విభిన్న ప్రతిభావంతుల స్పెషల్ రిక్రూట్ మెంట్ డ్రైవ్ నకు సంబంధించి ప్రొవిజనల్ మెరిట్ జాబితాను సంబంధిత వెబ్ సైట్ నందు ఉంచామని, వాటిపై అభ్యంతరాలు ఉంటే ఈ నెల 22లోగా తమ కార్యాలయానికి దరఖాస్తు చేసుకోవాలని విభిన్నప్రతిభావంతులు, హిజ్రాలు మరియు వయోవద్ధుల సంక్షేమ శాఖ సహాయ సంచాలకులు కె.జీవనబాబు  పేర్కొన్నారు. ఈ మేరకు శుక్రవారం ఒక ప్రకటన జారీచేసారు. 2019-20 సం.నకు సంబంధించి విభిన్న ప్రతిభావంతుల స్పెషల్ రిక్రూట్ మెంట్ డ్రైవ్ Class–IV(Other than DSC) బ్యాక్ లాగ్ పోస్టులు ఖాళీలను భర్తీచేయు ప్రక్రియలో భాగంగా పోస్టులవారీగా ప్రొవిజనల్ మెరిట్ జాబితాను www.dw2020backlogsklm.in మరియు srikakulam.ap.gov.in వెబ్ సైట్ నందు పొందుపరచినట్లు ఆయన చెప్పారు. ప్రొవిజనల్ మెరిట్ జాబితాపై ఎటువంటి అభ్యంతరాలు ఉన్నఎడల జూలై 22 లోగా లిఖిత పూర్వకంగా సహాయ సంచాలకులు, విభిన్న ప్రతిభావంతులు మరియు వయోవృద్ధుల సంక్షేమ శాఖ, శ్రీకాకుళం వారికి దరఖాస్తు చేసుకోవాలని ఆయన కోరారు. జూలై 22 సాయంత్రం 05.00గం.ల తదుపరి వచ్చిన అభ్యంతరాలను పరిగణలోనికి తీసుకోబడవని ఆయన ఆ ప్రకటనలో స్పష్టం చేసారు.