భూటాన్లో ఆగస్టు 5వ తేదీ నుంచి 8వ తేదీ వరకు జరిగే సౌత్ ఏషియన్  గేమ్స్కు షేక్ అబ్దుల్లా ఎంపికై ఆర్ధిక ఇబ్బందులు వలన పోటీలలో పాల్గొన లేకపోతున్నానని దాతలు ఆర్ధిక సహాయం అందించాలని విజ్ఞప్తి చేశాడు. దీనిపై జిల్లా  రెడ్ క్రాస్ సోసైటీ అధ్యక్షులు, జిల్లా కలెక్టర్ వివేక్ యాదవ్  స్పందించి షేక్ అబ్ధుల్లా సౌత్ ఏషియన్  గేమ్స్లో పాల్గొనేందుకు ఆర్ధిక సహాయంగా  రూ.50,000 అందించారు. శుక్రవారం సాయంత్రం నంబూరులోని రెయిన్ ట్రీ పార్కు విల్లాలోని రాష్ట్ర ప్రభుత్వ ప్రజా వ్యవహారాల సలహాదారు సజ్జల రామకృష్ణారెడ్డి క్యాంపు కార్యాలయంలో  సౌత్ ఏషియన్  గేమ్స్కు ఎంపికయిన గుంటూరు జిల్లా వినుకొండ పట్టణానికి చెందిన అథ్లెట్ షేక్ అబ్దుల్లాకు ఇండియన్ రెడ్ క్రాస్ సోసైటీ జిల్లా శాఖ ప్రకటించిన ఆర్ధిక సహాయం రూ. 50,000 చెక్కును  సోసైటీ జిల్లా చైర్మన్ మరియు జిల్లా కలెక్టర్ వివేక్ యాదవ్   రాష్ట్ర ప్రభుత్వ ప్రజా వ్యవహారాల సలహాదారు సజ్జల రామకృష్ణారెడ్డి చేతుల మీదుగా అథ్లెట్ షేక్ అబ్ధుల్లా మరియు వారి తల్లిదండ్రులకు అందించారు. ఈ సంధర్భంగా రాష్ట్ర ప్రభుత్వ ప్రజా వ్యవహారాల సలహాదారులు సజ్జల రామకృష్ణారెడ్డి మాట్లాడుతూ క్రీడల్లో విజయం సాధించి రాష్ట్ర మరియు దేశం పేరును ఇనుమడింప చేయాలని ఆకాంక్షించారు. రెడ్ క్రాస్ సోసైటీ ద్వారా పర్సనల్ హైజిన్ కిట్ను అందించారు. అలాగే రెడ్ క్రాస్ సేవలను కొనియాడారు.  ఈ కార్యక్రమంలో జిల్లా రెడ్ క్రాస్ సోసైటీ వైస్ చైర్మన్ రామచంద్ర రాజు, ట్రెజరర్ వి రవి శ్రీనివాస్ పాల్గోన్నారు.