వందేళ్లకు పైగా చరిత్ర ఉన్న టీటీడీ పాత హుజూర్ ఆఫీసు భవనాలను చారిత్రక కట్టడాలు గా పరిగణించాల్సిన అవసరం ఉందని టీటీడీ జెఈవో సదా భార్గవి అన్నారు. శ్రీ గోవింద రాజస్వామి ఆలయం వెనుక వైపున గల పాత హుజూర్ ఆఫీసుతో పాటు, మ్యూజియం ను గురువారం సాయంత్రం ఆమె పరిశీలించారు. ఎంతో చారిత్రక నేపథ్యం ఉన్న పాత హుజూర్ ఆఫీసు భవనాలను సంరక్షించి సంగీత, నృత్య కళాశాలకు ఉపయోగపడే విధంగా అభివృద్ధి చేసేందుకు తగిన ప్రణాళికలు సిద్ధం చేయాలని ఆమె ఇంజినీరింగ్ అధికారులను ఆదేశించారు. అలాగే మ్యూజియం భవనంలో శిల్ప కళాశాలకు చెందిన పురాతన శిల్పాలు, ఇతర చారిత్రక శిల్పాలు ఉంచేందుకు అవసరమైన విధంగా మరమ్మతులు చేయాలన్నారు.
ఈ కార్యక్రమంలో చీఫ్ ఆడిట్ ఆఫీసర్ శేష శైలేంద్ర, డిఈవో గోవింద రాజన్, విద్యుత్ విభాగం ఎస్ ఈ వెంకటేశ్వర్లు, రెవెన్యూ ఎఈవో మునిరత్నం, సంగీత, నృత్య కళాశాల ప్రిన్సిపాల్ సుధాకర్ ఇతర అధికారులు పాల్గొన్నారు.
