ఆయుష్ శాఖలో కాదేదీ అక్రమాలకు అనర్హం.. ఇక్కడి అధికారులు తలచుకుంటే.. నిభందనలన్నీ పక్కకి వెళ్లిపోతాయి.. అనుకున్నవారిని అందలం ఎక్కించేసి.. అర్హతులన్నవారిని తొక్కేస్తారు.. కాసులిస్తే చాలు సీనియారిటీని కూడా కాదని అవకాశం లేనివారిని సైతం అనుకున్న సీట్లో కూర్చోబెడతారు.. సరిగ్గా ఆర్డీడిల నియామకాల విషయంలోనూ అదే జరిగింది. రెగ్యులర్ ఆర్డీడిలకైతే ప్రభుత్వ నిబంధనలు అమలు చేయాల్సి వస్తుందని.. తాము అనుకున్నవారికి అవకాశం రాదని భావించిన ఆయుష్ కమిషనరేట్ అధికారులు దొడ్డిదారిన ఇన్చార్జి ఆర్డీలను కాసులకి కక్కుర్తిపడి నియమించేశారు. అదీ అవినీతి ఆరోపణలు ఎదుర్కొని ప్రభుత్వశాఖ నుంచి వెదొలగిన గత కమిషనర్ డా.ఎస్బీ.రాజేంద్ర కుమార్ లంగిశెట్టి ఆధ్వర్యంలోనే జరిగిపోవడం విశేషం. ఫలితంగా సీనియారి జాబితాలో ఉన్న యునానీ, హోమియో సీనియర్ మెడికల్ ఆఫీసర్లకు పదోన్నతులు రాకుండాపోయాయి..!
ఆంధ్రప్రదేశ్ ప్రభుత్వంలోని ఆయుష్ శాఖలోని కమిషనరేట్ అవినీతి అక్రమాలు పెచ్చుమీరి పోతున్నా.. కూటమి ప్రభుత్వం కూడా ఎలాంటి చర్యలు తీసుకోకపోవడం ఇపుడు రాష్ట్రవ్యాప్తంగా హాట్ టాపిక్ అయ్యింది. సీనియర్ మెడికల్ ఆఫీసర్లు, పదోన్నతులకు అర్హత ఉన్నవారిని కాదని కాసులిచ్చిన వారికి దొడ్డిదారిలో ఇన్చార్జి ఆర్డీడి పోస్టులు కట్టబెట్టేశారు గత అవినీతి ఆయుష్ కమిషనర్ అదీ కూడా ఆయన సదరు శాఖనుంచి అక్రమాల కేసు విషయమై వైదొలగి పోతూ.. ఎవరికీ అనుమానం రాకుండా ముందుగానే కొందరు సినియర్ మెడికల్ ఆఫీసర్లతో ములాఖత్ అయి.. పదోన్నతులు ఇవ్వాల్సిన వారిని కాకుండా రాష్ట్రంలోని నాలుగు జోన్లలోనూ ఆయుర్వేద డాక్టర్లనే ఇన్చార్జి ఆర్డీడిలుగా నియమిస్తూ ఉత్తర్వులు జారీచేశారు.
దీనితో పదోన్నతులు రావాల్సి యునాని, హోమియో సీనియర్ మెడికల్ ఆఫీసర్లకు తీవ్ర అన్యాయం జరిగింది. ఈ ఇన్చార్జి నియమాకాల కోసం కొందరు ఆర్డీడిలు రూ.5 లక్షల వరకూ గత కమిషనర్ కు ముడుపులు ఇచ్చినట్టు చెబుతున్నారు. ఆ కారణంగా డిప్యూటేషన్లు రద్దు చేసి మరీ ఇన్చార్జి ఆర్డీడిలుగా నియామకాలు జరిపారని అర్హత ఉన్న సీనియర్ మెడికల్ ఆఫీసర్లు నెత్తీ నోరూ కొట్టుకుంటున్నారు. ఆయుష్ శాఖలో జరిగిన ఈ అవినీతి వ్యవహారాలపై అధికారిక సమాచారం, సీనియారిటీ, రోస్టర్ విధానం, పదోన్నతి ఎవరికి రావాలి.. మరెవరికి ఇచ్చారనే విషయంలో సీనియర్ మెడికల్ ఆఫీసర్లు కమిషనరేట్ లోని అధికారులను ప్రశ్నిస్తే.. అలాంటివారిపై వేధింపులకి దిగుతున్నారని సమాచారం వస్తోంది. ముఖ్యంగా విశాఖ రీజియన్ పరిధిలోని ఆర్డీడి డాక్టర్లను టార్గెట్ చేస్తూ వేధిస్తున్నట్టు సిబ్బంది, వైద్యులు వాపోతున్నారు.
వాస్తవానికి ఇక్కడ ఆర్డీడి పోస్టు ఇన్చార్జి విధానంలో నియామకం జరిగింది. అంటే సదరు వైద్యాధికారిణి చేస్తున్న మెడికల్ ఆఫీసర్ పోస్టు చేస్తూనే ఇన్చార్జి ఆర్డీడిగా విధులు నిర్వహించాలి. అలాకాకుండా మెడికల్ ఆఫీసర్ గా చేయాల్సి కెజిహెచ్ లోని పోస్టుని గాలికొదిలేసి ఫుల్ టైమ్ ఆర్డీడిగా పనిచేసేస్తున్నారు. అంతేకాకుండా సంబంధం లేని విషయాల్లోనూ వేలుపెట్టి ఎడాపెడా మామూళ్లు బెదిరించి వసూళ్లకు పాల్పుడుతున్నారని కూడా ప్రైవేటు మెడికల్ షాపులు నిర్వాహకులు ఫిర్యాదులు చేస్తున్నారు. అయితే వారి ఫిర్యాదులన్నీ కమిషనరేట్ లో బుట్టదాఖలవుతున్నాయని.. అడ్డదారిలో వచ్చిన ఆర్డీడిలపై ఎవరు ఏ ఫిర్యాదు చేసినా పనిగట్టుకొని వాటిని కమిషనర్ వరకూ చేరకుండా అక్కడ ఇద్దురు అధికారులు, ముగ్గురు క్రిందిస్థాయి సిబ్బంది పనిచేస్తున్నారనే ఆరోపణలున్నాయి.
సీనియారిటీ లిస్టుని కాదని.. అనుకున్నవారికి ఇన్చార్జి ఆర్డీడి పోస్టులు కట్టబెట్టినందుకు కావాలని ఫిర్యాదులు చేస్తున్నారని కమిషనర్ ను కూడా తప్పుదారి పట్టిస్తున్నారని కూడా సమాచారం అందుతుంది. అయితే గత కమిషనర్ హయాంలో జరిగిన అవినీతి ఆరోపణలకు సహకారం అందించిన వారికి, కాస్త కాసులు గట్టిగా ఇచ్చినవారికే ప్రస్తుతం ఇన్చార్జి ఆర్డీడిలుగా నియామకాలు ఇచ్చారని తెలుస్తుంది. ప్రస్తుతం ఈ వ్యవహారం సీఎంఓ వరకూ వెళ్లింది. ఇటు డిప్యూటీ సీఎం కార్యాలయంతోపాటు వైద్యఆరోగ్యశాఖ ముఖ్య కార్యదర్శి కార్యాలయం, డిప్యూటీ సీఎం కార్యాలయానికి ఫిర్యాదులు అందడటంతోపాటు, వాటి నకలను మీడియాకి కూడా బాధితులు పంపడం విశేషం.
ఒక్క ఇన్చార్జి ఆర్డీడిల నియామకాలకే లక్షల్లో మామూళ్లు తీసుకుంటే.. రెగ్యులర్ ఆర్డీడి పోస్టులు సినీయారిటి ప్రకారం ఇవ్వాలంటే ఇంకెంత డిమాండ్ చేస్తోరోననే చర్చ జరుగుతున్నది. పెద్ద మొత్తంతో ఖర్చుచేసి ఆర్డీడి సీట్ లోకి వచ్చామని.. పెట్టిన ఖర్చంతా మెడికల్ ఆఫీసర్ లనుంచి కాకుండా మెరెవరి దగ్గర నుంచి వసూలు చేస్తామని ఆర్డీడి కార్యాలయ సిబ్బంది తోనే ఆర్డీడి వారి పరిధిలోని మెడికల్ ఆఫీసర్లును బెదిరిస్తున్నట్టు ఫిర్యాదులు వస్తున్నాయి. దొడ్డిదారిన వచ్చిన ఇన్చార్జి ఆర్డీడి నియామకాలపై ప్రస్తుత ఆయుష్ కమిషనర్ పూర్తిస్థాయిలో దృష్టిసారిస్తే వాస్తవాలు వెలుగు చేసే అవకాశాలున్నాయి..!
