తిరుమల శ్రీవారిని జనవరి నెలలో దర్శించుకున్న భక్తుల సంఖ్య 20.78 లక్షలు మందిగా నమోదు అయ్యారని టిటిడి ఈఓ ధర్మారెడ్డి తెలియజేశారు. డయల్ యువర్ ఈఓ అనంతరం ఆయన స్వామివారి జనవరి నెల వివరాలను తెలియజేశారు. హుండీ ద్వారా వచ్చిన కానుకలు రూ.123.07 కోట్లు, లడ్డూలు విక్రయించిన శ్రీవారి లడ్డూల సంఖ్య 1.07 కోట్లు, అన్నప్రసాదం స్వీకరించిన భక్తుల సంఖ్య 37.38 లక్షలు, కల్యాణకట్టలో తలనీలాలు సమర్పించిన భక్తుల సంఖ్య 7.51 లక్షల మందిగా నమోదు అయ్యారని పేర్కొన్నారు. భక్తులకు ఎక్కడా ఇబ్బంది లేకుండా సర్వదర్శనాలు కొనసాగుతున్నాయని ఈఓ వివరించారు.
