ఆంధ్రప్రదేశ్ లోని కూటమి ప్రభుత్వం గ్రామ సచివాలయ ఉద్యోగుల పట్ల కరుణ చూపించింది. డిప్యూటీ సీఎం, పంచాయతీరాజ్ శాఖ మంత్రి కొణిదల పవన్ కళ్యాణ్ చొరవతో సచివాలయ కార్యదర్శిలకు ప్రమోషన్ కి లైన్ క్లియర్ అయ్యింది. త్వరలో భారీగా ఏర్పడుతున్న ఖాళీలు, ఇన్చార్జి కార్యదర్శిలతో నడుస్తున్న పంచాయతీలకు మోక్షం కల్పించడానికి ప్రత్యేక చర్యలు తీసుకోవడంతో గ్రేడ్-5 ఉద్యోగులకు మొదటి పదోన్నతి లభించింది. ఈ విషయంలో ఈరోజు-ఈఎన్ఎస్ అందించిన ప్రత్యేక కథనాలు కూడా ప్రభుత్వాన్ని కూడా ఆలోచింప జేశాయి.  ఉద్యోగాలిచ్చి పదోన్నతులు ఇవ్వకుండా దారీ తెన్నూలేకుండా వదిలేసిన గత ప్రభుత్వ పరిపాలనకు భిన్నంగా కూటమి ప్రభుత్వం సచివాలయ ఉద్యోగులకు పదోన్నతులు ఇస్తూ తీపి కబురు చెప్పింది. 

గ్రామ, వార్డు సచివాలయ శాఖ ఆంధ్రప్రదేశ్ ప్రభుత్వంలో ఏర్పాటైన దగ్గర నుంచి ఈశాఖ ఉద్యోగులు, వారి ఇబ్బందులు, ప్రభుత్వం చేస్తున్న కార్యకలాపాలు, పరిపాలన ఇలా అన్ని కోణాల్లోనూ ఏ మీడియా సంస్థ రాయని విధంగా ఈరోజు-ఈఎన్ఎస్ ప్రత్యేక కథనాలు ప్రచురిస్తూ వస్తున్నది. ఒక రకంగా చెప్పాలంటే రాష్ట్రప్రభుత్వంలోని జిఏడి(జనరల్ అడ్మిస్ట్రేషన్ డిపార్ట్) ని ప్రతీ విషయంలోనూ తట్టి లేపుతున్నది. ఉద్యోగుల సర్వీసుల క్రమబద్దీకరణ దగ్గర నుంచి వీరికి సర్వీసు రూల్స్ లేని విధానం, ప్రమోషన్ ఛానల్ ఏర్పాటు చేయని విధానం, పీఆర్సీ ఇచ్చినా ప్రయోజనాలు కల్పించని అంశం, సర్వీసు రెగ్యులర్ అయిన తరువాత ఇవ్వాల్సిన రెండు నోషనల్ ఇంక్రిమెంట్ల విషయం ఇలా అన్ని విషయాల్లో ఉద్యోగులకు జరిగిన అన్యాయాలను ప్రభుత్వం దృష్టికి తీసుకెళ్లడంలోనూ.. సంబంధిత శాఖ మంత్రులు, జిల్లా కలెక్టర్లు, మున్సిపల్ కమిషనర్ల దృష్టికి తీసుకెళ్లడంలో కూడా ఎంతో బాధ్యత వహించింది. 

రాజ్యాంగ బద్దంగా సచివాలయ ఉద్యోగులకు ప్రభుత్వం కల్పించాల్సిన సర్వీస్ రూల్స్, ప్రమోషన్ ఛానల్, పేస్కేలు అమలు వంటి అంశాలను ప్రభుత్వం చేస్తున్న ఆలస్యం విషయంలో ప్రత్యేక  కథనాలతో ప్రభుత్వం దృష్టికి తీసుకెళుతూ వచ్చింది. దాని ఫలితంగా ఇపుడు గ్రేడ్-5 పంచాయతీ కార్యదర్శిలకు ఇపుడు గ్రేడ్-4 కార్యదర్శిలుగా పదోన్నతులు లభిస్తున్నాయి. ఇప్పటికే జిల్లా కలెక్టర్లకు ప్రభుత్వం ఆదేశాలు కూడా జారీచేసింది. గ్రామ, వార్డు సచివాలయ ఉద్యోగులకి గత ప్రభుత్వంలోనూ ఒకరిద్దరికి పదోన్నతులు ఇచ్చి మిగిలిన విభాగాల ఉద్యోగులను ఊరిస్తూ వచ్చి ఆఖరికి చేతులెత్తేసింది. తర్వాత అధికారంలోకి వచ్చిన కూటమి సర్కారు సచివాలయాలను రేషనలైజేషన్ చేయడంతోపాటు, ఉద్యోగులకు పదోన్నతులు కల్పించాలని మొదటిగా  ఇన్ సర్వీసు పూర్తి చేసుకున్న ఏఎన్ఎంలకు స్టాప్ నర్సులుగానూ, ఇపడు  గ్రేడ్-5 పంచాయతీ కార్యదర్శిలకు గ్రేడ్-4 కార్యదర్శిలుగా పదోన్నతులు కల్పించింది. 

ఈ క్రమంలో ఇంకా సర్వీసు రూల్స్, ప్రమోషన్ ఛానల్ లేని సుమారు మహిళా పోలీసులు, వెల్ఫేర్ అసిస్టెంట్లతో సహా పది విభాగాల ఉద్యోగులు ఉసూరు మంటున్నారు. అయితే సచివాలయశాఖలోని ఉద్యోగులకు పదోన్నతులు మొదలైతే మిగిలినశాఖల సిబ్బందికి కూడా పదోన్నతులు రాజ్యాంగం ప్రకారం కల్పించాల్సి వుంటుంది. కానీ మహిళా పోలీసుల అంశం కోర్టు కేసుల్లో ఉండిపోవడంతో వారికి ఇప్పట్లో పదోన్నతులు వచ్చే పరిస్థితి లేదు. అలాగని సర్వీసు రూల్స్, ప్రమోషన్ ఛానల్ లేని వివిధ విభాగాల ఉద్యోగులకు కూడా ప్రమోషన్ ప్రభుత్వం ఇవ్వలేని పరిస్థితి. ఇప్పుడు కూడా రేషనలైజేషన్ ద్వారా ప్రస్తుతం ఉన్న సచివాలయ సిబ్బంది తగ్గిపోతారు. అలా తగ్గిపోయిన సిబ్బందిని వారి మాతృశాఖల్లో అదనపు సిబ్బందిగా వినియోగించుకునే అవకాశాలను కూడా ప్రభుత్వం పరిశీలిస్తున్నది. దానికి కారణం వేల సంఖ్యలో ఉద్యోగులు రిటైర్ అయిపోవడమే. ప్రస్తుతం ప్రభుత్వం కొత్త ఉద్యోగాలను భర్తీచేయలేక.. రేషనలైజేషన్ పేరుతో ఉద్యోగులను కుదించడంతోపాటు, అవకాశం ఉన్నవారికి పదోన్నతులు కల్పిస్తే.. ఉద్యోగులకు కాస్త ఉపసమనం లభిస్తుందని.. ఉద్యోగుల నుంచి వ్యతిరేక రాదని భావించి అనుకున్నదే తడువుగా పదోన్నతులు ఇవ్వాలని జిల్లా కలెక్టర్లకు ఆదేశాలిచ్చింది.

గ్రామ, వార్డు సచివాలయ శాఖలోని మహిళా పోలీసుల అంశం హోం మంత్రి అనిత రాష్ట్ర అసెంబ్లీలో ప్రస్తావిస్తే వారికి ఉపసమనం కలుగుతుందని ఉద్యోగులంతా భావించారు. కానీ ఆ తరువాత మహిళా పోలీసుల విషయంలో హోంశాఖ ఎలాంటి నిర్ణయం తీసుకోలేదు. దానికి తోడు వీరి నియమాకాల విషయంలో కోర్టు కేసులు కూడా ఉండటం, ప్రభుత్వం కౌంటర్ ఫైల్ దాఖలు చేసే విషయంలోనూ ముందడుగు వేయకపోవడంతో మహిళా పోలీసుల అంశం ఎక్కడ వేసిన గొంగలి అక్కడే అన్నట్టు అయిపోయింది. దానితో హోం మంత్రి లేవనెత్తిన అంశం అసెంబ్లీకే పరిమితం అయిపోయినట్టైంది.

గ్రామ, వార్డు సచివాలయశాఖలోని ఒక విభాగం ఉద్యోగులుగా ఉన్న గ్రామీణ మత్స్య సహాయకులకు కూడా ప్రమోషన్ ఛానల్ విషయంలో లైన్ క్లియర్అయ్యే అవకాశాలు కనిపిస్తున్నాయి. ఇప్పిటికే ఈ శాఖ మంత్రి కింజరాపు అచ్చెన్నాయుడు తమశాఖ ఉద్యోగులందరికీ తమ మాతృశాఖకు తిరిగి అప్పగించేయాలని జిఏడికి లేఖ కూడా రాశారు. అయితే వీరి నియామకం విషయంలో గ్రేస్ పాయింట్లు కొందరు ఉద్యోగులకు గత ప్రభుత్వం కలిపిన తరువాత నియామకాలు చేపట్టింది. కానీ పదోన్నతులు ఇచ్చే సమయంలో వాటిని మత్స్యశాఖ పరిగణలోనికి తీసుకోకపోవడంతో అన్యాయమైపోతున్న ఉద్యోగులు ప్రభుత్వాన్ని ఆశ్రయించడంతో పదోన్నతుల అంశం నిలిచిపోయింది. అయితే తాజాగా మళ్లీ ఎవరికి అయితే గ్రేస్ పాయింట్లు కలిపారో వాటిని కలుపుకుని సీనియారిటీ జాబితాలు తయారు చేసి వారికి కూడా ప్రమోషన్ ఇవ్వాలని మత్స్యశాఖ భావిస్తున్నట్టుగా సమాచారం అందుతుంది.

గ్రామ, వార్డు సచివాలయశాఖలోని నేటికీ  ఆయా మాతృశాఖల ద్వారా నియామకాలు జరిగినా వారికి సర్వీసు నిబంధనలు లేకపోవడం, ప్రమోషన్ ఛానల్ వర్తింపచేయని ఉద్యోగులకు పదోన్నతులు వచ్చే అవకాశం లేదు. దానికి ప్రభుత్వం ప్రత్యేక చర్యలు తీసుకుంటే తప్పా వీరికి మోక్షం కలుగదు. అలా జరగాలంటే సదరు శాఖల మంత్రులు ప్రత్యేక చొరవ తీసుకుంటే తప్పా జిఏడీ నుంచి వీరికి నిర్ధిష్టమైన ఆదేశాలు వచ్చే అవకాశం లేదు. ఈ విషయంలో సచివాలయ ఉద్యోగ సంఘాలు ఎన్ని ఆందోళనలు చేసినా.. ప్రభుత్వానికి అర్జీలు పెట్టినా ప్రయోజనం మాత్రం నేటికీ రాలేదు. అన్నిశాఖల కంటే ముందుగా పంచాయతీరాజ్ శాఖ మంత్రి పవన్ కళ్యాణ్ ప్రత్యేక చొరవతీసుకోవడంతో పంచాయతీ కార్యదర్శిలకు మాత్రం మొదటి ప్రమోషన్ వచ్చేస్తున్నది. ఇదే విధంగా మిగిలినశాఖల మంత్రులు కూడా వారి శాఖ ఉద్యోగుల కోసం చొరవ చూపాల్సి ఉంది.

 అయితే అందరి కంటే ముందుగా హోం మంత్రి అసెంబ్లీలోనూ, శాసన మండలిలోనూ మహిళా పోలీసుల అంశాన్ని  లేవనెత్తినా.. తరువాత ఎలాంటి చర్యలు లేవు అలా వదిలేసినా విభాగాల ఉద్యోగులకు కూడా పదోన్నతులు వచ్చే అవకాశం లేదు. కాగా ఒకేసారి విధుల్లోకి చేరిన ఉద్యోగుల్లో కొందరికే పదోన్నతులు దక్కి మిగిలినశాఖల ఉద్యోగులకు పదోన్నతులు రాకపోవడంతో మిగిలిన విభాగాల ఉద్యోగులు మాత్రం కన్నీటి పర్యంతం అవుతున్నారు. వాళ్లు ఏం ఎక్కువ.. మేము ఎక్కువ అంటూ ఆవేదన చెందుతున్నారు. ఈ క్రమంలో కూటమి ప్రభుత్వం మిగిలిన ఉద్యోగుల పదోన్నతులు, సర్వీసు నిబంధనల విషయంలో ఎలాంటి చర్యలు తీసుకోబోతుందనేది ఇపుడు హాట్ టాపిక్ గా మారింది.?!