మీడియా అంటే ఫోర్త్‌ ఫిల్లర్‌ ఆఫ్‌ ది సొసైటీ..కనీసం ఆ విషయం రాజ్యసభ్యుడు వి.విజయసాయిరెడ్డికి తెలిసుండకపోవచ్చు...తనపై వచ్చిన ఆరోపణలో ప్రెష్టేషన్‌ లో.. వార్తలను పదే పదే వేసినందుకు బాగా ఫీలై ఉండొచ్చు..ఆ సమయంలో విచక్షణ కోల్పోయి జర్నలిస్టులను అరే య్‌.. తురేయ్‌ అంటే..అదే ప్రెస్‌ మీట్‌ లో ఉన్న తేడా జర్నలిస్టులకు కనీసం చీమైనా కుట్టలేదా..పైగా ఇక ఇకలు పక పకలూనా.. ఈరోజు ఎవరో జర్నలిస్టుని అరేయ్ అన్న రాజకీయనాయకుడు..రేపు నన్నూ అనడని గ్యారెంటీ ఏంటి..? అయినా పెతోడికి జర్నలిస్టులను నోటికొచ్చి నట్టు మాట్లాడటం ఫ్యాషన్‌ అయిపోయింది. ఆ ప్రెస్‌ మీట్‌ లో జర్నలిస్టులను అరేయ్ తురేయ్‌ అన్నప్పుడు నిజమైన జర్నలిస్టులు అక్కడ ఉండి ఉంటే ఆ మాటలను ఖండిరచేవారేమో.. లేదంటే.. జర్నలిస్టుని అరేయ్ అన్నందుకు..ముందేదో చెప్పావ్‌ కదరా..ఒక్కసారి మళ్లీ చెప్పరా అని తిరిగి ప్రశ్నించి ఉంటే అరేయ్ అన్న మాట విన్నందుకు ఎక్కడ మండాలో అక్కడ మండేది.
బహుసా ఆ ప్రెస్‌ మీట్‌ లో నిజమైన జర్నలిస్టులు లేకపోవడం వలనే విజయసాయిరెడ్డి అంత దైర్యంగా తనపై వచ్చిన ఆరోనపణల విషయం వివరణిస్తూ.. ఎంట్రా అనేవారు కాదేమో. బహుసా అక్కడ జర్నలిస్టులెవరూ ఉన్నట్టుగా లేదు. పైగా టివి ఛానళ్లు సైతం ఈ విషయాన్ని రీల్స్‌ గా చేసి మరీ ప్రచారం చేశాయి. బహుసా సదరు టివి ఛానళ్లలో పనిచేసేవారూ జర్నలిస్టులు కారేమో.. లేదంటే జర్నలిస్టులని లైవ్‌ లో అరేయ్.. ఏంట్రా.. చెప్పరా.. వాడ్ని అడగరా అన్నప్పుడే..చాలు చాల్లేరా.. అనుంటే అరేయ్ మాట ఎంత గౌరవంగా ఉండేదో తెలిసి వచ్చేది. తనపై సదరు జర్నలిస్టు తప్పుడు కధనాలే ప్రచురించి, ప్రసారం చేసి ఉండొచ్చు గాక.. అంతమాత్రాన కనీస గౌరవం మరిచిపోయి ప్రెస్‌ మీట్‌ లోనే జర్నలిస్టుని ఏరా అంటే అక్కడున్న తేడా జర్నలిస్టు మాట్లాడలేదంటే భయమా.. ఇంకేమైనానా..? ఇంకేమైనా అంటే ఇటీవలన ఎన్నికల సమయంలో నిజమైన జర్నలిస్టులను కాకుండా కాస్త తేడాగాళ్లే తీసుకెళ్లి మరీ ప్యాకేజీలిచ్చినందుకు సిగ్గుమాలిన గౌరవం చూపించి ఉండవచ్చు.
పనికిమాలిన వాళ్లు, చేవలేని వాళ్లు, చేత కానీ వాళ్లు ఒక జర్నలిస్టుని అరేయ్ అంటే రుకుంటారేమోగానీ..దమ్మున్న జర్నలిస్టులెవరూ ఆ మాట అనిపించుకోరు. ఒక వేళ విజయసాయిరెడ్డికి అక్కడున్న జర్నలిస్టులకు కుటుంబ సంబంధాలు ఉండి ఉంటే అపుడు ఏంట్రా అని ఆప్యాయతగా పిలుచుకోవచ్చు. అదీ ప్రెస్‌ మీట్‌ లో కాకుండా ఏ బయటనో..అది నిజంగా ప్రేమకి, అభిమానాలకి, గౌరవానికి అద్దంలా కనిపిస్తుంది. అధికారంలో ఉన్నప్పుడు జర్నలిస్టుల కోసం ఏం చేశారని.. జర్నలిస్టులను ఏం ఉద్దరించారని అరేయ్.. ఏరా.. చెప్పరా.. వాడ్ని అడగరా.. నీకేంట్రా అని గౌరవంగా సంబోధిస్తున్నారో తెలియడం లేదు గానీ ఒక రాజ్యసభ సభ్యుడిగా మీడియాకి ఇచ్చే గౌరవం మీ దృష్టిలో ఇలా వుంటుందని ఇపుడే తెలిసింది. ఆధారాలు లేని వార్త కథనాలు ప్రచురించినపుడు, ప్రసారం చేసినపుడు సదరు మీడియాపై కన్నెర్ర చెయ్‌, కేసులు వెయ్‌ ఆ సమయంలో మిగిలిన జర్నలిస్టులు మీకు సహాయం చేసేవారేమో. కానీ ఇదేంటండీ మరీ ఇంత దారుణంగా దిగజారిపోయి జర్నలిస్టులను అరేయ్, ఒరేయ్ అనడం ఏంటి. అసలు మీకేమీ అనిపించలేదు..నిజమైన, నికార్శైన జర్నలిస్టు మీకు ఎదురు పడలేదా.. అలా పడి ఉంటే ఈ రకమైన సంబోధన వచ్చేది కాదేమో.
ఒక్కసారి ఆత్మ విమర్శ చేసుకోండి విజయసాయిరెడ్డి..జర్నలిస్టులను ప్రెస్‌ మీట్‌ లో అరేయ్ ఎందుకు పిలిచారో. ఆ సంబోధనతో మీపై ఉన్న ఆ కొద్దిపాటి గౌరవం కూడా పోగొట్టుకున్నారు. రేప్పొద్దున సైరా మీడియా వస్తే..ఏదో వార్త మీ పత్రికలోనూ, టివిలోనూ వేస్తే..అవతలి వాడు కూడా మిమ్మల్ని నోటికొచ్చినట్టు మాట్లాడే సంబదర్భంలో ఆ.. సైరా గాడు అంటే మీకు ఎంత విలువ తక్కువగా ఉంటుంది. మీడియాలో వస్తున్నామంటున్నారే ఇదేరకమైన వ్యవహారం మీ మీడియాలోనూ, నేతలను, వార్తలను వేస్తారా..? మీ ప్రెస్‌ మీట్‌ లో ఉన్న జర్నలిస్టులకు మంచివారేమో... మీకు గౌరవం ఇచ్చారేమో.. మీ పదవికి హోదా ఇచ్చారేమో..అంతే తప్పా..జర్నలిస్టులంటే చేతకానివారని మాత్రం అనుకోవద్దు. మీ గౌరవం నిలబడాలంటే అరేయ్ అన్నమాటను వెనక్కి తీసుకోండి. లేదంటే ఖచ్చితంగా ఏదో ఒకరోజు మిమ్మల్ని మీరు పెట్టే ప్రెస్‌ మీట్‌ లోనే నిజమైన జర్నలిస్టు కూడా చాలు చాల్లేరా చెప్పొచ్చావు నీతులు అనేస్తారేమో..పద్దతి...పద్దతిగా ఉంటే మీడియాలోకి రాబోతున్న మీకు మరింత విలువ పెరుగుతుంది. లేదంటే ఉన్న విలువ పోయి..నేల టిక్కెట్టు ముద్రపడిపోతారు.. ఇదేదో మిమ్మల్ని కావాలని అంటున్న మాటలు కావు. నిజమైన జర్నలిస్టుల ఆవేదన మాత్రమే అర్ధం చేసుకుంటారని మాత్రమే సుమీ..?
అటు చాలా మంది పోలీసుల్లోనూ రేయ్‌ అనే సంభోదనలు రావడం వెనుక కొందరు జర్నలిస్టుల చేత కాని తనమే కనిపిస్తోంది. నిజమైన జర్నలిస్టులు ఎవరికైతే పబ్లిసిటీ ఇస్తున్నారో.. వారు జర్నలిస్టులను చాలా గౌరవించాలి. అలా కాకుండా అరేయ్ అనేస్థాయికి వస్తున్నారంటే..పరిస్థితి కొందరు తేడా జర్నలిస్టులు, తేడా పోలీసులు, మరికొందరు తేడా రాజకీయ నాయకుల వలనే జర్నలిస్టుల గౌరవం దెబ్బతింటున్నదనే విషయంలో ప్రెస్‌ మీట్‌ లో జర్నలిస్టులను అరేయ్ అన్నప్పుడు మిగతా జర్నలిస్టులు దానిని ఖండిరచకపోవడం, కనీసం జర్నలిస్టు సంఘాలు సైతం ఖండిరచపోవడం చూస్తుంటే జర్నలిస్టులు రేపు పొద్దున్న పెతోడూ అరేయ్.. ఏరా.. రారా..పోరా అని చాలా గౌరవంగా పిలిచే రోజులొచ్చేస్తాయేమో కదా. రాజకీయ నాయకులు వారి హోదాని వారు కాపాడుకుంటే మంచిది. లేదంటే ఏ జర్నలిస్టులను అయితే ఒరేయ్ అని పిలుస్తున్నారో తిరిగి జర్నలిస్టులు కూడా అరేయ్ అని మర్యాదగా పిలిచి గౌరవించేస్తారు.. అదీ నిజమైన జర్నలిస్టులైతేనే..అదే తేడా జర్నలిస్టులైతే మాత్రం ఎంపీ విజయసాయిరెడ్డి ప్రెస్‌ మీట్‌ లోజర్నలిస్టులను అరేయ్..ఏంట్రా అంటే మాత్రం చాలా చక్కగా చేతగాని జర్నలిస్టు ఛానల్‌ లోగో పట్టుకున్నట్టుగా.. అక్షరం రానివాడు జర్నలిస్టు అయిపోయినట్టుగా.. నేతలకు ఊడిగం చేసే సోకాల్డ్‌ మీడియాగా పూర్తిగా ఇక ఇకలు.. పక పకలు నవ్వుకుంటూ అవతలి రాజకీయనాయకుడు, అధికారి, పోలీస్‌, ఇంకా వగైరాలు ఎవరైనా అరేయ్, ఒరేయ్ అంటే.. స్టైల్‌ గా దులుపుకొని వచ్చేయొచ్చు కదా ఏమంటారు ..!
