అనంతపురం జిల్లా బుక్కరాయసముద్రం మండలం జంతులూరు వద్ద ఏర్పాటు చేస్తున్న సెంట్రల్ యూనివర్సిటీ నిర్మాణపు పనులను వేగవంతం చేయాలని జిల్లా జాయింట్ కలెక్టర్ (రెవెన్యూ, రైతు భరోసా) నిశాంత్ కుమార్ ఆదేశించారు. గురువారం సాయంత్రం కలెక్టరేట్ లో ని తన చాంబర్లో  యూనివర్సిటీ వైస్ ఛాన్సలర్ ఎస్ఏ కొరీ, రిజిష్ట్రార్ శశిభూషణ్  ఓపెన్ ఎయిర్ జైలు సూపరింటెండెంట్  చిన్నారావు, ఆర్డిఓ గుణ భూషణ్ రెడ్డి, తహశీల్దార్ మహబూబ్ బాషా, డిఈఈ ఆర్ఐ సి మధుసూదన్ రెడ్డి తదితర అధికారులతో కలిసి సమావేశం నిర్వహించారు.  ఈ సందర్భంగా ప్రస్తుతం జరుగుతున్న యూనివర్సిటీ నిర్మాణపు పనుల గురించి ఆరా తీశారు. ముఖ్యంగా సెంట్రల్ యూనివర్సిటీ ప్రహారి గోడ నిర్మాణం కొరకు రూ. 9 కోట్ల 15 లక్షలు మంజూరైన నేపథ్యంలో నాణ్యమైన పనులు చేపట్టాలని పేర్కొన్నారు.  అనంతరం ఓపెన్ ఎయిర్ జైలు మరియు యూనివర్సిటీ ప్రహారి గోడ నిర్మాణం కొరకు చర్చించి హద్దుల తీర్మానం చేశారు