పనిచేసే జర్నలిస్టుల దగ్గర నుంచి కార్డు జర్నలిస్టుల దాకా..

విజెఎఫ్ అంటే విశాఖ కేంద్రంగా నడుస్తున్న అతిపెద్ద అంబరిల్లా జర్నలిస్టుల వెల్పేర్ అసోసియేషన్. వివిధ రకాల జర్నలిస్టుల యూనియన్ లకు అతీతంగా.. ఇక్కడ జర్నలిస్టులు ఎన్నుకున్న జర్నలిస్టు నేతలు వారి కోసం వారి సమస్యలు, సంక్షేమం కోసం .. వారి పని జర్నలిస్టులుగా వారు చేసుకుంటూ జర్నలిస్టుల కోసం పనిచేస్తారు. విచిత్రంగా నేటి కార్యవర్గంలోని సభ్యులు మాత్రం కేవలం జర్నలిస్టుల అనే కార్డు వారి వారి కార్యకలాపాలను చక్కబెట్టుకోవడానికి, వారి వ్యాపారాలను పెంచుకోవడానికి మాత్రంగానే పనిచేస్తున్నారంటే అతిశకయోక్తి కాదేమో. ప్రస్తుత కార్యవర్గంలో వున్న జర్నలిస్టుల్లో సగానికిపైగా ఏ మీడియా సంస్థలో పెన్ను పట్టుకొని జర్నలిస్టుగా పనిచేస్తున్నారో వారికే తెలయని పరిస్థితి. ఒకప్పుడు వీజెఎఫ్ కార్యవర్గమంటే వివిధ దినపత్రికలు, టీవీ ఛానళ్లలో పనిచేసే ప్రముఖ జర్నలిస్టులు ఉండేవారు. అదీ అందరూ అక్రిడేటెడ్ జర్నలిస్టులే ఉండేవారు. ఇపుడు ఆ పరిస్థితి పోయి.. కేవలం కార్యవర్గంలో పనిచేయాలంటే బలమైన సామాజిక వర్గం, ఉన్నా లేనట్టుగా ఉండే పత్రికలు, బయట ఎవరికీ తెలియని టీవీ ఛానళ్లు, అందరూ దుమ్మెత్తి పోస్తున్నారని పత్రిక బయటకు రాకపోయినా  అక్రిడిటేషన్ మాత్రం తెచ్చుకొని గుర్తింపు పొందిన జర్నలిస్టుగా ఉంటూ యూనియన్ లో ప్రాతినిధ్యం వహిస్తూ వారి వ్యాపార సంస్థలను అభివ్రుద్ధి చేసుకునే జర్నలిస్టులు అధికం అయిపోయారు. ఒకరికి ఈవెంట్ ఆర్గనైజేషన్ ఉంటే మరొకరికి డాన్స్ స్కూలు, ఇంకొకరు ప్రెస్ మీట్లు ఏర్పాటు చేసే పీఆర్వో, మరొకరు నాటకాలు వేసే ఆర్టిస్టు, ఇంకొకరు ఓ ప్రజాప్రతినిధి దగ్గర పీఏ, మరో ఇద్దరు ఏదో ఆర్ఎన్ఐ టైటిల్ కలిగి.. జనాల్లోకి రాని పత్రికలో కార్డు జర్నలిస్టులు, ఇక మిగిలిన ఆ ఇద్దరు ముగ్గురు ఏ మీడియా ఆర్గనైజేషన్ లో పనిచేస్తురో వారికి తప్పా.. కార్యవర్గానికి గానీ, విజెఎఫ్ లోని సభ్యులకు గానీ తెలియని పరిస్థితి.

ఎవరినీ రానీయకుండా చుట్టూ కుల కోటరీ..

విజెఎఫ్ ఏర్పాటైన కొత్తలో సీనియర్ జర్నలిస్టులు ఇక్కడ కార్యవర్గంగా పనిచేసి విజెఎఫ్ గౌరవాన్ని ఎంతగానో పెంచారు. అది ఏ స్థాయికి వెళ్లిందంటే.. విజెఎఫ్ అంటే నేడు రాష్ట్రపతి భవన్ లో కూడా గుర్తించేంతగా ఎదిగింది. అంతటి గౌరవం వున్న విజెఎఫ్ లో కార్యవర్గ సభ్యులుగా, పనిచేయాలని ఎవరు మాత్రం ఆశపడరు చెప్పండి. దానికోసమే ఒక తరం విజెఎఫ్ కార్యవర్గంగా పనిచేసి దిగిపోయిన దగ్గర నుంచి నేటి వరకూ ఇక్కడ కులాల ప్రాతినిధ్యం బాగా పెరిగిపోయింది. మూడు సామాజిక వర్గాలకు చెందిన జర్నలిస్టులు తప్పా మరెవరూ వీజెఎఫ్ లోకి అడుగుపెట్టడానికి ఒప్పుకోరనే విధంగా తయారైపోయింది. ఆ విధంగానే చుట్టూ కోటరీ కూడా అత్యంత బలంగా కట్టుకున్నారు కూడా. దానికోసం ఎన్నికలు ఎప్పుడు పెట్టినా ముందుగా అనుకున్న వాళ్లే విజెఎఫ్ కార్యవర్గంలో అధ్యక్షులు, కార్యదర్శిలతోపాటు ఇతర కార్యవర్గ సభ్యులుగా సీట్లు పదిలం చేసుకుంటారు. ఎన్నికల బరిలో దిగేవారు యాక్టివ్ మీడియాలో పనిచేయకపోయినా.. వారు చేసే కుల సామాజిక రాజకీయాలను వినియోగించుకొని ఎంచెక్కగా కార్యగవర్గంలో స్థానం సంపాదించుకుంటారు. దానికోసం కొత్తగా ఓటర్లను చేర్చుకోవడం దగ్గర నుంచి ప్రో మెంబర్లుగా ఇచ్చే వరకూ చాలా చక్కగా అన్ని ఏర్పాట్లు చేసుకుంటారు. ఆ విధంగా వారి ఓటు బ్యాంకు కుల కోటరీ నుంచే రప్పించుకుంటారు. అప్పటి వరకూ విజెఎఫ్ కోసం పొడిచేస్తాం..నరికేస్తాం..దున్నేస్తాం.. అని బీరాలు పోయిన జర్నలిస్టులు సైతం మన కులపోడే అక్కడు ఉండాలి.. అలా అయితేనే మన కుల సామాజిక వర్గానికి గుర్తింపు వస్తుందంటూ అక్కడివారు ఎలా చెబితే అలా ఆడే జర్నలిస్టులే తయారైపోతున్నారు. ఇక మిగిలిన కొద్ది మందీ పోరాటం చేసినా..ఫలితం మాత్రం ఆ సామాజిక వర్గానికే బలంగా వస్తుందనేది జగమెరిగిన సత్యం.

విశాఖలో ఆర్ధికంగా ఎదగడానికి విజెఎఫ్ ఒక అడ్డా..

ఒకప్పుడు విజెఎఫ్ కి..నేటి విజెఎఫ్ కి చాలా వ్యత్సాసం ఏర్పడింది. నాడు విజెఎఫ్ జర్నలిస్టుల అందరికోసం, వారి సంక్షేమం కోసం, సమస్యల కోసం పనిచేస్తే..నేటి విజెఎఫ్ కార్యవర్గం అభివ్రుద్ధి, వారి వ్యాపారాలు వ్యవహారాలు పెంచుకునే ఆర్ధిక వేదికగా పనిచేస్తుందనడంలో ఎలాంటి సందేహం లేదు. విజెఎఫ్ కార్యవర్గంగా కాకకుండా బయటకు వెళితే ఏ ఒక్కరూ గుర్తించే పరిస్థితి లేదనే విషయాన్ని తెలుసుకున్న వారంతా విజెఎఫ్ లోనే ఆస్తాన విధ్వాంసుల్లా వారి సీట్లను పదిలం చేసుకొని ఎలాంటి మీడియా సంస్థల్లోనూ యాక్టివ్ గా పనిచేయకపోయినా ఆర్ధికంగా మాత్రం ఎదుగుతున్నారనే విషయం నేడు విశాఖలోని ప్రతీ జర్నలిస్టుకూ తెలిసిన అంశం. బంగారు గుడ్లు పెట్టే బాతును ఎవరూ చంపరు..పైగా ఆ బాతును పెంచి పోషించి ఆరోగ్యంగా ఉండేలా చూసుకుంటారు. దానికోసం కుల సామాజిక వర్గాన్ని కూడా ఎంతో చక్కగా వినియోగించుకుంటారు. విజెఎఫ్ లో కూడా అదే జరగుతుంది. నిజంగా జర్నలిస్టులుగా పనిచేసేవారు ఒకరిద్దరుంటే..వారి నీడలో మిగిలినవారి కార్యకలాపాలు చాలా చక్కగా చక్కబెట్టుకుంటూ ఆర్దికంగా ఎదుగుతూ వారి వ్యాపారాలను మాత్రం అంతకంతకూ పెంచుకుంటూ పోతున్నవారే ఎక్కువ మంది ఉన్నారు. దానికోసం వారి వారి కుల సామాజిక వర్గాన్ని వినియోగించుకుంటూ.. ఎంచెక్కా పబ్బం గడిపేస్తున్నారు.

విజెఎఫ్ ఎన్నికలు ఈ సారి మామూలుగా ఉండవు..

విజెఎఫ్ కి ఎన్నికలు వస్తే ఈ సారి అసాధారణంగా నిర్వహించాలని..మళ్లీ విజెఎఫ్ కి పూర్వవైభవం తీసుకు రావాలని సీనియర్ జర్నలిస్టులు కంకణం కట్టుకున్నారు. ఏళ్ల తరబడి ఒకే కార్యవర్గం రాజ్యమేలుతుంటే దానిని చూసి తట్టుకోలేని నిజమైన, సీనియర్ జర్నలిస్టులు ఈ సారి రంగంలోకి దిగుతున్నారు. ప్రస్తుత కార్యవర్గం ఆర్ధిక, కుల సామాజిక ఎత్తులు వేసినా.. వాటిని పెకిలించుకొని ఎన్నికల బరిలో నిలవడానికి ఒక ఐదుగురు సీనియర్ జర్నలిస్టులు కార్యాచరణ సిద్ధం చేస్తున్నారు. ఆ ఐదుగురు ఒక్కసారి విజెఎఫ్ కార్యవర్గంలోకి కాలుపెడితే మరోసారి ఏ మీడియా సంస్థలోనూ పనిచేయకుండా కేవలం కార్డు జర్నలిస్టులుగా వుంటూ విజెఎఫ్ పేరుతో పబ్బం గడిపే చాలా మంది కార్యవర్గ సభ్యుల ఆగడాలకు తెరపడటం ఖాయంగానే కనిపిస్తుంది. విజెఎఫ్ అంటే జర్నలిస్టుల సంక్షేమం కనిపించాలి గానీ.. కార్యవర్గ సంక్షేమం, కార్డు జర్నలిస్టుల పాలన, వారి వారి ప్రైవేటు సంస్థల అభివ్రుద్ధి మాత్రం కనిపించకూడదని బలంగా నమ్మే ఆ ఐదుగురూ రంగంలోకి దిగితే వార్ కూడా వన్ సైడ్ అయిపోతుందనే టాక్ మొదలైంది. త్వరలో జరగబోయే విజెఎఫ్ ఎన్నికల్లో ఎవరు నిలబడినా..తమ స్థానాలను తమ కుల సామాజిక జర్నలిస్టులే పదిలంగా ఉంచుతారని భావిస్తున్న కార్డు జర్నలిస్టులుకూడా వారి ఎత్తులు వారు వేసుకుంటున్నారు. ఎప్పుడు ఎన్నికలు వచ్చినా..అసలు ఎన్నికలే లేకుండా ఇన్నేళ్లు కోర్టు మూసలో నెట్టుకొచ్చేసిన వైనాన్ని ప్రతీ సభ్యుడికీ తెలియజేస్తూ.. అసలు జర్నలిస్టుల వెల్ఫేర్ అసోసియేషన్ అంటే వర్కింగ్ జర్నలిస్టులు మాత్రమే ఉండాలనే నిబంధన అమలు చేసి తీరుతామని ఎన్నికల బరిలోకి దిగే ఆ ఐదుగురు జర్నలిస్టులూ బాహాటంగానే చెబుతున్నారు. ఆ ఐదుగురు నిజంగా రంగంలోకి దిగితే మాత్రం  ఈ దఫా కార్డు జర్నలిస్టులు పలాయనం చిత్తగించడం ఖాయంగానే కనిపిస్తుంది. చూడాలి.. ఈసారి జరిగే విజెఎఫ్ ఎన్నికలు జర్నలిస్టుల మధ్య జరుగుతాయో.. కుల, కార్డు జర్నలిస్టుల మధ్య జరుగుతాయనేది..?!