తెలంగాణలోని ఆర్టీసీ ప్రయాణికులకు అక్కడి యాజమాన్యం గుడ్ న్యూస్ అందించింది. ప్రయాణీకులు ముందస్తు రిజర్వేషన్లపై రాయితీలు ప్రకటించింది. 31 రోజుల నుంచి 45 రోజుల ముందు టికెట్ రిజర్వేషన్ చేసుకుంటే టికెట్ పై 5% రాయితీ, 46 రోజుల నుంచి 60 రోజుల ముందు టికెట్ బుక్ చేసుకుంటే 10% డిస్కౌంట్ ఇస్తామని ప్రకటించింది. ముందస్తు రిజర్వేషన్ సదుపాయం ఉన్న బస్సులకు ఈ రాయితీ వర్తించనుంది. ఈ మేరకు ఓపీఆర్ఎస్ సాఫ్ట్ వేర్ ను టీఎస్ ఆర్టీసీ అప్ డేట్ చేసింది. ఈ అవకాశాన్ని దూర ప్రయాణాలు చేసుకునేవారు పూర్తిస్థాయిలో సద్వినియోగం చేసుకోవాలని టిఎస్ ఆర్టీసీ కోరుతోంది..!
