మెడికో ప్రీతి అంత్యక్రియలు జనగాం జిల్లా కొడకండ్ల మండలం గిర్నితండా గ్రామంలో సోమవారం మధ్యాహ్నాం ముగిశాయి. డాక్టర్ ప్రీతిని చివ రి సారిగా చూసేందుకు జనం తండోప తండాలుగా గ్రామానికి చేరుకున్నారు. కుటుంబ సభ్యుల అశ్రునయనాలు, స్నేహితుల కన్నీటి వీడ్కోలు మధ్య అంత్యక్రియలు చేపట్టారు. ప్రీతిని చూడటానికి వచ్చిన వారంతా ర్యాగింగ్ భూతానికి ఇంకా ఎంత మంది బలైతే ప్రభుత్వం కఠిన చర్య లు తీసుకుంటుందోనంటూ ఆక్షేపించారు. అవాంఛనీయ ఘటనలు జరగకుండా పోలీసు బందోబస్తు ఏర్పాటు చేశారు. విగతజీవిగా మారిన ప్రతీ పార్దీవశరీరాన్ని చూస్తూ రోధించిన తల్లిదండ్రులు, కుటుంబ సభ్యులు బాధ వర్ణణాతీతం అయ్యింది. వాళ్లని ఊరుకోపించడం ఎవరితరం కాలేకపోయింది. ఈ సంఘటన మొత్తం చూపరులను సైతం కంటతడిపెట్టేలా చేసింది. ర్యాగింగ్ కు పాల్పడిన సైఫ్ తల్లిండ్రుల పెంపకం వలన డాక్టర్ అయిన ప్రజలకు ప్రాణాలు పోయాల్సిన మహిళ తనువు చాలిందంటూ ఆగ్రహం వ్యక్తం చేశారు.
