ఆంధ్రప్రదేశ్ ప్రభుత్వం సుదీర్ఘ కాలం తరువాత నిర్వహించిన Appsc Group-1 పరీక్ష విధానంలో సమూల మార్పులకి శ్రీకారం చుట్టింది.. ఎప్పుడూ లేనివిధంగా 2019 నుంచి ఏపీపీఎస్సీ పోటీ పరీక్షల విధానంలో భారీ మార్పులు తీసుకు వచ్చింది. నాల్గవ తరగతి ఉద్యోగాలకు గ్రూప్-2 స్థాయి, గ్రూప్-2 ఉద్యోగాలకు గ్రూప్-1 స్థాయి..ఇపుడు గ్రూప్-1 ఉద్యోగాలకు సివిల్ సర్వీస్ స్థాయిలో పోటీ పరిక్షల ప్రశ్నా పత్రాలను ఇవ్వడం ప్రారంభించింది. అందులోనూ అత్యధికంగా జతచేయడం అనే విధానంలో ప్రశ్నలు ఇవ్వడంతో అభ్యర్ధులు చాలా దారుణంగా తడబడ్డారు. ఇకపై ప్రశ్నలు ఈ విధంగానే ఉంటాయనే విధంగా ఏపీపీఏస్సీ తీసుకొచ్చిన మార్పులు అభ్యర్ధులను తీవ్ర నిరాశకు గురిచేసింది. ఒకరకంగా చెప్పాలంటే గ్రూప్-1 పరీక్షా విధానం చూసిన తరువాత అభ్యర్ధులు ఏవిధంగా పోటీపరీక్షలకు సిద్దం కావాలో తెలియని పరిస్థితి నెలకొంది. ఈసారి గ్రూప్-1 ప్రలిమ్స్ అత్యల్పంగా మాత్రమే క్వాలిఫై అవుతారని చెప్పకతప్పదు.
