నో డౌట్ గ్రామ, వార్డు సచివాలయ ఉద్యోగుల విషయంలో ఈరోజు-ఈఎన్ఎస్ ప్రత్యేక కథనాల్లో చెప్పిందే..కూటమి ప్రభుత్వం తూచా తప్ప కుండా అధికారికంగా చేసి చూపించింది.. దీనితో ప్రభుత్వం చేయబోయే విధానాలను ఈరోజు-ఈఎన్ఎస్ ముందుగా గెస్ చేసి వార్త కథనాలు ఏ విధంగా ప్రచురించగలిగిందీ అంటూ.. ప్రధాన మీడియా సంస్థలు తలలు పట్టుకుంటున్నాయి.. వైఎస్సార్సీపీ ప్రభుత్వం పెంచేసిన రిటైర్ మెంట్ వయస్సు అదనపు రెండేళ్లు కూటమి ప్రభుత్వంలోకి వచ్చిన తరువాత తీరిపోయింది.. వేల సంఖ్యలో 74 ప్రభుత్వశాఖల్లోని ఉద్యో గులు రిటైర్ అయిపోతున్నారు. వారి స్థానంలో కొత్తగా ఉద్యోగాలు భర్తీచేయాలంటే ఇప్పట్లో జరిగే పనికాదు..దానితో 2వ అతిపెద్ద ప్రభుత్వశా ఖగా ఉన్న గ్రామ, వార్డు సచివాలయశాఖలోని ఉద్యోగులను రేషనలైజేషన్ పేరుతో మదింపు చేస్తే.. ఇప్పట్లో కొత్తగా ఉద్యోగాలు తీసే పనుండ దు..అందుకోసం ఆఘమేఘాలపై కూటమి ప్రభుత్వం క్యాబినెట్ లో చర్చించి దానిని వెనువెంటనే అమల్లోకి తెచ్చేవిధంగా జీఓఎంఎస్ నెంబ రు-1ని విడుదల చేసింది. దీనితో ఈరోజు-ఈఎన్ఎస్ రాసిన రేషనలైజేషన్ పేరుతో ఉద్యోగుల మదింపు జరుగుతుందని రాసిన ప్రత్యేక కథనం మరోసారి నిజమని రుజువైంది..!
ఆంధ్రప్రదేశ్ ప్రభుత్వం పరిపాలనా సౌలభ్యం కోసం గ్రామ, వార్డు సచివాలయశాఖ ఉద్యోగుల రేషనలైజేషన్ కోసం ఇచ్చిన జీఓనెంబరు-1లో ఉద్యోగలను మూడు కేటగిరీల క్రింద విభజించి.. మిగులు ఉద్యోగులను ఇతర ప్రభుత్వశాఖల్లో ఎక్కడైతే అవసరం ఉందో అక్కడ నియమి స్తామని పక్కాగా పేర్కొంది. కానీ ప్రస్తుత సచివాలయశాఖలో పనిచేస్తున్న కొందరు ఉద్యోగులకు నేటికీ సర్వీసు నిబంధనలు, ప్రమోషన్ ఛానల్ లేదు. ఆ విషయంలో ఏం చేయబోతుందనే అంశం మాత్రం ఎక్కడా పేర్కొనలేదు. ప్రభుత్వం సచివాలయ ఉద్యోగుల విషయంలో ఎన్నేళ్లు ఆలస్యం చేస్తే అన్నేళ్లూ ఇక్కడ ఉద్యోగులకు పదోన్నతులు రావు. ఒక వేళ పదోన్నతులు కల్పించాలని ప్రభుత్వం భావించినా.. ఏ ప్రభుత్వ శాఖలోని సర్వీసు రూల్స్, ప్రమోషన్ ఛానల్ వినియోగించి చేపడుతుందనే అంశం ఉత్పన్నమవుతుంది.
బహుసా ఈ విషయాన్ని ముందుగానే తెలుసుకున్న గత ప్రభుత్వం గ్రామ, వార్డు సచివాలయ ఉద్యోగులకు జీవితాంతం పదోన్నతులు రాకుం డా..ఒకే దగ్గరే ఒకే క్యాడర్ లో ఉద్యో గ విరమణ చేయించేద్దామని బావించి వుంటుంది. గత ప్రభుత్వం అమలు చేయని సర్వీస్ రూల్స్, ప్రమో షన్ ఛానల్ విషయంలో కూటమి ప్రభుత్వం కూడా అంతే తాత్సారాన్ని ప్రదర్శిస్తున్నది. ఇదే సమయంలో ఇతర ప్రభుత్వశాఖల్లో ఉద్యోగులు రిటైర్ అవుతున్న సమయంలో మాత్రం పరిపాలనలో ఎక్కడా ఇబ్బందులు రాకుండా గ్రామ, వార్డు సచివాలయశాఖలోని ఉద్యో గులను అవరం ఉన్న శాఖలకు డిప్యూటేషన్లపై పంపిస్తున్నది. అంటే ఇక్కడ ఉద్యోగులతో పనిచేయించుకోవడానికి సౌలభ్యం కుదురు తోంది కానీ.. ఉద్యోగులకు రాజ్యాంగ బద్దంగా అమలు చేయాల్సిన సర్వీస్ రూల్స్, ప్రమోషన్ ఛానల్ పై మాత్రం ప్రభుత్వం నోరు మెదపడం లేదు. భారత దేశంలో 29 రాష్ట్రాల్లోని ఏ ప్రభుత్వంలోనూ లేని విధంగా ఒక్క ఆంధ్రప్రదేశ్ ప్రభుత్వంలోనే గ్రామ, వార్డు సచివాలయశాఖ లో తలా తోకాలేని నియమాకాలు జరిగాయంటే అతిశయోక్తి కాదేమో.
ఇదే విషయాన్ని రాష్ట్ర హోంశాఖ మంత్రి వంగలపూడి అనిత సచివాలయ మహిళా పోలీసుల విషయంలో జరిగిన తేడాతనాన్ని, వీరికి జరిగి న అన్యాయాన్ని అసెంబ్లీ, శాసన మండలి సాక్షిగా ప్రశ్నించారు. పెద్ద చర్చకి కూడా తీసుకు వచ్చారు. అసెంబ్లీ సమావేశాల సమయంలో చర్చ లు అయితే జరిగాయి కానీ వీరిని ఏం చేస్తారనే విషయంలో మాత్రం నేటికీ పోలీసుశాఖ నుంచి కూడా ఎలాంటి క్లారిటీ లేదు. ఇప్పట్లో వస్తుందనే నమ్మకం కూడా లేదంటున్నారు మహిళా పోలీసులు చాలా నీరసంగా. ఇదిలా ఉంటే తమ శాఖ మత్స్యశాఖ ఉద్యోగులను మాకిచ్చే యండని మత్స్య, వ్యవసాయశాఖ మంత్రి కించజరాపు అచ్చెన్నాయుడు ప్రభుత్వానికి ప్రత్యేక సమావేశం ఏర్పాటు చేసి..సదరు శాఖ కమిష నర్ ద్వారా జిఏడికి రాసిన లేఖపై కూగా ప్రభుత్వం నుంచి నేటికీ అతీ గతీలేదు. ఇక్కడ ఒక అంశం చాలా క్లియర్ గా కనిపిస్తున్నది. సచివాల యాల్లోని 19విభాగాల ఉద్యోగులను గత ప్రభుత్వం ఆయా మాతృశాఖల ద్వారానే నియామకాలు చేపట్టింది. కానీ.. ఆ మాతృశాఖలోని లేని క్యాడర్ ని వీరికి ఇచ్చింది.
సర్వీసు నిబంధనలు, ప్రమోషన్ ఛానల్ కూడా ఏర్పాటు చేయలేదు. దీనితో ఇక్కడ పనిచేస్తున్న ఉద్యోగులు ఏ క్యాడర్ కి చెందిన వారో నేటికీ ప్రభుత్వానికే తెలియని విధంగా ఉంది. ఇప్పటి వరకూ రాష్ట్ర ప్రభుత్వంలో అటెండర్ తరువాత ఉద్యోగలు గ్రేడ్-4 నుంచి ప్రారంభం అవు తారు. కానీ గత ప్రభుత్వం కొత్తగా గ్రేడ్-5 అనే క్యాడర్ ని సృష్టించింది. అలా వీరి సర్వీసు కొనసాగితే.. పక్కాగా సర్వీసు నిబంధనలు, ప్రమో షన్ ఛానల్ ఉంటే.. వీరి పదోన్నతులు పదేళ్లు వెనక్కి వెళ్లిపోతాయన్నమాట. అపుడు మళ్లీ కొత్తగా ఉద్యోగాలు తీసే పనుండదు. అందులోనూ సాంకేతిక సమస్యలు, కోర్టు కేసులు ఉంటే చెప్పాల్సిన పనేలేదు. మరో పదేళ్లు ఉద్యోగులకు పదోన్నతులు కల్పించే పనే ఉండ దు. సరిగ్గా ఆ అంశమే ప్రభుత్వానికి కలిసి వచ్చింది. సచివాలయ మహిళా పోలీసుల విషయంలో కోర్టుకేసుల నెపంతో వారి పదోన్నతులకు సంబంధించి ప్రభుత్వం చెబుతున్న మాట కూడా అదే. మీ విషయం కోర్టు పరిధిలో ఉంది.. ఆ కేసులు క్లియర్ అయ్యేవరకూ ప్రభుత్వం కోర్టు కేసులను కాదని ఏమీ చేయడానికి లేదు అని చెబుతోంది.
ఒక్క మహిళా పోలీసుల విషయంలోనే కాదు.. సర్వీసు నిబంధనలు లేని ఇతర విభాగాల ఉద్యోగుల విషయంలోనూ ప్రభుత్వశాఖల జిల్లా అధికారులు చెబుతున్న మాట కూడా అదే. ప్రభుత్వం ఎలాంటి డైరెక్షన్స్ ఇవ్వకుండా ఏవిధంగా మీకు పదోన్నతులు కల్పించాలని ఉద్యోగులనే తిరిగి ప్రశ్నిస్తున్నది. అలాగని గ్రామ, వార్డు సచివాలయ ఉద్యోగుల అంశాలన్ని జిఏడీ కానీ, ఈశాఖ కమిషనర్, ప్రిన్సిపల్ సెక్రటరీ గానీ చొరవ తీసుకొని ఇతర ప్రభుత్వశాఖ ప్రిన్సిపల్ కార్యదర్శిలతో చర్చలు జరిపి సమస్యను పరిష్కరిస్తారా అంటే అదీ జరగడంలేదు. కానీ ఒక్కటి మాత్రం గత ఐదేళ్ల నుంచీ జరుగుతూనే ఉంది. ఎక్కడైతే ఇతర ప్రభుత్వశాఖల మాదిరిగా వీరికి కూడా అన్నీ సక్రమంగా ఉంటే ప్రభుత్వ ప్రయోజనాలు ఇవ్వాల్సి వస్తుందోనని.. ఏమీ చేయకుండానే వీరితో సాధారణ విధుల కంటే అదనపు సమయం కూడా విధులు గత ప్రభుత్వంతో పాటు.. ఈ ప్రభుత్వం కూడా చేయించుకుంటూ వస్తున్నది.
ఇప్పటికైనా కూటమి ప్రభుత్వం గ్రామ, వార్డు సచివాలయ ఉద్యోగులను కూడా ఇతర ప్రభుత్వశాఖల ఉద్యోగులుగా గుర్తిస్తే.. రాజ్యాంగ బద్ధంగా వీరికి అమలు చేయాల్సిన సర్వీసు నిబంధనలు, ప్రమోషన్ ఛానల్ ఏర్పాటు చేసి వీరికి కూడా పదోన్నతులు కల్పించాలి. అలా పదోన్నతులు కల్పించినా కూడా ఉద్యోగులు ఎక్కడికీ వెళ్లడానికి వీలుపడదు. ఇక్కడే అదే సచివాయాల్లోనే ఉద్యోగాలు చేయక తప్పదు. పదోన్నతులు ఇచ్చి.. ఇతర ప్రభుత్వశాఖల ఉద్యోగుల మాదరిగా ప్రభుత్వం నుంచి రావాల్సిన ప్రయోజనాలను వీరికి కూడా కల్పించాలి. ప్రభుత్వం ఇప్పట్లో ఆ సాంకేతిక కారణాలను సరిచేయకపోతే రేపు పీఆర్సీ వేసే సమయంలో మళ్లీ గ్రామ, వార్డు సచివాలయ ఉద్యోగులకు తీవ్ర అన్యాయం జరుగుతుంది.
దీని ప్రభావం ఉద్యోగుల పే స్కేలుపై పడుతుంది. ఇప్పటికే గత ప్రభుత్వం చేసిన మోసం వలన ఉద్యోగులు సర్వీసు రెగ్యులర్ అయిన తరువాత పొందాల్సిన రెండు నోషనల్ ఇంక్రిమెంట్లు కోల్పోయారు. పీఆర్సీ ఇచ్చారు గానీ.. అరియర్స్ నష్టపోయారు. ఇదే పద్దతి కొనసాగితే భవిష్యత్తులో కూటమి ప్రభుత్వంలో కూడా మరోసారి ఉద్యోగులు ప్రభుత్వ ప్రయోజనాలను నష్టపోక తప్పదు. చూడాలి కూటమి ప్రభుత్వం గ్రామ, వార్డు సచివాలయ ఉద్యోగుల సర్వీసు రూల్స్, ప్రమోషన్ ఛానల్, కోర్టుకేసుల విషయంలో ఎలాంటి నిర్ణయం తీసుకుని ఉద్యోగులకు మేలు చేస్తుందనేది..?!
