రాష్ట్ర స్థాయిలో ఎనస్థషియాలజీ కాన్ఫరెన్సులో డాక్టర్ వి.శ్రావ్య గాయత్రీ సెకెండ్ ఫ్రైజ్ గెలుచుకోవడం ఆంధ్రామెడికల్ కాలేజికే ఆదర్శమని ప్రిన్సిపాల్  డా.పివిసుధాకర్ కొనియాడారు. శుక్రవారం ఏఎంసీలో జరిగిన కార్యక్రమంలో బహుమతి గెలుచుకున్న రెండవ సంవత్సరం పీజి విద్యార్ధిని శ్రావ్యను అభినందించారు. ఈ సందర్భంగా ప్రిన్సిపాల్ మాట్లాడుతూ, పీజి స్థాయిలోనే విద్యార్ధిని ఇంత మంచి ప్రతిభను కనబరచడం తన విద్యకు ఎంతో ఉపకరిస్తుందన్నారు. అంతేకాకుండా తన విద్య అనంతరం కూడా మంచి వైద్యసేవలు అందించడానికి ఈ తరహ పోటీలు ఎంతగానో ఉపయోగపడతాయని అన్నారు. ఈ కార్యక్రమంలో ఎనస్థయాలజీ విభాగం అధిపతి డా.బి.మురళీ క్రిష్ణ, డా.డిబివి, ఆచార్యులు మధుసూదన్, సహాయ ఆచార్యులు డా.వి.రమేష్ కూడా పాల్గొన్నారు.