ఆంధ్రప్రదేశ్ ప్రభుత్వం పోలీస్ శాఖకు మరింత టెక్నాలజీని జోడిస్తోంది. ప్రజలకు పూర్తిస్థాయిలో సేవలు అందించడానికి యావత్ సాంకేతిక వ్యవస్థనే మార్చే పని లో నిమగ్నమైంది. ఈమేరకు సోమవారం ముఖ్యమంత్రి క్యాంపు కార్యాలయంలో నిర్వహించిన కార్యక్రమంలో పోలీసుశాఖకు అత్యాధునిక శాటిలైట్ ఫోన్లను డిజిపి గౌతం సవాంగ్ కు అందించారు. ఈ సందర్భంగా సీఎం వైఎస్ జగన్మోహనరెడ్డి మాట్లాడుతూ, ట్‌ ఆఫ్‌ ది ఆర్ట్‌ టెక్నాలజీ రాష్ట్ర పోలీసులకు అందుబాటులోకి తెచ్చి రిమోట్‌ ఏరియా కమ్యూనికేషన్లు, వాహనాలకు జీపీఎస్, శాటిలైట్‌ ఫోన్ల వ్యవస్థ ఏర్పాటు చేశామని వివరించారు. అత్యవసర సమయంలో ఈ ఫోన్లు పోలీసులకు ఎంతగానో ఉపయోగపడతాయన్నారు. ఎలాంటి పరిస్థితిలోనైనా కమ్యునికేట్ చేయడానికి శాటిలైట్ ఫోన్లు పోలీసుశాఖకు అందుబాటులో ఉండాలనే లక్ష్యంతో వీటిని అందుబాటులోకి తెచ్చినట్టు వివరించారు. ఎలాంటి విపత్తులోనైనా ఈ శాటిలైట్ ఫోన్లు పనిచేస్తాయని సీఎం వివరించారు. కార్యక్రమంలో హోంశాఖ మంత్రి మేకతోటి సుచరిత తదితరులు పాల్గొన్నారు.