రంగు పడుద్ది...అదో తుత్తి...ఏవిటో... అనే డైలాగులు ఆయనని తలచుకోగానే మనకు తెలీకుండా పెదాలపై చిరునవ్వులు చిందుతాయి. ఎన్ని బాధల్లో ఉన్నా చిటికలో మనసు ఉల్లాసభరితమవుతుంది. ఉత్సాహం ఉరకలెత్తుతుంది.. అదో తుత్తి అంటూ సరదాగా కడుపుబ్బా నవ్వేస్తాం.. ఆయన మంచి హాస్యానికి అసలు సిసలైన చిరునామాను సినిమాలు చూస్తూ వెతుక్కుంటూ పోతాం అందుకే... అంటారు ప్రేక్షకులంతా ముక్తకంఠంతో ఆమంచి మా మంచి హాస్యనటుడని. పేరు... ఆమంచి వెంకట సుబ్రహ్మణ్యం..సినిమావాళ్లు ముద్దుగా ఏవీఎస్ అంటారు.. బ్రహ్మానందంల్లాంటి నటుల సరసన సత్తా చాటుకున్న ప్రముఖ హాస్య నటుడు. అంతేనా? క్యారెక్టర్‌ ఆర్టిస్ట్‌గా, నిర్మాతగా, దర్శకుడిగా చిత్రసీమలో తన ఉనికిని బలంగా నిరూపించుకున్నారు. పూర్వాశ్రమంలో ఆయన పాత్రికేయుడు కూడా..ఏవీఎస్‌. న సుప్రసిద్ధులు.ఆమంచి వెంకట సుబ్రహ్మణ్యం అంటే ఎవరికీ తెలియదు గానీ ఏవీఎస్ అంటే టక్కున గుర్తొచ్చే మంచి నటుడు ఏవీఎస్‌ ఆయన 2013, నవంబర్‌ 8న మరణించారు. ఆయనను గుర్తు చేసుకుంటూ... ఏవీఎస్ సినిమాల్లోని హాస్యాన్ని సరదాగా చూస్తూ తుత్తి పొందడమే...అమర్ రహే ఏవిఎస్..!