మద్యపానం నిషేదంచేసి 175 నియోజకవర్గాల్లో వైఎస్సార్సీపీ ఎమ్మెల్యేలుగా నామినేషన్ వేసే దమ్ము ఉందా అని రాష్ట్ర మహిళా అధ్యక్షరాలు వంగలపూడి అనిత సవాల్ విసిరారు. మంగళవారం విశాఖలోని టిడిపి కార్యాలయంలో ఆమె మీడియాతో మాట్లాడారు. దశలవారిగా మద్యపా నం నిషేదం అని.. మద్యాపానం నిషేదంపై అధికారులతో ఒక్కసారైనా సమీక్ష పెట్టారా? అని ప్రశ్నించారు. కల్తీ మద్యంతో మహిళల తాళిబొట్ల తో వైఎస్సార్సీపీ సర్కారు ఆడుకుంటోందని ఆగ్రహం వ్యక్తం చేశారు. మద్యం తయారీలో రూ.18 వేలకోట్ల జగన్ జోబుకు వేసుకుంటున్నార న్నారు. ప్రజా సంకల్ప యాత్రలో జగన్ మోహన్ రెడ్డి మద్యాన్ని తరమికొడతామని చెప్పి మద్య నిషేధం చేయకపోగా విచ్చలవిడిగా అమ్మకాలు చేస్తూ మహిళల ఉసురు పోసుకోకుంటున్నారని అన్నారు. జిల్లా తెలుగు మహిళ అధ్యక్షురాలు సర్వసిద్ధి అనంతలక్ష్మి, దక్షిణ నియోజకవర్గ మ హిళా అధ్యక్షురాలు కె.లక్ష్మి, గణగల్లా సత్య, ఈతలపాక సుజాత, ప్రమీల, రత్నం తదితరులు పాల్గొన్నారు.
