ఆంధ్రప్రదేశ్ లో చేనేత సొసైటీల ద్వారా ఆప్కోకి బట్టలు సరఫరా చేసి బిల్లులు రాక ఇబ్బంది పడుతున్నవారి సమస్యలు పరిష్కరించాలని ఆప్కో నూతన చైర్మన్ గంజి చిరంజీవి దృష్టికి పద్మశాలీ సంఘం నేత కొప్పుల రామ్ కుమార్ తీసుకు వెళ్లారు. విజయవాడలో ఈరోజు విజయవాడ చేనేత భవన్ లో ఆప్కో చైర్మన్ ప్రమాణ స్వీకార కార్యక్రమంలో పాల్గొన్నారు. ఈ సందర్భంగా సొసైటీలు పడుతున్న ఇబ్బందులపై వినతి పత్రాన్ని సమర్పించారు. ఈ సమస్యను త్వరితగతిన పరిష్కరించాలని కోరారు. వినతిపై చైర్మన్ సానుకూలంగా స్పందించారు. అంతకు ముందు రాష్ట్రవ్యాప్తంగా పద్మశాలీ సంఘం సభ్యులు నూతన చైర్మన్ కుశుభాకాంక్షలు తెలియజేశాయి. ఈ కార్యక్రమంలో మార్కండేయ చేనేత సహకార సంఘం నాయకులు కె.రవి, చుక్కల చిన్నారావు, బి.శ్రీనివాసరావు ఎం.సూరిబాబు, గోపు.భీష్మసత్యనారాయణ తదితరులు పాల్గొన్నారు.
