విశాఖలోని పెదగంట్యాడ సత్యన్నారాయణ పురంలో నాగుపాము(కోబ్రా) ఓ ఇంట్లో దూరడంతో సమాచారం అందుకున్న స్నేక్ సేవర్ సొసటీ నిర్వాహకులు కిరణ్ ఆదివారం తెల్లవారు జామున రెండుగంటల ప్రాంతంలో పాముదూరిన ఇంట్లోకి వెళ్లి పామును చాకచక్యంగా పట్టుకున్నారు. పాము ఇంట్లోని వంటగదిలోకి దూరి బుసలు కొడుతున్న విషయాన్ని గమనించిన కుటుంబ సభ్యులు స్నేక్ సేవర్ కిరణ్ ను 98491 40500 లో సంప్రదించారు. వెంటనే సంఘటనా స్థలాని వెళ్లి నాగుపాముని ప్రాణాలతో పట్టుకొని దగ్గర్లోని అటవీ ప్రాంతంలో వదిలి పెట్టారు. దీనితో ఆ కుటుంబ సభ్యులు ఊపిరి పీల్చుకున్నారు. విశాఖ నగర పరిధిలో ఎక్కడ పాములు కనిపించినా వాటి చంపవద్దని, తమకు సమాచారం అందిస్తే వాటిని పట్టుకొని సురక్షితంగా వాటిని అడవుల్లోకి విడిచి పెతామని స్నేక్ సేవర్ కిరణ్ చెప్పారు.