అనంతపురం జిల్లా  హిందూపురం సమీపంలో తూముకుంట వద్ద వేదిక్ ఇస్పాత్ సంస్థ ఏర్పాటు చేసిన ఆక్సిజన్ ప్లాంట్ లో లిక్విడ్ ఆక్సిజన్ ఉత్పత్తి ప్రారంభిం చేలా చర్యలు తీసుకున్నామని జిల్లా కలెక్టర్ గంధం చంద్రుడు ఓ ప్రకటనలో తెలిపారు. ఆదివారం ఉత్పత్తి ప్రారంభించిన ప్లాంటులో రోజుకు 7 నుంచి 10 కిలో లీటర్ల లిక్విడ్ ఆక్సిజన్ ఉత్పత్తి అవుతోందన్నారు. వేదిక్ ఇస్పాత్ ఉత్పత్తి చేస్తున్న లిక్విడ్ ఆక్సిజన్ ను బీ-టైప్, డీ-టైప్ సిలిండర్ల ద్వారా అనంతపురం సర్వజనాస్పత్రి, కదిరి, హిందూపురం ప్రభుత్వ ఆసుపత్రులకు సరఫరా చేసేలా చర్యలు తీసుకున్నామన్నారు. ప్రస్తుతం ఈ ప్లాంటు నుండి రోజుకు 1000 బీ-టైప్, డీ-టైప్ సిలిండ ర్లు ఉత్పత్తి అవుతున్నాయన్నారు.

జిల్లాలోనే మరో లిక్విడ్ ఆక్సిజన్ ప్లాంట్ లో  ఆక్సిజన్ ఉత్పత్తి ప్రారంభం కావడంపై కలెక్టర్ ఆనందం వ్యక్తం చేశారు. ఈ మధ్యే శింగనమలలో 8 మెట్రిక్ టన్నుల సామర్థ్యం కలిగిన ఆక్సిజన్ ప్లాంటు ద్వారా లిక్విడ్ ఆక్సిజన్ ఉత్పత్తి అయ్యేలా చర్యలు తీసుకున్నామన్నారు.  ఆక్సిజన్ సరఫరా కోసం ఇతర రాష్ట్రాల నుంచి దిగుమతిపై పూర్తిగా ఆధారపడకుండా కరోనా నేపథ్యంలో జిల్లాలోనే ఆక్సిజన్ ఉత్పత్తి చేసి  ఆక్సిజన్ కొరత లేకుండా ప్రత్యేక దృష్టి పెట్టామని కలెక్టర్ వివరించారు.