శ్రీకాకుళం జిల్లాలోని సాంఘిక సంక్షేమ గురుకుల విద్యాలయాల్లో 5వ తరగతి,  ఇంటర్మీడియట్ మొదటి సంవత్సరం ప్రవేశ పరీక్ష కొరకు దరఖాస్తు చేసుకున్న అభ్యర్ధులు ఈ నెల 19 నుండి తమ హాల్ టికెట్లను సంబంధిత వెబ్ సైట్ నుండి డౌన్ లోడ్ చేసుకోవచ్చని ఆంధ్రప్రదేశ్ సాంఘిక సంక్షేమ గురుకుల విద్యాలయాల సంస్థ జిల్లా సమన్వయకర్త వై.యశోధలక్ష్మీ గురువారం ఒక ప్రకటనలో తెలియజేశారు. కావున ప్రవేశ పరీక్ష కొరకు దరఖాస్తు చేసుకున్న 5వ తరగతి విద్యార్ధులు https://apgpcet.apcfss.in  వెబ్ సైట్ నుండి,  ఇంటర్ ప్రథమ సం.రం విద్యార్ధులు https://apgpcet.apcfss.in/inter/ వెబ్ సైట్ ద్వారా ఈ నెల 19 నుండి తమ హాల్ టికెట్లను పొందవచ్చని ఆమె ఆ ప్రకటనలో వివరించారు. 2021–22 విద్యా సం.నకు గాను 5వ తరగతి, ఇంటర్మీడియట్ మరియు ఐఐటి –నీట్ కళాశాలలో మొదటి సంవత్సరం నందు ప్రవేశ పరీక్ష కొరకు బాలబాలికలు ఆన్ లైన్ ద్వారా దరఖాస్తులు సమర్పించుటకు ప్రవేశ గడువు ఈనెల 15తో ముగిసిందని అన్నారు. ఇంటర్మీడియట్ మొదటి సంవత్సరం ప్రవేశ పరీక్ష జూలై 29న ఉదయం 10.00గం.ల నుండి మధ్యాహ్నం 12.00గం.ల వరకు, 5వ తరగతి ప్రవేశ పరీక్ష ఆగష్ట్ 1వ తేది ఉదయం 10.00గం.ల నుండి మధ్యాహ్నం 12.00గం.ల వరకు నిర్వహించబడుతుందని తెలిపారు.