అనరంతపురం నగరంలో ట్రాఫిక్ సమస్యల పరిష్కారానికి పూర్తిస్థాయిలో తోడ్పాటు అందిస్తామని నగర మేయర్ మహమ్మద్ వసీం పేర్కొన్నారు. ట్రాఫిక్ అంతరాయం లేకుండా కె ఎస్ ఆర్ జూనియర్ కాలేజీ,  చర్చి ముందర డివైడర్ బ్లాక్ లను గురువారం ఏర్పాటు చేశారు. వీటి ఏర్పాటు ప్రక్రియను నగర మేయర్ మహమ్మద్ వసీం సలీం, మున్సిపల్ కమిషనర్ పి వి వి ఎస్ మూర్తి, ట్రాఫిక్ డిఎస్పి ప్రసాద్ రెడ్డిలు స్వయంగా పరిశీలించారు. ఈ సందర్భంగా మేయర్ మాట్లాడుతూ, నగరంలో ట్రాఫిక్ సమస్యల పరిష్కారం కోసం  కార్పొరేషన్ తరపున పూర్తి సహకారం అందిస్తామని మేయర్ పేర్కొన్నారు. ఆక్రమణలు తొలగింపుతోనే ట్రాఫిక్ సమస్యలకు పరిష్కారం అవుతుందని అభిప్రాయం వ్యక్తం చేశారు. ఈ కార్యక్రమంలో లో కార్పొరేటర్లు బాలాంజినేయులు, అనిల్ కుమార్ రెడ్డి , సెక్రెటరీ సంగం శ్రీనివాసులు, డిప్యూటీ ఎగ్జిక్యూటివ్ ఇంజనీర్ బాలసుబ్రమణ్యం ట్రాఫిక్ ఎస్ఐలు తదితరులు పాల్గొన్నారు.