తిరుమలలో శ్రీవారికి ప్రతినెలా జరిగే పున్నమి గరుడసేవ గురువారం సాయంత్రం జరుగనుంది. కోవిడ్‌ నిబంధనల కారణంగా ఆలయంలో కార్యక్రమాన్ని ఏకాం తంగా నిర్వహించడానికి తిరుమల తిరుపతి దేవస్థానం అధికారులు అన్ని ఏర్పాట్లు చేశారు. కాగా ఈ నెలలో స్వామివారికి మూడుసార్లు గరుడసేవ జరుగనుంది. పౌర్ణమి సందర్భంగా గురువారం,  అక్టోబరు 31న, నవరాత్రి బ్రహ్మోత్సవాల్లో భాగంగా అక్టోబరు 20న గరుడసేవ నిర్వహిస్తారు. కోవిడ్ కారణంగా ఆలయ సిబ్బంది, అర్చకులతో మాత్రమే స్వామివారికి  గరుడ సేవ నిర్వహిస్తారు. ప్రతినిత్యం తిరుమలలో కరోనా పాజిటివ్ కేసులు పెరుగుతున్నందున ఈ చర్యలు తీసుకున్నట్టు టిటిడి అధికారులు ప్రకటించారు. స్వామివారికి జరిగే ఈ సేవను ఎస్వీబీసీ ఛానల్ ద్వారా ప్రత్యేక్ష ప్రసారం చేస్తారు. ఆలయంలోని స్వామివారి మండంలోనే కార్యక్రమం జరగనుంది..