ఆంధ్రప్రదేశ్ లో వైద్య ఆరోగ్యశాఖలో భాగంగా ఉన్న ఆయుష్ శాఖ కమిషనర్ ఇక్కడి ఉద్యోగులు, వైద్యులకు ప్రభుత్వంపై పూర్తిగా నమ్మకం పోయేలా చేయడంలో సఫలీ కృతులు అయ్యారనే విషయం ఎన్నికల సంఘం ఆదేశాలను సైతం బుట్టదాఖలు చేసి నిరూపించుకున్నారు. ఈయన ఇంత మొండిగా ప్రభుత్వ ఉద్యోగ, వైద్యుల వ్యతిరేక కార్యకలాపాలు చేయడం వెనుక అసలు కారణంపై ఇదేశాఖలో నేడు పెద్ద రాజకీయ చర్చ జరుగుతోంది. ఇప్పటికే వైఎస్సార్సీపీ ప్రభుత్వంపై ప్రభుత్వ ఉద్యోగులకు తీవ్ర వ్యతిరేక ఉంది. దానిని తమ శాఖలోని వైద్యులు, ఉద్యోగుల ద్వారా మరింతగా పెంచడంలో కమిషనర్ ఒంటెద్దు పోకడలు ఇపుడు కారణం అవుతున్నాయి. దీనితో ఇపుడు ఉద్యోగులంతా కమిషనర్ చర్యల వలనే తాము ప్రభుత్వానికి దూరం కావాల్సి వచ్చిందని, తమ కుటుంబాలు కూడా ప్రభుత్వానికి దూరంగా ఉంచుతామని బల్లగుద్ది మరీ చెబుతున్నారట. దానికోసం వాట్సప్ గ్రూపులు, వైద్యులు, సిబ్బంది కలిసినపుడు పెద్ద పెద్ద సమావేశాలే పెడుతున్నట్టు సమాచారం అందుతుంది. కమిషనర్ తాను చేసే ఉద్యోగ, వైద్య వ్యతిరేక విధానాలకు ఇప్పటికే విసుగు చెందిన వారంతా ఎన్నికల్లో కూడా పూర్తిస్థాయిలో ఓటు వేయకుండా ఉంటారని భావించే ఎలక్షన్ కమిషన్ ఆదేశాలు కూడా పక్కన పెట్టేశారన్న ఆరోపణలున్నాయి. లేదంటే దేశంలో ఏ ప్రభుత్వ శాఖ కూడా ఎన్నికల సంఘం ఆదేశాలను తిరస్కరించిన దాఖలాలు లేవు. ఆంధ్రప్రదేశ్ లోని ఒక్క వైద్య ఆరోగ్యశాఖలోనే ఈ విధంగా జరిగింది.
కమిషనర్ చేసే ప్రభుత్వ వ్యతిరేక విధానాలన్నింటికీ అటు ఆరోగ్యశాఖ ముఖ్యకార్యదర్శి ఎంటీక్రిష్ణబాబు కూడా మద్దతు తెలియజేసినట్టే జిఓలు కూడా రావడం వెనుక పలు అనుమానాలు వ్యక్తం అవుతున్నాయి. తాను చేసే ఉద్యోగ, వైద్య వ్యతిరేక విధానాలన్నీ ప్రభుత్వంపై ఉన్న వ్యతిరేకతలో కొట్టుకుపోతాయని.. ఎన్నికల సంఘం ఆదేశాలను కూడా దిక్కరించి అనుకున్నట్టుగా ఉద్యోగుల డ్రాయింగ్ పవర్ తీసేయడంలోనూ, జీఓ ఇవ్వడంలోనూ కమిషనర్ సఫలీ కృతులు అయ్యారనే చెప్పవచ్చు. అయితేఎన్నికల సంఘం ఆదేశాలను మాత్రం ఇప్పటి వరకూ 75 ప్రభుత్వశాఖల్లో ఏ ఒక్క శాఖ వ్యతిరేకించి, పక్కన పడేసింది లేదు. అలాగని డ్రాయింగ్ పవర్ తీసేసిన కమిషనర్ ఉద్యోగుల నుంచి వైద్యుల వరకూ అందరికీ తమ కర్యాలయం నుంచే జీతాలు వేస్తామని చెప్పి..నేటికీ వారికి జీతాలు వేయలేదు. అదేమంటే కొత్తగా ఒక విధానం ప్రభుత్వం చేపడుతున్నట్టు ఆమాత్రం లేటవుతుంది అన్నట్టుగా వ్యవహరిస్తున్నారు ఆయుష్ శాఖ కమిషనర్. వాస్తవానికి ప్రభుత్వంలోనైనా కమిషనర్, ప్రిన్సిపల్ సెక్రటరీలు ఎన్నికల సంఘం ఆదేశాలను అమలు చేస్తారు. కానీ విచిత్రంగా ఆదేశాలిచ్చిన తరువాత కూడా వాటిని బుట్టదాఖలు చేసి మరీ తాను అనుకున్నట్టుగా, ఉద్యోగులను, వైద్యులను వేధించడానికే ఏపక్షంగా తీసుకున్న చర్యలు ఇపుడు ఇతర శాఖలకు కూడా ప్రాకుతున్నాయి. ప్రభుత్వశాఖలో ఏ శాఖ అయినా ఎన్నికల సంఘం ఆదేశాలను అమలు చేయకపోతే తక్షణమే ప్రభుత్వ ప్రధాన కార్యదర్శి జోక్యం చేసుకోవాలి.
ఇక్కడ అదీ కూడా జరగలేదు. అంటే కమిషనర్ చర్యలకు ప్రభుత్వమే మద్దతు పలుకుతుందనేది ఇక్కడ ఆయన ఇచ్చిన జీఓల ద్వారానేస్పష్టమవు తుంది. అలాంట పుడు ఆయుష్ శాఖలోని ఉద్యోగులు, వైద్యులు, వారి కుటుంబాలు ప్రభుత్వంపై వ్యతిరేకత పెంచుకోవడంలో తప్పేముందనే వాదన ఇపుడు క్రమేపీ బలపడుతోంది. ప్రస్తుతం ఆయుష్ శాఖలో మొదలైన ఈ తేడా వ్యవహారాలన్నీ మెల్లగా ఇతర ప్రభుత్వశాఖలకు, పేరెండ్ డిపార్ట్ మెంట్ గా వున్న వైద్యఆరోగ్యశాఖకు పాకితే ప్రభుత్వంపై ఉన్న కాస్తో కూస్తో గౌరవం పోయినా ఆశ్చర్య పడాల్సిన పనిలేదు. ప్రభుత్వశాఖల్లో పనిచేసే కమిషనర్లు, ప్రిన్సిపల్ కార్యదర్శిలకు ఆయా శాఖలపై పట్టు వుంటుంది. వారు పనిచేసే కాలయంలో సదరు శాఖలను అభివృద్ధి చేయాలని, దీర్ఘకాలిక సమస్యలను పరిష్కరించాలని చూస్తారు. విచిత్రంగా ఆయుష్ శాఖలో మాత్రం కమిషనర్ వచ్చిన దగ్గర నుంచి ఇక్కడి ఉద్యోగులను ఏ రకంగా, ఏ జీఓ ద్వారా ఇరింకించాలి..? ఏ ఆదేశంతో వారిని ఇబ్బంది పెట్టాలి..? ఏ అధికారంతో రెగ్యులర్ కావాల్సిన ఉద్యోగులను రెగ్యులర్ చేయకుండా ఆపేయాలి..? ఏ ఉద్యోగిని ప్రశాంతంగా వారి విధులను వారు నిర్వర్తించకుండా చేయాలనే కోణం లో ఆలోచించరు. అ కోణాలన్నీ ఇపుడు ఆయుష్ శాఖలోని ఎస్సీ, ఎస్టీ వైద్యులు, పారామెడికల్ సిబ్బంది ఇబ్బంది పడాల్సి వస్తున్నది. ప్రభుత్వం ఇప్పటికైనా ఆయుష్ కమిషనర్ తీసుకునే మోనార్క్ నిర్ణయాలను నియంత్రికచెకపోతే ఈ విధానం ఇతర శాఖలకు కూడా ప్రాకి, యావత్ ప్రభుత్వ శాఖల ఉద్యోగులందరూ ప్రభుత్వానికి మరింత శత్రువులా మారతారనడంతో ఎలాంటి అతిశయోక్తీ లేదు. ఏం జరుగుతుందనేది వేచి చూడాల్సిందే..!
