బట్టిమొగవలసలో మెగా ఉచిత వైద్య శిబిరం


Ens Balu
23
Parvathipuram
2022-12-14 12:25:43

పార్వతీపురం మన్యం జిల్లా కొమరాడ మండలం బట్టిమొగవలస గ్రామం లో 16వ తేదీన  మెగా ఉచిత వైద్య శిబిరం ఏర్పాటు చేస్తున్నట్లు ఇండియన్ రెడ్ క్రాస్ సొసైటీ సెక్రటరీ బి.ఎన్.బిరావు తెలిపారు. బుధవారం పార్వతీపురం కలెక్టర్ కార్యాలయంలో  జిల్లా కలెక్టర్, ఇండియన్ రెడ్ క్రాస్ సొసైటీ  ప్రెసిడెంట్ నిశాంత్ కుమార్  మెగా వైద్య శిబిరం బ్రోచర్ ను విడుదల చేశారు. ఈ మెగా వైద్య శిబిరం లో  ఎంఎస్ జనరల్ సర్జన్ డాక్టర్ బి రామ్మోహన్రావు, చాతి ఊపిరితిత్తులు షుగర్ స్పెషలిస్ట్ డాక్టర్ నల్ల దుర్గాప్రసాద్, జనరల్ ఫిజీషియన్ డా. చింత స్వరూప్, చిన్న పిల్లల వైద్య నిపుణులు  డాక్టర్ జి వాసుదేవరావు, స్త్రీ ప్రసూతి వైద్య నిపుణులు  డాక్టర్ కె.శ్రీరేఖా, చర్మ వ్యాధుల నిపుణులు డాక్టర్ ఎం సత్యనారాయణమూర్తి, చిన్నపిల్లల వైద్యనిపుణులు డాక్టర్ కె. రాజీవ్,  స్త్రీ ప్రసూతి వైద్య నిపుణులు, సంతాన సాఫల్య డాక్టర్  యాళ్ల ధీరజ్  హాజరై వైద్య సేవలు అందిస్తారన్నారు. ప్రజలందరూ ఈ మెగా ఉచిత వైద్య శిబిరంలో సేవలను ఉపయోగించుకోవాలని కోరారు. 
ఈ కార్యక్రమంలో ట్రెజరర్ పి. సూర్యారావు, మెంబర్లు  పి. ప్రకాష్,  బి. జయబాబు పాల్గొన్నారు.