దొర ఎంటర్టైన్మెంట్ సమర్పణలో ప్రొడక్షన్ నెంబర్ -1 షూటింగ్ శుక్రవారం కైలాసపురం లోని సాయిబాబా ఆలయంలో జరిగింది. ఈ షూటింగ్ ప్రారంభోత్సవానికి ముఖ్య అతిధిగా నగర మేయర్ గొలగాని హరి వెంకట కుమారి హాజరై ముహూర్తపు షాట్ క్లాప్ కొట్టి ప్రారంభించారు. అలాగే దేవుడి చిత్రపటంపై చిత్రీకరించారు. ఈ షూటింగ్ ఒకే షెడ్యూల్ లో ఏప్రిల్ నెలలో విశాఖ, పశ్చిమ, తూర్పు జిల్లాల్లో జరుగుతుందని దర్శక, నిర్మాత లు తెలిపారు. ఈ సినిమాలో హీరో, హీరోయిన్లుగా వంశీ, ప్రియాంక సింగ్, కీర్తన వర్మ నటిస్తున్నారు. అదే విధంగా ఈ చిత్రానికి దర్శకత్వం రామ్ గోపాల్ రత్నం, డివోపీ రమణ, నిర్మాత హనుమంతు తుకారామ్. ఈ కార్యక్రమంలో వి జే ఎఫ్ అధ్యక్షులు, సింహాచలం దేవస్థానం ట్రస్ట్ సభ్యులు గంట్ల శ్రీనుబాబు, ఆర్ కే మీడియా హౌస్ అధినేత బి. రవికాంత్, దర్శక, నిర్మాతలు రామ్ గోపాల్ రత్నం, హనుమంత్ తుకారాం, హీరో, హీరోయిన్లు వంశీ, ప్రియాంక సింగ్, కీర్తన వర్మ తదితరులు పాల్గొన్నారు.
