తిరుమల శ్రీవారి సర్వదర్శనం, లడ్డూప్రసాదం, గదుల కేటాయింపు, రీఫండ్ చెల్లింపు తదితర అంశాల్లో మరింత పారదర్శకత పెంచేందుకు వీలుగా మార్చి ఒకటో తేదీ నుంచి ఫేస్ రికగ్నిషన్ టెక్నాలజీని టిటిడి ప్రయోగాత్మకంగా అమలు చేయనుంది. సర్వదర్శనం కాంప్లెక్స్ లో ఒకే వ్యక్తి అధిక లడ్డు టోకెన్లు పొందకుండా నివారించడానికి మరియు గదుల కేటాయింపు కేంద్రాలు వద్ద, కాషన్ డిపాజిట్ కౌంటర్ల వద్ద ఈ టెక్నాలజీని వినియోగిస్తారు. దీనికోసం టిటిడి ఇప్పటికే ఏర్పాట్లు పూర్తిచేసింది. నెలాఖరు నాటికి గుర్తించి ప్రాంతాల్లో ఫేస్ రికగ్నైజేషన్ బయో మెట్రిక్ యూనిట్లను ఏర్పాటు టెక్నాలజీని వినియోగించనున్నారు. ప్రయోగం పూర్తయితే టిటిడిలో అన్నిచోట్ల దీనినే ఏర్పాటు చేయాలని టిటిడి భావిస్తోంది.