చట్టం ముందు అందరూ సమానమనే అన్న సూత్రాన్ని విస్మరించి న్యాయవ్యవస్థ పక్షపాతంతో వ్యవహరిస్తోందని వైఎస్ఆర్ కాంగ్రెస్ పార్టీ పార్లమెంటరీ పార్టీ నేత విజయసాయి రెడ్డి చెప్పారు. గురువారం పార్లమెంట్‌ వద్ద విజయసాయిరెడ్డి  మీడియాతో మాట్లాడారు.  తాను ఏ జడ్జికి ఉద్దేశాలు ఆపాదించడం లేదన్న ఆయన అసాధారణ  పరిస్థితుల్లో మాత్రమే నిషేధం విధిస్తారని వివరించారు. న్యాయ స్థానాలు పౌరుల ప్రాథమిక హక్కులను హరిస్తున్నారని, మీడియా నోరు నొక్కు తున్నాయని, ఆవేదన వెలిబుచ్చారు. ధర్మాన్ని కాపాడాల్సిన న్యాయవ్యవస్థ  పక్షపాతంతో వ్యవహరిస్తోందని చెప్పారు. తాజా వివాదంపై కేంద్ర ప్రభుత్వం జోక్యం చేసుకోవాలని కోరారు.  ఆంధ్రప్రదేశ్‌లో న్యాయ వ్యవస్థ నిష్పక్షపాతంగా వ్యవహరించడం లేదని రాజ్యసభలో ఆయన వ్యాఖ్యానించిన అనంతరం బయట మీడియాతో మాట్లాడారు. ఆంధ్రప్రదేశ్‌ హైకోర్టు తాజాగా విధించిన ఉత్తర్వులపై న్యాయపరమైన అనేక ప్రశ్నలు ఉత్పన్నమవుతున్నాయన్న ఆయన ఈ విధంగా ముందుకెళితే న్యాయవ్యవస్థ ద్వారా ప్రభుత్వాలు, తద్వారా ప్రజలకు ఏం చేస్తుందనే అనుమానాలు ఉత్పన్నమవుతాయని పేర్కొన్నారు.