ఆంధ్రప్రదేశ్ లోని ప్రభుత్వ ఉద్యోగులు, ఉపాధ్యాయులు, పెన్షనర్లకు 2022 జనవరి 1 నుంచి ఇవ్వాల్సిన డిఏను మంజూరు చేస్తూ ప్రభుత్వం ఉత్తర్వులు జారీ చేసింది. జిఓఎంఎస్ నెంబరు66 ద్వారా ఉద్యోగులకు, డిఏజిఓఎంఎస్ నెంబరు 67 ద్వారా పెన్షనర్లకు డిఆర్ 2.73% మంజూరు చేశారు. ఈ కొత్త డిఏ ను జూలై 1, 2023 నుంచి జీతంతో కలిపి ఇస్తారని ఉత్తర్వుల్లో పేర్కొంది. జనవరి 2022 నుంచి జూన్ 2023 వరకు ఇవ్వాల్సిన డిఏ బకాయిలను సెప్టెంబర్, డిసెంబర్, మార్చి నెలల్లో 3 సమాన వాయిదాలలో ఈ ఆర్థిక సంవత్సరంలోనే చెల్లిస్తారు. ఈ కొత్త డిఏతో కలిపి ఉద్యోగుల మొత్తం డిఏ మొత్తం 22.75% అవుతుంది.
