కోవిడ్‌-19‌లో దేశవ్యాప్తంగా జర్నలిస్టులు అందించిన సేవలు అత్యంత ప్రశంసనీయమని విశాఖ శారదాపీఠాదిపతులు స్వరూపనందేంద్ర సరస్వతి, సౌత్మనందేంద్ర సరస్వతిలు కొనియాడారు. శుక్రవారం జాతీయ జర్నలిస్టుల సంఘం  కార్యదర్శి, వైజాగ్‌ ‌జర్నలిస్టుల ఫోరమ్‌ అధ్యక్షుడు గంట్ల శ్రీనుబాబు శారదాపీఠాధిపతులను మర్యాదపూర్వకంగా కలుసుకున్నారు. అనంతరం పీఠం ప్రాంగణంలో గల రాజశ్యామల అమ్మవారి, ఇతర దేవతామూర్తులను  దర్శించుకున్నారు. అనంతరం స్వామీజీలను కలిసి ఆశీర్వాదం పొందారు. ఈ సందర్భంగా కోవిడ్‌-19‌లో జర్నలిస్టులు తమ ప్రాణాలను సైతం పణంగా పెట్టి తమ విధులు  నిర్వహించారన్నారు. ప్రజలను కోవిడ్‌ ‌బారిన పడకుండా అపరమత్తం చేయడంలో కీలకపాత్ర పోషించారన్నారు. అయితే ప్రభుత్వపరంగా జర్నలిస్టులకు సాయం అందించే విధంగా చూడాలని శ్రీనుబాబు స్వామీజీలు కోరారు. దీనితో వారు సానుకూలంగా స్పందించి జర్నలిస్టులకు తగు మేలు జరిగేవిధంగా కృషిచేస్తానని హామి ఇచ్చారు. హిందూ ధర్మ పరిరక్షణకు విశాఖ శారదాపీఠం నిరంతరం కృషిచేస్తూనే వుంటుందని ఇందుకోసం ఎవరి స్థాయిలో వారు ముందుకు రావాలని స్వామీజీలు పిలుపునిచ్చారు.