రిపీట్ అవుతున్నాయి. దీనితో కడప జిల్లాలో ఎర్రచందనం అక్రమ రవాణాకు పాల్పడుతున్న ఎర్రచందనం స్మగ్లర్లపై పోలీసులు మెరుపు దాడులు చేస్తున్నారు. కొరియర్ సర్వీస్ మాటున తాడిపత్రి- ముద్దునూరు బైపాస్ రోడ్డులో ఎర్రచం దనం అక్రమ రవాణాకు పాల్పడుతున్న 6మంది ఎర్రచందనం స్మగ్లర్లును అడిషనల్ ఎస్పీ తుషార్ దుడి ఆధ్వర్యంలో డిఎస్పీ, చెంచుబాబు, సీఐలు నాగభూషణం, ఎస్సై సత్య నారాయణ, సిబ్బంది దాడి చేసి పట్టుకున్నారు. ప్రొద్దుటూరు కు చెందిన స్మగ్లర్ భాస్కర్ రెడ్డితో పాటు, రాజస్థాన్ రాష్ట్రం కు చెందిన రాజేంద్ర అనే స్మగ్లర్ అరెస్ట్ చేసినట్టు ఏఎస్పీ పేర్కొన్నారు. అంతేకాకుండా భాస్కర్ రెడ్డి పై పీడి యాక్ట్ నమోదు చేసినట్టు పేర్కొన్నారు. వీరి వద్ద నుంచి 40 ఎర్రచందనం దుంగలు,1 గూడ్స్ వాహనం, 1 స్కార్పియో, 4 మోటార్ సైకిల్ వాహనాలు, 7 సెల్ ఫోన్లు,5 గొడళ్ళు, 1 ఎలక్ట్రానిక్ వేయింగ్ మిషన్ స్వాధీనం చేసుకున్నారు.
