అన్నవరం శ్రీశ్రీశ్రీ వీరవేంకట సత్యన్నారాయణ స్వామివారి కళ్యాణం ఈనెల 12వ తేదిన అత్యంత వైభవంగా నిర్వహించనున్నట్టు ఆలయ ఈఓ వేండ్ర త్రినాధరావు తెలియజేశారు. ఈ మేరకు ఆయన దేవస్థానంలో ఆదివారం మీడియాతో మాట్లాడారు. స్వామివారి కళ్యాణ మహోత్సవాలు ఈనెల 11 నుంచే ప్రారంభం అవుతాయని చెప్పారు. అదేరోజున స్వామివారు, అమ్మవార్లను పెళ్లికొడుకు, పెళ్లికూతుర్లను చేస్తారని, 12వ తేదిన స్వామివారి కళ్యాణ మహోత్సవం జరుగుతుందని పేర్కొన్నారు. కాగా 17వ తేదిన పుష్పయాగం చేపట్టడంతో కళ్యాణ మహోత్సవాలు పూర్తవుతాయని తెలియజేశారు. స్వామివారి కళ్యాణం జరుగుతున్న విషయాన్ని భక్తుల సమాచారార్ధం పెద్ద ఎత్తుప ప్రచారం కూడా చేపట్టినట్టు చెప్పారు. రెండేళ్ల తరువాత మళ్లీ స్వామివారి కళ్యాణం భక్తుల సమక్షంలో జరుగుతుందని, దానికోసం ఆలయంలో అన్ని రకాల ఏర్పాట్లు పూర్తిచేసినట్టు ఈఓ పేర్కొన్నారు. స్వామివారి కళ్యాణ మహోత్సవాల్లో పాల్గొని స్వామివారి క్రుపకు పాత్రులు కావాలని ఈఓ ఈ సందర్భంగా మీడియా ద్వారా భక్తులను కోరారు.