గ్రామ, వార్డు సచివాలయ ఉద్యోగులు తమ సొంత ఖర్చులుతో స్టేషనరీ కొనుగులు చేసి, ప్రత్యేక ఇంటర్నెట్ ప్యాకేజీలు వేసుకొని మరీ వైఎ స్సార్సీపీ ప్రభుత్వంలో ప్రత్యేకంగా బిఎల్వో(బూత్ లెవల్ ఆఫీసర్) విధులు నిర్వహిస్తే ఐదేళ్లుగా వారికి ఇవ్వాల్సిన అలవెన్సులు ఇవ్వలేదు.. ఆ విషయమై ఈరోజు-ఈఎన్ఎస్ ప్రత్యేక కథనాలు ప్రచురించడంతో నేడు కూటమి ప్రభుత్వం స్పందించింది.. అదే సమయం లో విశాఖ జిల్లా కలెక్టర్ ఎంఎన్.హరేంధిర ప్రసాద్, విజయవాడ జిల్లా కలెక్టర్ డా. లక్ష్మీషాలు కూడా స్పందించి గ్రామ, వార్డు సచివాలయ ఉద్యోగులకు ఇవ్వా ల్సిన ప్రత్యేక బిఎల్వో వేతనంపై ప్రభుత్వానికి నివేధించడంతో కూటమి ప్రభుత్వం(ఎలక్షన్ కమిషన్) జీఓఆర్టీ నెంబరు 2200ని విడుదల చేసింది.
తద్వారా ఒక్కో ఉద్యోగికి సుమారు రూ.12,250 వరకూ బిఎల్వో విధులు చేసినందుకు వేతనం రానుంది. గ్రామ, వార్డు సచివాలయ ఉద్యోగుల కష్టాన్ని తెలుసుకున్న ప్రభుత్వం బిఎల్వో నిధులు విడుదల చేయడం.. వారి కష్టాలను ఈరోజు-ఈఎన్ఎస్ ప్రత్యేక కథనాలు ప్రచురించ డంతో రాష్ట్రవ్యాప్తంగా 26 జిల్లాల్లోని సుమారు 1.28వేలకు పైగ సచివాలయ ఉద్యోగులు హర్షం వ్యక్తం చేస్తున్నారు. మీడియా కార్యాలయానికి ఫోన్లు చేసి తమ ఆనందం పంచుకున్నారు..!
కూటమి ప్రభుత్వం గ్రామ, వార్డు సచివాలయ ఉద్యోగుల కోసం..వారు పడుతున్న కష్టం కోసం ఆలోచించడం మొదలు పెట్టింది. గత ప్రభుత్వంలో సొంత ఖర్చులు పెట్టుకొని బిఎల్వో విధులు చేసినా.. వారికి ఇవ్వాల్సిన వేతనం మాత్రం ఇవ్వలేదు. దీనితో రంగంలోకి దిగిన ఈరోజు-ఈఎన్ఎస్ సచివాలయ ఉద్యోగుల కష్టాలను.. వారి ఆర్దిక ఇబ్బందులను ప్రత్యేక కథనాల రూపంలో ప్రచురించి ప్రభుత్వం దృష్టికి తీసుకు వెళ్లింది. ఈ విషయంలో విశాఖపట్నం జిల్లా కలెక్టర్ ఎంఎన్.హరేంధిరప్రసాద్, ఎన్టీఆర్ విజయవాడ జిల్లా కలెక్టర్ డా.లక్ష్మీషాలు సచివాలయ ఉద్యోగులకు ప్రభుత్వం ఇవ్వాల్సిన ప్రత్యేక బిఎల్వో వేతనం విషయమై ప్రభుత్వం దృష్టికి తీసుకెళ్లడంతో ఉద్యోగులకు రావాల్సిన రూ.12, 250 విడుల చేస్తూ 24 డిసెంబర్ 2024న జీఓ జీఓఆర్టీ నెంబరు 2200ని ( చీఫ్ ఎలక్ట్రోలర్ ఆఫీసర్ వివేక్ యాదవ్) జారీ కావడానికి మార్గం సుగమం అయ్యింది.
2019 అక్టోబర్ 2 నుంచి ఆంధ్రప్రదేశ్ ప్రభుత్వంలో గ్రామ, వార్డు సచివాలయశాఖ ఏర్పాటైన దగ్గర నుంచి ఉద్యోగుల సమస్యలను ఈరోజు-ఈఎన్ఎస్ ప్రత్యేక కథనాలు ప్రచురిస్తూ ప్రభుత్వం దృష్టికి వారి సమస్యలను తీసుకెళుతున్నది. అయితే గత ప్రభుత్వం 75వ ప్రభుత్వశాఖగా సచివాలయాన్ని ఏర్పాటు చేసినా వీరికి ఇతర ప్రభుత్వ శాఖల ఉద్యోగుల మాదిరిగా సర్వీసు నిబంధనలు, ప్రమోషన్ ఛానల్ ఏర్పాటు చేయలేదు. ఇతర ప్రభుత్వ శాఖల ఉద్యోగుల మాదిరిగా సర్వీసు రెగ్యులర్ అయిన తరువాత ఇవ్వాల్సిన నోషనల్ ఇంక్రిమెంట్లు కూడా ఇవ్వలేదు. దేశంలో ఒక్క ఆంధ్రప్రదేశ్ రాష్ట్ర ప్రభుత్వంలో మాత్రమే ఒకప్రభుత్వశాఖ ఉద్యోగులకు సర్వీసు నిబంధనలు, ప్రమోషన్ ఛానల్ ఐదేళ్లు దాటిపోతున్నా ఏర్పాటు చేయలేదంటే అతిశయోక్తి కాదేమో.
దానితో గ్రామ, వార్డు సచివాలయ ఉద్యోగుల విషయంలో జరుగుతున్న అన్యాయంపై ఈరోజు-ఈఎన్ఎస్ వాస్తవాలను తరచుగా ప్రభుత్వం దృష్టికి తీసుకెళ్లే ప్రయత్నం చేస్తున్నది. ఈ క్రమంలోనే కూటమి ప్రభుత్వం కూడా ఉద్యోగుల పక్షాన ఆలోచిస్తూ.. ఒక్కో సమస్య పరిష్కరిస్తూ వస్తున్నది. ఇటీవలే విశాఖలోని జివిఎంసీ కమిషనర్ డా.సంపత్ కుమార్ వార్డు సచివాలయాల అడ్మిన్ల ఆర్ధిక కష్టాలు తెలుసుకొని..వారు సొంతంగా పెడుతున్న స్టేషనరీ ఖర్చుల భారం వారిపై పడకూడదని.. వారికి రూ.1000 నెలకి స్టేషనరీ బిల్లులు చెల్లించడానికి ముందుకి వచ్చారు. ఒక రకంగా గ్రామ, వార్డు సచివాలయ శాఖ డైరెక్టర్ గా డా.లక్ష్మీషా ఉన్న సమయంలోనే సచివాలయశాఖలోని కొన్ని శాఖల సిబ్బందికి ప్రమోషన్లు కూడా వచ్చాయి.
ఆయనను శాఖ మార్పు చేసిన తర్వాత ప్రభుత్వం కూడా సచివాలయ ఉద్యోగులను గాలికి వదిలేసింది. ఆతర్వాత కూటమి ప్రభుత్వం ఆధికారంలోకి రావడంతో సచివాలయ ఉద్యోగుల సమస్యలు ఒక్కొక్కటిగా పరిష్కరానికి నోచుకుంటన్నాయి. ఉద్యోగాల్లో చేరిన దగ్గర నుంచి నేటి వరకూ ఉద్యోగులకు వివిధ రకాల సర్వేలు, ఇతర ప్రభుత్వ కార్యక్రమాల అమలుకు సచివాలయ ఉద్యోగులే ఇంటర్నెట్, స్టేషనరీ, వైట్ పేపర్లు ఖర్చు పెట్టుకుంటున్నా.. వాటికి మాత్రం ఇంకా మోక్షం కలుగలేదు. కూటమి ప్రభుత్వం అధికారంలోకి వచ్చిన తరువాత సచివాలయ ఉద్యోగుల సమస్యలపై ఈరోజు-ఈఎన్ఎస్ ప్రచురిస్తున్న ప్రత్యేక కథనాలపై స్పందన రావడంతో ఉద్యోగులు హర్షం వ్యక్తం చేస్తున్నారు. ఎన్నికల్లో ప్రకటించిన విధంగా.. కూటమి ప్రభుత్వం సచివాలయ ఉద్యోగుల విషయంలో ప్రత్యేకంగా స్పందించం కూడా ఇపుడు ఇతర శాఖల్లో చర్చనీయాంశం అవుతున్నది..?!
